|
: موشرات قرب موعد الولادة (ضعي تجربتك)؟؟؟
سلام عليكم الكتاب مبين من عنوانه وش رايكم نفيد ونستفيد ... فياريت كل وحدة فينا تكتب تجربتها وشلون جاها الطلق ؟؟؟ فكل وحدة تذكر لنا شو الاشياء اللي صارت معاها او حست بها قبل موعد ولادتها بيوم او يومين او حتى اسبوع؟؟ وان شااااء الله اقولكم عن تجربتي قريب .. |
رد: : موشرات قرب موعد الولادة (ضعي تجربتك)؟؟؟
ياليت والله ينفعونا الأخوات اللي ولدوا
أنا لي يومين تجيني حاجة زي الضغط على تحت وثقل يشدني لتحت و آلالام خفيفة أسفل البطن ما أدري هل هذي طلوق أو لأ اللهم يسر ولا تعسر على كل الحوامل |
رد: : موشرات قرب موعد الولادة (ضعي تجربتك)؟؟؟
اتمنى أللي عندهم خبره يدونـآ خبر
مضيعين وماندري عن شي :) |
رد: : موشرات قرب موعد الولادة (ضعي تجربتك)؟؟؟
صباح الخيرات بالاول
ثانيا يابنات خذوها قاعده اساسيه كل بنت عن بنت تفرق في المؤاشرت مثل مالبعض ولادتها سهله وميسرة والبعض ولادته عسرة وصعبه وهالشي بعد ينطبق على كل حمل للمرأة يفرق عن الي قبله سبحانه له في خلقه شؤون بس الاغلب متفقين على الم الطلق وهو الم يبدا بسيط وشوي شوي يزداد يعني تدريجي كم المدة يستمر على حسب بنات يوم بنات ساعات وغيرهم بالايام نحي للمويه بعضهم تنزل عليها وتحمي الطلق وهذي خلاص اذ نزلت لازم تروح للمستشفى لان لاسمح الله الجنين يتضرر حتى لو مامعها الم وبعضهم مثلي انا الله ييسرلي اتعب لانه من مميزات المويه انها تحمي الطلق وتفتح الرحم اسرع لكن انا بحملي الاول والثاني ماتنفجر الا لاقرب يطلع الجنين بفعل ضغط راسه نجي لحملي في بنتي البكر وتجربتي طبعا عديت التاسع بجم يوم لدرجه اني زهقت كنت ماطلع ولا اروح ولا اجي عشان اخاف تجيني الولادة ذاك اليوم دقت وحدة من صديقاتي وحلفت الا ازورها عندها قهوة حريم العصاري المهم ماطولت ورديت للبيت اول مادخلت الحمام وانتم بكرامه نزل مني افراز سايل شفاف ومعه دم نفس بداية الدورة ولا اهو كثير على مسحه المنديل بس ولانزل شي بعده ورحت ركض للطوارى وفحصتني الدكتورة قالت لي واحد سم بسسسس بعده بدأ الالام يزيد وتميت للاربعاء الثاني بعد اسبوع وولدت طبعا لادم لامويه ولاشي خلال الاسبوع الي انفتح فيه الرحم والالام بدت تخف لدرجه اني قلت شكل البيبي هون بيقعد بحملي الثاني في ولدي ولدت قبل موعد ولادتي باسبوعين رقدت الفجر وقعدت على 7 الصبح معي الالام بسيطه واروح الحمام وانتم بكرامه والا ينزل معي سايل شفاف بس شي بسيط على مسحه المنديل قعدت لتسع والالام تزيد ورحت المستشفى وتفأجات لما الدكتورة قالتلي لازم تنويم رحمي كان 3ونص تقريبا بس قالت ان موية الي حول الجنين قليله وخايفين عليه تنشف حوله وقعدت تسالني وانا احلف مانزل معي شي وانا اقول قسم بالله مانزل الا مثل الافراز بسيط لايذكر ترقدت وبدات الالام تزيد وبدوا يسوون لي تحفيز من تحت عشان يتبطل الرحم انا من كثر ماحاتي الطلق برد عندي عالمغربيه كان رحمي 7 ونص ولاعندي طلق فاضطروا يعطوني طلق صناعي والحمدالله ماجت 9 الا ولدي بين ايدي واااسسسفه عالهذرة <<<<< تقول البنات هاللحين يقولون زين انهم اثنين شلون لو خمسه هههههههههههههههههه |
رد: : موشرات قرب موعد الولادة (ضعي تجربتك)؟؟؟
الله يسعدك يا أم مناير ما قصرتي
|
رد: : موشرات قرب موعد الولادة (ضعي تجربتك)؟؟؟
من جد موضوع مرررة مفيد
ومرررة شكرااا على تفاعل الحلووو وام مناير الله يحفظ لك عيالك وتفرحي فيهم قولي امين يلااا ننطر الاحداث الباقي ....... |
رد: : موشرات قرب موعد الولادة (ضعي تجربتك)؟؟؟
تجمعنا كله هنا <<<<هههههههه وانا بعد
