[شمايل بنت الدمام]

السلام عليكم ورحمة الله وبركاته

بقولكم السالفه ..

زوجي دوامه شهر بالدمام وشهر بالربع الخالي عسكري

المهم .. اليوم دخلت ع قروب بالمسنجر انا معاه بنفس القروب
بس هو مايدري اني موجوده لاني ضفت نفسي وهو مايدري

صحيت من النوم واشوف القروب بالجوال الا هذا ايميل زوجي

يسولف مع بنات ويقول لهم كلام حلو وزي كذا انا انصدمت

شلون كذا شلون ..


جلست شوي هديت اعصابي واتصلت عليه وقلت لها انت اللي تسولف بالقروب
قال ايه انا

قلت له تكلم البنات كذا قال الواحد مايجلس ع وحده

هنا انا انصدمت ..

شوي قالي انا مااحبك انا احب البنات و الواحد مايجلس ع وحده

وشفتي يوم جيت اخطبك ترا بنت عمي كانت معاي بالملكه وانا احبها
وهي تحبني

انصدمت وقلت الله يسعدكم

شوي اتصل بجوالي مارديت و كتب رساله ردي يا ...

وما رديت وقلت لمي قولي له اني نايمه

وللحين مصدومه ورسلت له رساله اني مابيه ولا ابي اشوف رقعه وجها وبينا المحاكم


والله العضيم اني مدري وش صار لي انهرت ..