[A.N.A]

انا بعد بقي اسبوعين واكمل التاسع
وانواع الطفش والنفسيه والاخلاق ..

الصيحه على جريف
والثقل مثل ما وصفتيه بالضبط كني شايله حديد
والحرقان والحموووضه اااااااااااااااااااااااااااااااه
مقدر انسدح منها واذا انسدحت طبعا على جنب وتحت الكرش بطانيه والا شرشف والا زفت
تجي الحموضه وتخرب السدحه
مغير طايحه ع السرير او الكنب
ومالي طاري امشي
ولا جربت اي شي
اصلا انا مب بمنطقتي جايه الرياض من شهر وقاعده بشقه مفروشه مافيه امل اتبخر ولا اسوي شي
وارحم زوجي لا جا من الدوام يبي ينام والا يكون عنده اختبار بيدرس
فما اطلع امشي الا ماشا الله

وما اجرب اي شي غير مويه مقري فيها وادعي ربي

قافله معي احيان اعصب ع البيبي اقول تكفى اطلع حرام عليك
واحيان تجيني الصيحه اقول امي بالجنه :(
كيف كذا الحمل وجايبتنا انا واخواني
الله ياجر امهاتنا

قسم بالله يوم قلتي اشوف الكلوت ادور شي جديد .. ذكرتيني بنفسي اتخيل دم اتخيل مويه
احيان اقوم اضبط كحلي وشعري اقول عشان لا يكون شكلي مبهذل بالمستشفى ..
واثقه
وكل من سالني ولدتي ودي اذبحه
اكيد لا ولدت بتدرون
واليوم صحيت لقيت وحده كاتبه لي اولدي !
< قولي والله !!
يعني بيدي وما ابي ؟
اصلا انا اخذت اجازه من الدوام عشان ما اسمع احد يسالني كم بقى لك وليه ما ولدتي والنصايح اللي انا بغنى عنها ..
تجي احيان باسلوب ينرفز ولا ابي ازعل من احد بسبب نفسيتي

من دخلت السادس والناس يسالوني شكلك اليوم بتولدين !
طيب انا بالسادس !!
ما اقدر اتحمل الى التاسع هالنوع من النقاشات !
والا خشمك كبر وخشمك صغر
صدرك كبران والا رجلينك دبه :( :(
ابي اولد وارمي كل هالاشياء في الذكريات ..
صراحه الحمل نعمه بس صعععععبه جدا ..

<< فضفضت من قلب :$