::
ي قلبي انتي النت لاتدخلية اذا بتبحثي عن شيء
لانة كلة حكي ناس مو حكي اطباء
وكثرة الموية افضل من قلتها
انا من الشهر السابع ببنتي البكر المويالت كانت كثيرة مررررررررررة
وقالوا لازم تحليل سكر مع اني سويت تحليل بول وانتي بكرامة قالوا مافي سكر
بداية الحمل بس السكر مايبين الا في نهاية السادس
(سكر الحمل ) وسويتة طلع السكر عالي مرة
واخذت ابر انسولين وكنت متخوفة اكثر منك
لانو مويات الجنين لاحظو كثرها من بدري لدرجة قالوا تولدي نهاية الثامن
قبل ماتتكون الرئة وقالوا تاخذي ابرة عشان الرئة بسرعة تتكون وخرابيط
بس انا وكلت امري لربي وسكرت اذاني
مع انو دكتورتي كانت شاطرة ولما اخذت في التاسع 5 ايام
ولدوني اجباري عشان خافوا قالوا وزن النونو 4 كيلو الا ربع
وولدت يوم ولدت وزنها كان 2,900 يعني ماصار 3 كيلو
وولدي هذا كمان قالو اسبوعين من التاسع تولدي ووزنة مرة كبير من السابع
كانو يقولوا وزنة مثل 8 شهور يعني اذا الزيادة كذا راح
قلبة يتعب وممكن يموت سرت ابكي وما انام
واخرها صبرت نفسي قلت كذب زي كذبة بنتي
والتشوهات والموت ماله سبب الا قضاء وقدر
ابتعدت عن الحلا عشان السكر رجع معي بحملي
بس مو لدرجة انسولين بس حمية والحمد لله عشرت وجبتة
ووزنة حلو 3 ونص ي رب لك الحمد
وكلهم صحتهم حلوة ي رب لك الحمد
بس كثرة الموية ماتيجب تشوهات بس تضخم حجم النونو
يعني اذا قالوا لك وزنة 5 كيلو يحق لك تخافي
وغيرة لا وبس ي قلبي
اية افتكرت لمن ولدت ببنتي طبعا روحت وانا مافية طلق
لازم اولد بالعافية ويوم نزلت الموية الممرضات والدكتورة
تفاجئو من كثر الموية حول الجنين لما نزلت وانا تفاجئت لانو
مو مبين ع بطني الكبر فين كانت الموية هذي وبس
::