[أم فاضل]

السلام عليكم ورحمة الله وبركاته, هلا خواتي الحوامل شخباركم ؟
الله يسهل علينا وعليكم ونقوم كلنا بالسلامة إن شاء الله

اليوم دخلت الشهر السابع وما جهزت ولا شي غير هالسرير
الي بحطه في بيت أهلي وشريته من إيكيا بـ 495ريال والمرتبه بـ 445 ريال
وشريت له زي المفرش الصغير تحته عشان يمنع التسريب بـ 119 ريال



والحين جا دور الصعب وما أعرف من وين أبتدي !!
أنا كتبت الأغراض من كذا موضوع من المنتدى في ورقة بس أنتظر التخفيضات تصير نهاية هالشهر إن شاء الله أو بداية شهر 7 بالأنجليزي
والحمدلله خواتي وأمي ساعدوني في كتابة الأغراض بالعدد وبالمقاس

بس حابة أعرف منكم وش الأشياء الله ما تصير عليها تخفيضات وأقدر أشتريها الحين قبل ما تصير الفوضى في التخفيضات ؟؟

في هالماركات
مامز بابز - كارترز - أوركسترا - مذركير - أدمز - نكست
أوكادي - تاب ألويا

س1 / غير هالماركات شنو فيه ماركات راقية وأسعارها حلوه للأطفال !!
س2 / شنو الأشياء الي ما تصير عليها تخفيضات !!

المدسات تصير عليها تخفيضات أو لأ ؟؟
الأسره في مذركير تصير عليها تخفيضات أو لأ ؟؟
علب حفظ الحليب وجهاز الشفط والرضاعات وجهاز التعقيم تصير عليها تخفيضات أو لأ ؟؟
والمناشف والبطانيات والمفرش الكامل حق سرير البيبي تصير عليها تخفيضات أو لأ ؟؟
مقعد السيارة حق الطفل من مذركير والعربة للسوق والهزازة للبيت تصير عليهم تخفيضات أو لأ ؟؟

ساعدوني بالي تعرفوه وش الأشياء الي ما تصير عليها تخفيضات ؟؟

أختكم في الله / أم فاضل