[بنت الريف]

انا نفس حالتك لما جبت بنتي البكر تعبتني بالوحام وتعبتني وقت الولادة ولما طلعت ماشاء الله عليها مزعجة كانت دايما تصيح من دون سبب وكانت اول بيبي ألي ماأعرف كيف أصرف معها انا وزوجي وكانت لما تنش من النوم الساعة 12 بليل وماتنام الا الساعة 7 الصبح ونوديها المستشفى مرات لانها تقعد تصارخ من النوم تبكي بقوة وقبل مانوصل المستشفى تنام بالسيارة وبتلشنا انا وريلي لانها كانت وايد مزعجة وانا قلت توبة احمل مرة ثانية وبعدين لما كملت بنتي 7 شهور حملت لاني كنت اخاف اخذ مانع للحمل بسسس الحمدالله ماطلع نفس بنتي كان الوحام خفيف ولما طلع كان ولدي هادي مرة بس كان مشكلته يرجع وحملت مرة ثانية ونفس الشي طلعت بنتي الثالثة هادية والحين صار عندي خمس أعيال جاتني حاله نفسية من بنتي البكر وقلت أبدا مابحمل مرة ثانية بسسسس موكل الولادات نفس بعض أنا أحس البكر هم ألي يتعبووون وايد
لا تخافي حبيبتي يمكن جاتك حاله نفسية بسسسسس خليكي قوية وتوكلي على ربك أنا كنت نفسك والحين الحمد الله عندي خمسة وماليين علي البيت مونسيني الله يخليهم لي وهذي الحاله لزم تحسين فيها لانك اصبحت أم تخافي على بنتك من أي شييييييي الله يخليها لك وشدي حيلك ويبي ليها أخ أوأخت تلعب معاهم فرحيييييييي بشبابك من الحين ولا تفكري وشيلي الخوف من حياتك هذي سنة الحياااااااه والعياااااال حلوووووين