صباح الخير بنات ...
أم سامر .. للاسف يا عمري ما أعرفها ..لاني مو من جده
بنات بدري تتكلمو عن الولادة لا تفكروا فيها إن شاء الله تتسهل بعدين أنا مجربتها وكل ولادة تختلف عن الثانية .. أدعوا حبيباتي بالتيسير اللهم إني أسألك حسن الخلق وهون الطلق ..
والخياطة ما راح تحسي كثير فيها لان المنطقه تكون كأنها متبنجه من الطلق وهم يعطوك بنج موضعي وهي في صالح الوحدة منا إن شاء الله وكلها كم يوم وتفك الخيوط من نفسها تذوب وتطيح .. صحيح أن الولادة وما يتبعها من أيام فيها تعب والم وسهر مع البيبي ..
لكن نتيجتها شي جميل يستاهل هذا التعب .. الله يرزقنا الاطفال السليمين المعافين ..آمين
وبالنسة للي تخاف من انو الجنين مو باين في السونار حبيبتي .. استودعيه الله وأدعيه أنو يحفظه لك .. جداتنا ما كان عندهم سونار ولا تصوير يعني يظل هالبيبي شي مجهول لها ما تحس إلا بحركته ومتوكلين على الله وجابوا أباءنا وأمهاتنا ولا صار لهم شي ..
أحس هذي الايام التقنية الحديثة خلتنا نوسوس .. تذكري الله تعالى يقول (أنا عند ظن عبدي بي ) فاليكن ظننا بالله حسن وهو يكفلنا أحنا وأجنتنا ..
آسفه بنات ثقلت الكلام عليكم .. بس أنا إذا ذكرتكم أذكر نفسي بعد ..