السلام عليكم حبيت اكتبلكم قصة ولادتي الي من يومين بـأبني يوسف اول طفل لي
يوم السبت 18_6_2011 رحت للدكتوره لاني تعبت من الحمل ردت تنطيني اي شي حتى اولد قلات راح افحص داخلي وفحصت داخلي ولقت توسع اصبعين وسوتلي بيدها توسع ولازم الولاده التوسع 4 اصابع
رجعت للبيت وبدت الاوجاع بس اوجاع خفيفه مثل اوجاع الدوره ورحت للحمام الله يكرمكم ولقيت دم دم دم وماقلت لزوجي بس امي تعرف والدكتوره قالت يوم الاحد ادخل المستشفى اولد بطلق اصطناعي لان مرتفع عندي الضغط
رحت يوم الاحد الصبح للمستشفى بعد ما اتروشت وسبحت وطلعت فله 
كأني رايحه على عرس
فحصوني داخلي وقالو اصبعين راح نطول وياج قلت ميخالف وخلولي اول سيروم وفيه بيتوسين زادت شوي الاوجاع وكل شوي فحص
داخلي وخلصت اول سيروم وعلقو ثاني سيروم (مغذي) وكمان اوجاع دوره محتمله وعملولي حقنه وظليت ادعي ادعي قلت ياربي يمكن ولادتي سهله لان ماعندي اوجاع قويه
اجتي الممرضه وقالت توسع 3 اصابع ونص وطقت موية الطفل وهنا بدأت المعركه حسيت بأوجاع ربي لا يكتبها لاحد من قوتها واضرب بأيدي على الحايط ودموعي 10 10
خلص السيروم الثاني وعلى فكره محد معاي بالمستشفى غير امي الله يحفظها
اخر شي صوتي راح وتعبت تعب موطبيعي وقلبي صار يوجعني امي خافت لان جابو جهاز قياس نبض الطفل ومالقو نبض
امي صاحتهم كلتلهم اخذوها ما اريد اشوفها بين قوسين امي انهارت بالهاللحظه زوجي تحت بالاستعلامات هوه واخوي كل شويه يريد يصعد لقسم الولاده وامي ماتقبل
دخلوني غرفة الولاده شنو من نظافه يعني يمكن انظف مستشفى بالعراق والممرضات حبوبات ويجيني الطلق القوي ادفع وعلى النص ويبرد خطيه اضطرو يصرخون عليي
وسووولي قطع عجان جانبي بس الشي الي يخوف سووه بدون بنج حسيت روحي تطلع والمفاجأه صار عندي بغير مكان شق طولي وتفتت باللحم وصل لفتحه الشرج ويقولولي ادفعي وانا ادفع ويبرد الطلق اخر شي قالت راسه راح يطلع بس دفعه وحده بعد كلتلها مو كادره طالت اراويج شي حتى تصدقين جابت مقص وقصت من شعره
وذاك الوكت يلا صدقت ودفعت وصحت يااااااااااااااربي وطلع الراس الحباب وطلع يوسف للدنيا ويخيطوني بلا بنج واستحملت وصارت مفاجأه ثانية....
الرحم مو كاعد يتقلص والتمو الدكاتره يشوفون شنو القصه عطوني مهدئات بالسيروم ورادو يعطوني دوه ثاني بس قالو مانكدر ضغطها مرتفع كان ضغطي 14\9
وودوني للغرفه ولقيت زوجي وامي وبنت خالتها وصديقة امي ينتظروني وجابولي يوسف الله يحفظه الي ولابوه ونوموني بليلتها بالمستشفى واخت زوجي ظلت عندي وقفت وقفه معاي الله يحفظها وبعدين ردت اروح للحمام الله يكرمكم وملقيت نفسي الا بالارض ملتمين الممرضات يصحوني لان دخت وصار عندي اغماء تأكدو من الرحم ولقو ماكو نزف الحمدلله وصارت قصة ولادتي سوالف
ربي يهون الطلق على كل وحده
علما دخلت للمستشفى الساعه 9 الصبح وولدت ساعه 5 ونص العصر