منتديات حوامل النسائية - الحمدالله والشكر واخيراا ولدت وجبت احلى علاوي

السلام عليكم اخباركم كروشات الحمدالله ربي عطاني القوة والصبر والتحمل وولدت بالسلامة اكتب لكم قصتي من الاول انا الحمدالله عندي 3 اطفال والان وصل المولود الرابع جعله الله من مواليد السعاده والخير والبركه بعد ماتوفى علي ولد السنه الماضيه اخر موعد لي رحت عند دكتورتي لان هي كاتبه لي موعد الولاده تاريخ 17 صفر مولدت رحت لها تاريخ 20 قالت لي اكتب لكي تحويله لمستشفى الولادة لان انتي تاخرتي بالولاده بعدها انا خفت طاح قلبي ببطني على مايقولون بعدها توكلت على الله واتصلت على زوجي وقلت له على طول مستشفى الولادة علشان متاخره انا المهم رحت المستشفى شافتني الدكتوره وحطت السونار علي وخوفتني كثير بعدها قالت لي ضروري تتنومين لان ماء الجنين ناقص ماانصحك تتطلعين قلت لها كيف قالت لي نحط عليك التخطيط ونشوف بعد ساعه حطت التخطيط قالت زين بس الافضل تنويم علشان ماراح تولدين طبيعيياطلق صناعي ياعمليه انا قلت لها بروح اجهز لي اغراض وبرجع ورجعت البيت رتبت اغراضي انا والبيي ورتب اغراض عيالي حق المدرسه كان علينا ليله السبت وبعدها توكلت على الله ورحت المستشفى وعلى طول تنويم شافني دكتور وقال لي فعلا ماء الجنين ناشف ضروري تشوفك اخصائيه الصباح جات الاخصائيه الصباح وقالت لي احط لك تحميل مكتوب لكي 3 تحاميل اذا ماولدتي اليوم الثاني عمليه حطت لي تحميله ساعه 7صباحا تعبت منها كلا احس الم بظهري وعاد هالتخطيط اللي ماتعرفين حتى تتحركين منه المهم بعدها مافتح عندي الرحم ولاشي حتى الساعه 3العصر جات وحطت لي التحميله الثانيه وكذلك نفس الشي مافتح عندي نهائيا بعدها اجى زوجي المغرب وشافني على هالحال جاب لي ماء مقري فيها من زوجة صديقه المهم مشى زوجي وجات دكتورة بعد صلاه العشاء وحطت لي التحميله الثالثه وتعبت منها حييييييييييل مت جات الساعه 9 قالت لي في الم قلت لها اي والصدمه كشفت علي قالت بس 1سم اه ياقلبي على هالالام و1سم بس توكلت على ربي واقرا في القران الكريم سورة مريم ويوسف والانشقاق بعدها ساعه 10 بالليل زاد الالام جات قالت لي 3سم الان حمدت الله وبعد فتره ساعه 11 وربع حسيت نزل عندي دم واجد لان حطو علي اكسجين ومغذي واهالتخطيط بعدها فرغت ببطني كلها ونزل عني دم واجد جات بسرعه دكتوره وقالت لي 6سم الان ونزلوني تحت في الكشفي وقالت لي 10 سم الان ورحت غرفه الولادة بعدها راح الالام كله ارجع اطلق من جديد لين الساعه 12 ونصف منتصف الليل يوم الاثنين الفجر نزل مولودي الجديد على وجه الدنيا وحطت مولودي على قلبي حسيت براحه كبيره وبعدها نظفتني وقالت لازم دكتوره اخصائيه تنظف لكي الرحم لان المشيمه باقي داخل منها وخطير وجات وبكل دفاشه عورتني وهي تنظف وسوولي تصويرعلى الرحم والحمدالله على كل حااااااااااااااااااااال بعدها ارتحت بس صارت لي معاناه جداااااا لان انساها وراح تبقى ذكرى جميله اتذكرها كلما نظرت لطفلي علي ربي يحفظه ويحفظ عيالكم يااااااااااااااااااارب وانتهت قصتي وطولت عليكم بالشرح ههههههههههههههههههههه hwaml59