صحيت الظهر
وعلى طول اخذت دش تروشت وانا اتروش اخذت معاي ليمونه لفرك المناطق الحساسه عن السواد |..>> جربوها
بعد كذا عسل علشان المناطق ماتصير جافه من الليمونه
وحطيت لوجهي بعد عسل
وغسلت الحمام تكرمون بطريقي
وطلعت وعلى طول رحت اتطمن على بنتي حبيبتي صحت او لا
والحمد لله نايمه
سويت لي كوب " شاي اخضر ونعناع وكمون وزنجبيل "
حطيت عباياتي بالغساله اغسلهم بلوكس وكمفرت لان الصابون يبقع فيهم
ولمن الغساله تغسلهم عن الصابون وتعبيها ماي افتحها واحط دهن عود ومسك ابيض
علشان ريحتهم تصير ريحة عطر ولأني اذا حطيت العود مباشره على العبايات تبقع ..>>> قلت الطريقه علشان تستفيدون ممكن تحبون تقلدون خخخ
شربت الشاي ورحت رتبت السرير وعطرته وعطرت الغرفه
صحيت بنتي سبحتها لبستها رضعتها حطيتها بجلاستها
شربت لي حليب وخبز بزعتر واستشورت شعري
جا زوجي من العمل وانا لسه ماحطيت لي مكياج بالعاده احط لي على خفيف
صار المغرب صلينا المغرب ودخلت المطبخ نتعشا بدري لأن زوجي مايتغدى ويجي من العمل قريب المغرب >> يكسر خاطري
نامت بنتي وزوجي يتابع مباره ونام وانا بالمطبخ سويت صينية دجاج مع بطاطس مثل الشورما ناكلها بخبز :) >> خوووش ريجيم
شفت زوجي نايم قلت اخليه نايم لين يصحى لحاله اخليه يرتاح اليوم تعبان :(
جلست أنظف المطبخ وامسح الفرن ماااااحب تنظيفه يطفش
أنظفه بجف وافركه بليفه وامسحه بسفنجة
لا خلصت عندي غرشة تنظيف الزجاج معبيتها ماي مع غطائين ديتول ارش بالحمام منها لتطهير وتعطي ريحة مطهر مو ريحة كريهه بالحمامات تكرمون
جبتها ورشيت الغز والمطبخ كله وخميته ومسحته بفوطه
غسلت المواعين ونظفت كل المطبخ صحى زوجي تسع
تعشينا
غسلت الصحون اللي اكلنا فيهم
وجلست مع بنتي اليوم صياح بزياده
سويت لي كوب شاي اخضر
وبس هذا انا اللحين دخلت الأنترنت وكتبت لكم يومياتي
وان شاء الله اكتب المزيد
في نقاط عندي تستفيدون منها يمكن