منتديات حوامل النسائية - قصة ولادتي المبكرة ومعاناتي !!

السلام عليكم ورحمة الله وبركاتة
ومساكم ورد جوووري :)

أبشركم أني ولدت بتأريخ 19/ 3 / 1433 هـ
وطبعاً ولادتي جأت مبكرة على الأسبوووع 32
قبل ما اولد بأسبوع تنومت في المستشفى لأنو الضغط كان عندي مرتفع
وجسمي كله منفخ ومتورم
وقال الدكتووور عندك بوادر زلال وهذا ممكن يسبب لك تسمم حمل
لو حابة تخرجي لازم تتابعي كل يومين
تتابعي قياس الضغط ونبض الجنين
خرجت وبعد اسبوع رحت للدكتور الإستشاري أيمن عفيفي اللي في المواساة
كنت اراجع عندة على اساس حولد في المواساة !
لما جيتة قال نصيحة لوجة الله تداركي نفسك وروحي مستشفى الولادة
في المدينة هناك يقول الإمكانيات عندهم متطوورة وعندهم حاضنات للأطفال الخدج !!

وهنا ما انصحك تولدي ابداً !!
واعطاني تقرير وقال طوااااالي روحي للمستشفى حتى البيت لا ترجعي له
علمستشفى على طووووول
قلت له ليش قال لازم اليوم تولدي ولا راح تكون حياتك في خطر
لآن الخطر ممكن يتعدى الجنين لك أنتِ

ضاقت الدنيا بعيوني لكني وكلت أمري لله
كنت جاية مع السائق اتصلت على زوجي وكان في إجتماااع
وخبرتة وجاء على طوووول
ولما حكيت له اللي قاله الدكتووور قال ياشيخة لا تقلقي هما كذا الأطباء
يكبروون السالفة
قلت له كلام الدكتور يخووف قال طيب أنا بدخل عندة الآن بس أنت ارتاحي ولا تقلقي نفسك !
دخل عند الدكتووور وشوي وهو جايني طاااااير .. يالله يالله بسرعة !!
قلت له ايش فية ؟!
قال إن شاء الله مافي إلا الخير .. ورحنا لمستشفى الولادة
قلت له خلينا نعدي عالبيت .. قال لااااااااااااا مايمدي !!
وكان يسووووق بسرعة خوفتني وحسستني أن فية شيء خطير !!!
وصلنا المستشفى وكانت الساعة 8 مساء
دخلت طوارئ واول ماشافوا التقرير دخلتني الممرضة على طوووول للطبيبة
وكان وقتها فية زحمة واللي تصيح واللي تنادي واللي تسب وتشتم
وعااااالم كلِ مشغول بنفسة :(
على طول سألتني الدكتورة معك طلق .. قلت لها لا معي طلق خفيف صار له 3 أيام
بس اعتبرة مغص عادي !!
على طول جابوا لي سرير وحطوا المحاليل وطلعوووني فوووق لغرفة الملاحظة
ومن هنا بدأت معانأتي الحقيقية :(
اول مادخلت جأني دكتور إستشاري مصري واخذ بعض المعلومات
وقاس الضغط وشوي قال معلش مضطرين نولدك قيصري لأنو الضغط جداً مرتفع
وعندك بوادر تسمم حمل فحفاظاً على صحتك وصحة البيبي حنعملك عملية قيصرية
وبكل هدوء قلت له .. طيب !
جات الممرضة ووقعتني على اوراق العملية ولبستني اللباس الأخضر وركبت القسطرة :(
وجابوا سرير ثاني وحطوني علية .. وفجأة جاء الدكتووور
وقال لحظة وحط علي جهاز التخطيط قال نبض الجنين ممتاز والحمد لله !
وطالع فيني شوووي وقال للممرضات رجعوها للسرير :(
وجاء وجلس على طرف السرير نجانبي عند ارجلي وقال
ممكن اكشف عليك ؟!
قلت ليش وأنا خايفة !! :(
قال مجرد كشف بس حشوف هل الرحم مفتوووح ولا لا !!
قلت طيب ابغى دكتورة !!
قال والله أنا المناوب الآن ومافي دكتووورة الآن
واستسلمت للأمر الواقع وكشف .. لاااااااااااااااااااا مو كشف !
وربيييييييييييييييييييييي عذااااااااااااااااااااب !!
كان يحاول يدل اصابعة وربي كأنة في معركة يغمض عيونة بقووة ويضغظ على اسنانة
وكأنة بينتزع شيء !!!!
دفشتة على صدرة برجلي وأنا بصرخ فية حراااااااااااااااام عليك مو كشف هذا !!!
كأن الم فظييييع .. وربي الطلق اهووون منة :(
ضحك وقال أنا بحاول اوسع عنق الرحم .. وسألني أنت بكرية !!
قلت له لااااااااا والدة قبل كذا اربع مراااات !!
قال معقووووووله !!!
قلت له نعم بس آخر ولادة لي كانت قبل 11 سنة مضت !!
قال هنا السر .. لأنك ماكأنك ولدتي قبل كذا عشان كذا أنا سالت !!
والرحم مفتوح عندك 3 سم عشان كذا حنأجل العملية شوووي
ونحاول تولدي طبيعي .. وأنا مش حترك هالمكان إلا لما اولدك طبيعي إن شاء الله !!
قلت في نفسي اللهم أني فوضت أمري إليك !!
وعلى طول اعطاني طلق صناعي واقل من خمس دقائق وتعااااال ياطلق
واشتغل الطلق اول كان كل عشر دقائق وبعدين كل 7 دقائق
وبعديها كل 5 دقائق وشوووي 3 دقائق
وكل نصف ساعة تقريباً يكشف :(
وآاااااااااااااااه ياقلبي كلة كوووم وكشفة كوووم آخر !!!
في الفترة الأخيرة لما يكشف كنت استفرغ من شدة الألم !
وضليت على هالحاااااالة من 9 مساء إلى 12 الظهر ثاني يوووووم !
والرحم مقفل على 3 سم فقط !!

والدكتور المفروض يسلم الساعة 7 الصباح لكنة ضل معي للظهر
وأنا ادعوا الله انة يرووووح ويجي احد غيرة لاني تعبت وخارت قواااااي
وصار عندي هبوط في السكر وزرقت ونقص عندي الأكسجين
ونبض البيبي ضعف .. جاء استشاري آخر عالظهر استدعتة وحدة ممرضة
سعودية لما شافتني بهالحالة وهي كل شوي تقول للدكتور اللي معي
دخلها عمليات حرام الحرمة مرررة تعبت وهو يقول
لاااااااا حرام البيبي نازل راسة وصغير وفي اي لحظة حيزئ نفسة ويخرج !! :(
اي يزئ نفسة واي كلام فاضي والرحم فاتح على 3 سم بس !!!!
جاء الإستشاري الأخر وقال حتى لو الرحم فاتح 10 سم خلاص
الحرمة انهد حيلها ماراح تولد طبيعي بهالحالة دخلوها العمليات حاااالاً
أنا اسمعهم وادعي له .. واقول في نفسي الله يفرج همك
مثل مافرجت كربتي !!!
اقل من عشر دقائق دخلوني غرفة العمليات
وكان تعاملهم بصراحة في غرفة العماليات جداً راقي
وذكر الله على السنتهم
جاء طبيب التخدير وقال لي توكلي على الله كلها نصف ساعة إن شاء الله
وترتااااحي .. وقوووولي اللهم أني استودعتك نفسي وجنيني !!
وقلتها وقرأت آية الكرسي و....!!
ما ادري ايش صار بعدها !!!

الساعة 3 وربع العصر صحيت !!
واحاول اركز في المكان وعرفت أني في غرفة الملاحظة اللي في غرفة العماليات والأطباء حوالي !
وحاسة جسمي داااااافئ والطبيب ومعه طبيبة يقولوا حمداً لله على سلاااامتك !!
حاسة جسمي كله اجهزة !!!

قال الإستشاري خلاص الحمد لله افاقت دخلوووها العناية المركزة الآن !
وعلى طووول ودوني لقسم العناية المركزة
وبدأت افيق ووجدت زوجي ياقلبي عند باب العماليات من أمس ماراح للبيت :(
وكانوا رافضين طوال الليل انة يدخل عندي !!

دخلوني العناية وسالهم زوجي ليش في العناية فية شيء
قالوا الضغط عندها مضطرب ونبضات القلب جداً سريعة !

وشوووي جاني الدكتور اللي معي من الليل ويقووول حمداً لله على سلامتك ياست الكل :(
وربي اول ماشفتة جلست استفرغ :(
تعقدت منة .. مع أني عااارفة انة كان يبغى مصلحتي بس ابدأ مو بهذا الشكل
واجتهادة ماكان في مكانة !!

بقيت في العناية المركزة اسبوووع كامل
بعدها حولوني بإلحاح مني لقسم الملاحظة
وبعد 12 يووووم من ولادتي خرجت والحمد لله

بنتي لما ولدتها كان وزنها 1 كيلو و500 غرام
وبعد يومين نقص وزنها إلى كيلو و300 غرام

والآن والحمد لله كيلو و700 غرام
وقال الدكتور لما توصل لـ كيلو و800 غرام نطلعها !!
وربي كسرت خاطري من صغرها كان الدكتور يحطها بكفة ويرفعها بيد وحدة

هذه قصة ولادتي ومعانأتي .. اللهم لاتحرمنا الأجر ياااااااااااااارب
ولا تضيع لنا تعب يارب العالمين