منتديات حوامل النسائية - ولادتي المبكره بدندونة قلبي

السلام عليكم

مساء الورد/صباح الفل
لا اتقن كتابه المقدمات بدخل بقصة ولادتي ع طول ههههه<ماعندي وقت
بيوم 27/3 يوم الاحد

طبعا كنت بالشهر الثامن باقي لي اسبوع تقريبا ع التاسع

ماكان فيني اي الم ولا طلق ولاشي

صحيت الفجر وصليت دخلت دورة المياه وانتو بكرامه حسيت انو نزل معي مويه خفيف بس شكت قلت لامو معقوله غيرت لبسي مع انو بسيطه المويه بس قلت عشان اذا صحيت اعرف اذا نزل معي كثير او لا<طبعا انا بكريه عشان كذا مااعرف
وقلت ماابي استعجل اقول لامي وممكن ماتكون مويه

المهم رجعت لفراشي وربي ماامدى انسدحت ومسكت الجوال وكنت فاتحه ع المنتدى وع تجمع حبيبات قلبي وصديقاتي الكروشات بسولف معهم
الا نزلت معي موووويه كثيرررررررررررررررررررررره
ودافيه وربي كثيره بشكل طبعا انا تجمدت من الخوف رحت وصحيت اخوي واقوله يلا قووم ابي المستشفى مسكين من الخوف فز بقوه هههههههه
ورحت لاختي واقولها يلا قومي نزل معي مويه كثيره وياحياتي قمت وتركت عيالها نستهم هههههه ورحت تجيب عبايتي واخوي يشغل السياره يالله بصراحه شعور حلو ويخوف

طبعا اتصلت ع دكتورتي وقالت لي ع طول المشفى وخليهم يتصلون علي وارسلت مسج لزوجي انو نزلت معي مويه وانا رايحه المشفى لانو يمكن يحتاجو زياده فلوس

رحت للسياره وتخيلو لبسي مليان مووويه من الخوف ماجاء ع بالي اغير ولاقلت لامي عشان ماتخاف علي

والجو الصباح كان باااااااااااااااااااارد ولبسي كله مويه يعني خوف وبرد وربي تجمد صرت ارتجف من البرد

وصلت المستشفى وانا خلااص وقف نزول المويه
وتجمدت من البرد طبعا دخلوني الغرفه وراح اخوي دفع لهم وخلص الاجراءت وهم كملوا فحص
وع الساعه 7 طلعت غرفه الولاده اكشفو علي س6ونص كان مفتوح 2سانتي بس

تخيلوا والمويه خلاص وقفت الطلق البنت معروف بااااارد
تخيلوا وربي اني ماسكه يد الممرضه ويد اختي واذا راح الطلق خلااص اطيح مافيني حيل بس يرجع الطلق اجلس اتألم
بس وربي نصيحه لاتصرخون الحمدالله ماصرخت بس كنت طول الوقت اقول يارب واختي تقرا علي لكل بكريه انا اقول افضل شي تاخذي معك احد اختي جلست معي لما ولدت الحمدالله

طبعا انا كانت جوعانه والمويه نشفت الاسباب هذي ماساعدتني يكون معي حيل
الحمدالله ماصرخت بس كنت اتالم بشكل ولكن وربي يابنات
الولاده ابد ماتخوف بالعكس هو الالم بالطلق لما توصلين لاخير خلاص ماتحسين
المهم لما وصل 9 سانتي عطتني ابره مسكنه وقبلها كنت اخذ الكمام الاكسجين ومعه مسكن خفيف

الساعه11ونص طلعت الحلوه لكن مااقدرو يطلعونها الابالشفط لانه مافيه مويه وانا خلاص مافيني حيل ادفع كانت دكتورتي اخلاق ربي يسعدها كانت تقرا علي وتقولي ياعيوني ياحبيبتي حاولي وانا خلااص مافيني

بس احلى شعور لما طلعت البيبي سبحان الله شعور خيااااااالي
طلعوها وحطوها علي لما قصو الحبل لسري
طبعا خلف الستاره دخل اخوي وشاف النونو واختي تضمني وتبكي معي ههههه فلم هندي

بس تدرون انه الخياطه اتالم اكثرمن الولاده والله اني ابكي واقولها خلااص ماابي شي اتركيني

طبعا لما خلاص بدت تخيطني قالت اختي خلااص برجع البيت بروح اشوف امي وعيالي طبعا امي انشغل بالها وكانو يقولون لها مافيني شي بس تنويم وزوجي مشى من الشرقيه س10

لما خلصت جات الدكتوره وباستني وقالت سامحيني عصبت عليك قمت اضحك واقولها لاوالله انا اللي جننتك
كتبت لي ادويه وكذا

وبنوتي حطوها بالعنايه لانها صغيره قلت للمرضه لبي اكل جوعاااااانه جبت لي رز وسمك وربي جسلت اكل بدون شعور لاني كنت جوعانه وبوقت الطلق استفرغت وانتو بكرامه

طبعا خلااص مايجيك نوم سبحان الله خلوني ساعه بالانتظار الغرفه عشان يشوفو اذا في نزيف او شي لكن الحمدالله

بعدها نقلوني لجناحي و زاروني اهلي وزوجي حسيت انه خلااااص ارتحت

طبعا جلست يومين وطلعت بعدها الحمدالله عنايتهم روووعه والدكتوره وربي ارووع واخلاااق
انا خلصت قصتي باقي قصة بنوتي

قالوا انها ماترضع وفيها الصفار و وزنها صغير
جلست يومين وصرفنا عليها 20 الف طبعا لعب ع كيفك بالعنايه الخدج يسحبون فلوس بالهبل المهم فكرت انا وزوجي البنوته باقي لها ع ماتطلع واذا ع كذا كم بصرف
كلمنا ارامكو عمل زوجي وقالوا ننقلها لمستشفى التامينات ونقلوها باسعاف جلست 10 ايم وطلعت امس الحمدالله

طبعا ولادتي كانت بمستشفى سليمان الحبيب فرع الريان دكتورتي هناء المدني الله يسعدها

الولاده بغرفه خاصه ب8الالف او 7 ناسيه

البيبي قلت لكم اسبحوا فلوس بالهبل وغير كاذ الدكتور كان يخوفنا يقول ممكن يوقف تنفسها الحمدالله شافها دكتور التامينات وقال مافيها شي بس صغيره

يعني اللي ضامنها ولادتها بالتاسع انصحها فيه غيره لا

انا فتحت ملف متابعه عندهم من الشهر الثامن بالفين شامل كل شي

وهذي قصتي الحمدالله دانه نورت البيت بطلعتها

نصايحي للكل الحوامل والبكريات خااصه

الخياطه اهتموا فيها وبالاكل خصوصا اهم شي سوائل عشان الامساك كثري منها

وانا استخدمت كريم ميبو بالصباح وكريم ابو اسد اللي فيه خط برتقالي بالليل

واستخدمت مسكن ومضاد لمدة 7ايام

والاكل ونظام النفاس الحمدالله الله يخلي امي

واهم شي لاتصرخون بوقت الولاده وربي ماراح يكون معكم حيل بوقت الدفع
واستخدمو بوقت الكشف ع عنق الرحم طريقة شمي ورده وطفي شمعه للتنفس رووووعه وربي ماحسيت فيهم وهم ويكشفون وحتى بوقت الطلق

وبس ماشاءالله ولادتي الحمدالله كانت سهله ميسره وكنت بغرفه الولاده حاطه الشاشه حقتهم ع قناة القران واشغل بجوالي سورة مريم وادعي بالادعيه

اللهم لك الحمد وعقبال لكل الكروشات وخصوصا صديقاتي بتجمعناالله يهون عليكم يااارب