شكرا مناير ماقصرتي والله.. الظاهر ماحد بيهتم غير اللي على وشك ولاده زي حالاتنا.. هو السداده اهم علامه تبين <<بس ماني عارفه اللي تنزل معاها كم تقعد اقصى شئ قبل الطلق مايجي.. واللي من النوع مايشوف السداده اكيد بالألم المنتظم .. |
رد: : موشرات قرب موعد الولادة (ضعي تجربتك)؟؟؟
من جد ماحد بيهتم الا الي في ايامه الاخيره انا باقيلي اسبوع واخلص التاسع وبس اعراضي لما امشي يكون في تحجر فضيع وشد من تحت زي الوخز
ومن زمان هالاعاراض بس صارت زايده والشي الي جديد من يومين تقريبا بدا ينزل مني وانتو بكرامه مع كل دخاة حمام مع كل تبول ينزل افراز ابيض لزج وغليظ بس بدووون دم زي الي ينزل بعد الجماع بس بفتره يعني ثقيل معليش عالوصف مع اني موقفه الجماع من فتره وانتظر ينزل معاه دم والله يعين شكلي بطوف وااااااجد |
رد: : موشرات قرب موعد الولادة (ضعي تجربتك)؟؟؟
الله يسهل عليكم ياارب وتقومون بالسلامه
انا بحملي الاول كنت امشي كثيييييير وخطوات سريعه من ثاني اسبوع بالتاسع وسبحان الله كملت الاسبوع ولدت بس لما كنت امشي كانت بطني تتحجر واحسها بتنفجر ويوم الاثنين رحت للدكتوره وقلت لها تجيني اللام من ظهري وتشد على جنبي قالت هذا طلق والرحم مفتوح بس واحد سانتي قالت انتي بكريه يمكن تولدين بعد اسبوع جيتها اليوم الثاني لانه نزل علي شوي دم قامت سوت لي تحريض شكلها الخميس نزلت علي المويات تنزل شوي شوي كل ما اتحرك تنزل اجلس تنزل رحت للمستشفى الحكومي اللي بولد عندهم قالي الرحم مقفل انصدمت كان مفتوح واحد تقفل !!!!! وارجع البيت والمويات باقي تنزل الجمعه الظهر بديت احس بالم بسييييط في ظهري قلت لزوجي جيب لي خروع وشربته مع عصير جوافه الساعه ثلاثه وبدا الالم يزيد شوي شوي الين خمسه ماصرت قادره اقعد ولا اوقف بس ابكي واتمغص امي وزوجي يقولون ولاده اقول لاااا كرهت المستشفيات اروح مرتين يقولون مافي ولاده شوي احس شي ينزل مني امسح بمنديل لقيته دم انا خفت رحت المستشفى قالو مفتوح سته الحمد الله ماطولت ساعتين وانا والده ولله الحمد بس نصيحه لكل وحده على وجه ولاده ابدااااا لاتصرخين ترى الصراخ يوقف الطلق وماتقدرين تدفين انا ماكنت اصرخ بس ائن واقول يااااااارب واقرا سورة الزلزله والله ولما جيت اولد مادفيت كثير كلها اثنين وبالثالثه ولدي طلع ماشاء الله واصلا مجرد ماينزل الطفل كانه ماصار شي راح يختفي كل الالم وراح تحسين انك ام وكل همك تتشوفين طفلك اللي ولدتيه اسفه طولت عليكم بس حسيت فيكم والله كنت زي الهبله ما اعرف وش الطلق ولا كيف يجي ادعولي الله يتمم لي حملي على خير واولد بالسلامه ^_^ |
رد: : موشرات قرب موعد الولادة (ضعي تجربتك)؟؟؟
shohrah...سحآآآآآب
شكرآآآ يالغاليــــــــآآآت .. على التوـآـآجد .. وإن شاء المجربآآت راح يفيدونااا.. // أمـ منآآآآير .. بالعكسس تجربتكِ أفادتنا كثير .. ربي يجزاكِ الجنـــــــــة // Up to me ششكرآ على تواجدكِ يالغلاا .. // لموني .. يقال يوم او يومين والله أعلم هههه بكريـة مثلك مدرى وش السالفة خخخخخخخخخخخخخخخخخ // عفوآ حبيبي .. يمممكن تكون السسدادة .. لأني قريت موو شرط تنزل كتله .. يعني عادى تنزل متقطعه والله أعلمـ // سلووووووووان ... شششكرآ على إفادتك ِ لنا لن فعلاااإحنــــــــا يالبكرياات نحـــــزن .. <<مسسويه تحقيق هنا .. وللي في البيت طفشتهم خخخخخخخخخخخخخخ شجعتنـــــــــي أمشششي كثير لانوو فعلا مشيت مثلك وجاني ألـــــــم .. وكمان بالصباااح جاني ألم ومعاد مشششيت من الخوف .. من الولادة ههههههههههه يآآآرب أنتي وكل الحوامل .. تولودا بالسسلامة .. وتكون ولادتكم ميسرهـ |
| الساعة الآن 07:56 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .