|
كلوميد + ابر = بويضات متعدده هل اخدتي ابره تفجيريه؟
السلام عليكم ورحمة الله
اخواتي العزيزات انا دا الشهر حبدأ بأذن الله رحله علاجيه من جديد بعد الدوره راح اعمل ان شالله اشعة صبغه وربي يسهلها عليا والشهر التاني ان شالله كورس كلوميد مع 3 ابر منشطه ويمكن تزيد ع حسب الاحتياج انا زمان بالسنوات الماضيه اخدت نفس دا الكورس مرتين بس للاسف بليوم الاساسي الي المفروض اخد فيلو ابره تفجيريه بعد متابعة التبويض يكون دكتوري في اجازه واضريت اروح لدكتوره تانيه ولمن شافت في المبيضين كذا بويضه منعت انو تعطيني ابره تفجيريه تقولي ماراح يصلح لانو راح تنزل كلها دفعه وحده وتتعبك مرااا ولمن جا دكتوري وقولتلو قالي لا غلط المفروض اخدتي الابره التفجيريه وانا صراحه احترت الدكتور استشاري لكن الدكتوره اخصائيه وموعارفه مين الصح فيهم لانو بمجرد مااخدت الابر المنشطه تعبتني وحسيت بطني حتتفجر وبموت وكنو زيا المويا نفخت بطني ووصلت لصدري وموقادره اتنفس هادا كلو بدون الابره التفجيريه !!! بالله يالغاليات مين مرت بنفس التجربه وعادي اخدت الابره التفجيريه مع تعدد البويضات وماصار لها اي مضاعفات او متاعب والله حسيت انو مااراح اتحمل لانو يالله تحملت الابر المنشطه ايش رأيكم طمنوني ؟؟؟ |
رد: كلوميد + ابر = بويضات متعدده هل اخدتي ابره تفجيريه؟
ماعندي خلفية لاني لسا ما زرت طبيب !
بس حبيت ما اطلع الا وانا داعيتلك ربي يكتب لك الحمل السليم المعافى ويفرح قلبك آمين |
رد: كلوميد + ابر = بويضات متعدده هل اخدتي ابره تفجيريه؟
اختي عبير الورد الحمد لله انك قررتي تعملي اشعة الصبغه وربي يهونها عليكي ويقومك بالسلامه ولاتنسي تاخذي ابرة الفولتارين وابرة البوسكوبان قبل نصف ساعه من اجراء الاشعه
بالنسبه للكلوميد طبعا فترة نزول البويضات لما تكون اكثر من وحده تكون مؤلمه جدا ولكني ماجربتها مع الابر التفجيريه انا برايي يا اختي انك تخلي طبيبك هو اللي يقرر لانه ادرى بحالتك وانتي تعرفي ان الكلوميد لايمكن الاكثار منه ليش تاخذينه وتنحسب عليكي مره وماتاخذي الابر التفجيريه فما يكون اله فايده انا ماسبق واخذت ابر التفجير ولكن حسب ماسمعت من كلام البنات اللي تاخذها مره تحتاجها في كل مره حتى تنفجر البويضه وانتي ماخذتها يعني لازم تستمري عليها ربي يهون عليكي اختي ويطمن قلبك وتحملي تكون اخر اشعة صبغه واخر كورس كلوميد * |
رد: كلوميد + ابر = بويضات متعدده هل اخدتي ابره تفجيريه؟
اقتباس:
زينب يكفيني طلتك الحلوه على موضوعي والله يكتب لك ماتتمني على دعائك الطيب ربي يفرح قلبك يالغاليه وتجينا عن قريب وانتي حامل جزاك الله خير |
رد: كلوميد + ابر = بويضات متعدده هل اخدتي ابره تفجيريه؟
اقتباس:
