سلام يا كروشات اخباركم ان شالله تكونو بصحه وعافيه اول شي باركولي اخيرا ولدت وانا في 3 اسبوع في التاسع والحمدلله جبت ولد زي القمر سميته قصي عقبالكم ان شالله ربي يسهل عليكم ولادتكم ويرزق كل وحده ماتتمنى تاني شي حبيت اشارككم بصور لنفاسي وتجهيزاتي المتواضعه فيها وحابه اخد رائيكم ونفس الوقت ممكن تستفيدو وتاخدو منها افكار البدايه كانت في اختيار الثيم وانا كنت حابه اللون مايكون تقليدي فاخترت شخصية تيغر الي مع ويني بو لان الوانه حلو مابين اورنج واصفر واسود اول صوره لباب المستشفى الله يهديهم مارضيو اننا نستخدم اللصق في التزيين لانو ما اخدنا من عندهم فماقدرنا نزين غير الباب تاني صوره لباب الغرفه في البيت اما دي الصور لركن الهدايا الي وزعتها على الاطفال والكبار هدية الاطفال عباره عن حلويات تقريبا 4 انواع ولعبة تيغر صغيره اما الكبار كب كيك على شكل نمر وهنا ضيافة القهوه والشاي وكل الزينة والكب كيك كان شغل اخت زوجي الله يسعدها ويعطيها الف عافيه وقفت معايا وقفه ما راح انساها وان شالله ربي يقدرني وارد لها جميلها وان شالله تكون تجهيزاتي عجبتكم