[الحيـاة أمـل]

المشاركة الأصلية كتبت بواسطة ام دانو

علاش باقا معرفتي شحال عندك واش ماحاسباش نتي راسك

الله يسمعك خبار الخير انشاالله ويكمل حملك على خير

لا انا درت حساب اني حملت فشهر 2 حيث جاتني حق الشهر فآخر شهر 1 وفين مشيت عند الطبيبة نعمل اول تلفزة ديال 3 شهور قالت لي راه عندك 4 شهور ماشي 3 ولكن فالشك حتى ديك 4 شهور حيث التلفزة عطات 16 اسبوع +- اسبوع ( يعني 17 او 15)
وقالت حتى تدوز 3 شهور ونعاود تلفزة نتاكد مزيان من مدة الحمل

غدا نمشي ندي ليها التحاليل ونشوف شنو تقوليا عاوتاني ...وصراحة بغيت بمشي عند اختصاصية ديال النساء والتوليد ولكن ماكاينة حتى وحدة هنا ..كاينات غير طبيبات ديال الطب العام اما اختصاص النساء والتوليد كاين رجال وانا ما بغيت نمشي عندهم واخا سمعتهم مزيانة والفحص ديالهم كيكون احسن بزاف من الطب العام ...شنو رايكم ؟؟؟؟