وعليكم السلام ورحمة الله وبركاته
شوفي يأختي ،الهدايا ،،والورود ،،موب أساسيه ، ودليل على الحب ،صحيح أنا يالحريم نحبها ونتمناها ،،تجينا من أزواجنا من غير مانطلبها ،،بس مافي يدنا حيله ،،
إذا زوجك ،،ماشاء الله طيب وكريم وخلوق معك ،، صدقيني هاذا أهم شي في الزوج ،،
إذا على المطاعم والتمشيات ،،أنتي اجتهدي ،،جربي في يوم ،،وقوليله يأبو فلان وشرايك نغير جو الليله للمطعم الفلاني ،، ومره ،،جهزي لطلعه فيها شوي وقهوه وشاي وعصيرات ،،واذا جلستوا قولي يأبو فلان ،،عليك الشوي ،،وعلي أنا السلطه ،،
وإذا انتم من سكان الرياض فعلآ مافيه أماكن ترفيه كثيره ،،بس بتقدرون لا حاولتي ،،
فيه شاليهات ،،وحدائق ،،ومخططات ،،
ويوم الخميس اطلعو مع اخته واخوة ،،طلعه عائليه ،، فكري انتي بطرق لترفيه أنفسكم ،، لانه اذا عجبته بيصير يتحمس ويطلعكم ،،
نصيحه ،،،لاتهملينه مرره وخليك مثل مانتي وأهتمي في نفسك ،،
غيرك أزواجهم ،،كله في الاستراحات والسفريات ومايجلسون بالبيت مرره ،،ومنكدين عيشة زوجاتهم،،
موفقه يأختي ـ والله يكتب لك الخير ،،