ميمي
حبوبة تقدري تقوليلي ام رنيم ^^
بالنسبة للدكتورة والله ماني من النوع الي ينرفز علي كدا كانو كل الدكاترة الي اروحلهم ينرفزو مني خخخ
بالعكس ماسالها كتير ولا شي بس سالتها اول مرة كم سعر الولاده عندك؟
قالتلي بضحكه بس بممناعه شديده
ليش تسالي دحين ومو وقتك ودوبك بالرابع قدامك وقت ومدري ايش
طييييييييييييييييــب ياهوه ابغي اعرف عشان احدد يناسبني السعر ولالا ماغلطت ماقلتلها ابغي اشوف غرفه الولاده ولا قلتلها ابغي اعرف نوع الابر والمسكنات الي تعطيني
بعدين الموعد الي بعدو مسالتها
الموعد التالت رجعت سالتها سوال مهم ليا
كيف طريقة الخياطه في تجميلي ولالا ؟ وهل انا بكرية احتاج تجميلي ولالا ؟ لاني ماعرف واحتاج افهم منها شخصيا لانها الدكتورة بمجالها
وقلتلها تعطي ابرة ظهر ولالا ؟عشان انا سمعت من كتر ماتعطي بنج ولا ابر ظهر ولا فخد
وقلتلها لو تعطي ابر فخد هل توجع زي الظهر ولا كيف ؟
وبس هادا كل يلي سالته بس طبعا باختصار هنا انا كتبت كتير خخخخ
والا فكت عليا وعصبت بس بدون قلة ادب
لكن عصبت لدرجه سارت تتكلم متواصل وماتعطيني ولا زوجي مجال نقول كلمة
وزوجي عصب وزعل مرة وقفلت معاه
وسارت تقولي مييييييييين الي قالك الكلام دا
وليش تسالي ولسه بدري تخوفي نفسك
ايش هوا دا ؟ هبل ولا هبل؟ اخوف نفسي وانا قيدني علي نهايه الخامس وقتها
وقيدني حامل ورايا ولاده ورايا؟ وشايفتني اسال بجده بلا خوف ولا هبل
لانو اخويا دكتور ومرتو نفس الشي وانا قيد مسويه عمليه زمان ومجربه الحااجات دي ماخاف
بس ابغي افهم عشان اقرر واعرف
تقولي وقت التاسع اسالي واجاوبك وبعدها قرري
لا ياشييييييييييييييخه هنا انا مرة تضايقت ايش التاسع اسال ووقتها احدد تناسبني ولالا ؟
ووقتها كيف اغير الدكتورة واحوس وانا اخر شهر ليا؟وموعد بيكون اي لحظة؟
هادا بامانه كل يلي حصل معايا
طبعا قطعت في اخويا ومرته انهم مايفهمو و و و و و وطبيعي الوحده تزعل من الاسلوب الي كدا
فانا قفلت منها بعد الزياره هادي ودحين موعدي جا ولا لي نفس اروح ماحب اللي زي كدا
مافيها شي لو سالتك بادب وفي وقت زيارتي انك تجاوبيني انا ماسالتك مليون شي
سالتك حاجتين طريقه الحياطه كيف ؟ وكيف طريقة البنج وقت الولاده بس
الدكتورة خلود رستم نويت عليها لكن وحده الله يعطيها العافيه قالتلي
انها كشرة وماترد عالاساله ومستعجله وتبغي تخلص بس
يعني لو اكدولي اكتر من بنت النقطه هادي ماني رايحه لها زيها زي امال
انا بدور وحده لو سالت تجاوب لو مافهمت تفهمني
لو خفت وقت الولاده تحن عليا مو تستعجل وتصرخ
الله يعين