انا فاكره اعطوني ابره قبل نص ساعه في اشعتي القديمه في العضل بس للاسف ماعرف اسمها قولتك تفرق عن الي قولتي عليها ومن فين اطلب الابر الي قولتي عنها؟؟؟ لانو تألمت في وقت الاشعه ومرررا تعبتني يمكن الابره مفعولها مو قوي ! وبالنسبه للكلوميد مع الابر المنشطه انا خايفه لانو صار ليا حالة استسقاء من تعدد التبويض بدون ماخد التفجيريه ووصل لصدري لدرجة اتنفخت وبالقوه صرت اتنفس ! في وحده سامعه عنها صار لها كدا وتوفت الله يحمينا يارب ... الله يرزقك ياهمسات ام الحمل المعافى والذريه المعافاه ويحقق لك مناك ومايجي رمضان الا وانتي مخلصه الوحام ان شالله يارحمن يارحيم |
رد: كلوميد + ابر = بويضات متعدده هل اخدتي ابره تفجيريه؟
يا اختي بعيد الشر عنك لاتخافي ولاتفكري ابدا كذا انا نزلت عندي اربع بويضات بالكلوميد ولاصار فيه شي الحمد لله لاتخافي دامك تحت متابعة ومسؤولية الطبيب والكلوميد ينخاف منه بدون متابعه طبيه ولكن مع المتابعه انتي في امان باذن الله
بالنسبه للابر المسكنه اطلبيها من الصيدليه او خلي طبيبك يكتبهالك هي ابر مسكنه ولكن للاسف هي ماتمنع الالم نهائيا لكنها تخففه باذن الله وهي كلها عشر دقايق لو ربع ساعه وكلي امرك بيد الله وانشاء الله يعوض صبرك والالامك خير وقلبي معاكي بلغينا في يوم عمل الاشعه وكلنا راح ندعيلك وربي يهون عليكي يا غاليه وانا عندي خبر حلو الك عني ياعبير الورد انا حامل يا اختي وعقبالك ان شاء الله * |
رد: كلوميد + ابر = بويضات متعدده هل اخدتي ابره تفجيريه؟
اقتباس:
ياحيااااااااااااااااااتي وقلبي والله فررررررررحت موووووت مووووووووت عشان الخبر الحلو ماشالله تبارك الرحمن ربي يحميك ويحمي جنينك من كل مكروه ويتمم لك على خير الف الف الف مليووووون مبروك ياروحي والله تستاهلي على قلبك الطيب صراحه ماشوفت زيك وزي طيبتك ودايمن انتي ببالي وادعيلك على كتر ردودك الي فيها خير وفايده لكل عضوه ... اللهم لك الحمد والشكر قد الهم الي في قلبي قد ماااااسعدني احلى خبر عنك وديري باااااااااااالك ع الاخر ماااوصيكي بكل شي اسألك ياارحم الراحمين انك تقر عين همسات ام برؤية طفلها في حضنها سالم معافى وتتمم حملها تسع اشهر بالعافيه وتسهل ولادتها يارب العالمين ... امين |
رد: كلوميد + ابر = بويضات متعدده هل اخدتي ابره تفجيريه؟
جزاك الله خير وربي يحفظك انتي والجنين من كل مكروه ياعسل
وان شالله حعمل بنصيحتك وربي يكتب مافيه خير ... |
رد: كلوميد + ابر = بويضات متعدده هل اخدتي ابره تفجيريه؟
شوفي ردة فعلك ياعبير الورد وكانك بنت امي وابي
انا كل اللي قدمته مايجي قطرة في بحر من المشاعر الطيبه اللي في قلوبكم واللي خلتني احس اني بين اخواتي والدور اجالك ان شاء الله ونفرح فيكي ربي يديم المحبه |
رد: كلوميد + ابر = بويضات متعدده هل اخدتي ابره تفجيريه؟
اختي عبير الورد دائما انا اخذ ابر تفجير مع تعدد البويضات والحمدلله مافيا الا العافيه والدكتور ادرى
آخر مره نزلت 21 بويضه واخذت ابره تفجير والحمدلله |
| الساعة الآن 02:41 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .