|
شاركوني بارائكم ولكم الشكر
السلام عليكم :
اخواتي ابي مساعدتكم بافكاركم وحتى نصائحكم وارشاداتكم زوجي تزوج من شهر ونص وحده ثانيه اكبر مني ومنه عمري 26 وهو 32 وهي عمرها 35 فارق السن بيننا كبير والكبر باين عليها مافي مقارنة بيننا ابد لا بالشكل لا بالذوق والاهتمامات وهي مدرسه كل هذا ياحبايبي مايهمني انا مو شايله همها هي بس زوجي حاسته منجذب لها مع انه بيحبني ويظل على طول يقول انتي غير وهي غير ولك اكثر ما لها لانك حبي الاول بس مدري حاسه انه يكذب هلي صاحب بالين كذاب ماني قادره اصدقه يمكن يقولي هالكلام ويقولها نفس الكلام على كذا وين راح حبه لي بس انا عندي كم سؤال اتمنى تشاركوني بالاجابة عليه صدقوني بتخففو علي كثير لاني عن جد محتاره ومشوشه اولا : كثير قالو لي صدقيني ياساره بيرجع لك ماراح يستغني عنك كيف يرجع لي ؟ انا مو مستوعبه هالكلام ثانيا: انا حامل واحس اني اضغط على نفسي كثير عشان ارضيه واحاول قد ما اقدر انه مايكون علي ممسك يزعله او يخليه ينتقدني ويفتح مجال يقارن بيني وبسنها في شغل البيت والترتيب والاهتمام بس عن جد تعبت احسه مو مهتم ولافارقه معه وش اسوي اكثر من كذا طيب؟ ثالثا: كيف اقدر اتغلب على غيرتي بجنون عليه مو منها لان غيرتي منها معناها انه فيها شي افضل مني وهي ماتزود عني بشي ابد ودي يكون جنبي على طول اسعد لحظاتي يوم يكون يومي ما افرط بدقيقه معاه ويوم يطلع من عندي لها اتكدر لاتلوموني اللي بيننا عشرة سبع سنين صعب في يوم وليلة انسى او اتخيل يروح عني كذا اتمنى تفيدوني والتوفيق من الله لي ولكم |
رد: شاركوني بارائكم ولكم الشكر
طيب هو ليش تزوج اساسا دامها كبيره بالسن؟؟
اعذريني عالتطفل بس كيف سمحتي له يتزوج وتوكم بس 7 سنين وانتي حامل وهي كبرت يعني مو عان الاولاد وانتي اكيد مافيه تقصيرر منك.. ي قلبي الله يصبررك ويكون بعونك ويرده لك ردا جميلا |
رد: شاركوني بارائكم ولكم الشكر
الله يكون بعونك حبيبتي.. الله يهديه
|
رد: شاركوني بارائكم ولكم الشكر
بصراحه مدري ايش اقولك
بس الي انتي حاسه فيه ماحد يقدر يلومك عليه او يستنكره ابدا لانها مشاعر طبيعيه جدآ يعني لاتقولي لاتلوموني ليش نلومك بلعكس على الي تسويه احس انك صااابره كثير ماشالله وكمان حامل و شايله كل هالقهر علعموم مالك الا تصبرين وتدعين ان ربي يرجعلك زوجك وانشالله تكون نزوه وتنتتهي بس اكيد له دوافع خلته يتزوجها انتي ادرى بزوجك ووقتها شوفي دوافعه واسبابه للزواج منها وقتها انتي رح تعرفي اذا هو صادق في كلامه معاكي او لا والله يصبرك ومن جد زي ماقالوا الاخوات صار عندنا فضول ايش الي خلاه يتزوجها ولا شي ناقصه ؟؟؟؟؟؟؟؟؟؟؟؟؟؟؟؟؟ |
رد: شاركوني بارائكم ولكم الشكر
الله يصبرك ويعينك ويسخره لك يارب
بس انتي اهتمي بجنينك ومو حلو الزعل فتره الحمل ولاتبينين له غيرتك وصدقيني مرده لك انتي الاول والاخير وربي يسخره لك |
رد: شاركوني بارائكم ولكم الشكر
الله يعينك يا قلبي , والله اني حاسه فيك ,بس رأيي من غير ما عرف ظروف واسباب زواجه عليك, خليكي واعية وانتبهي زوجك يروح منك. ما تعرفين شخصيتها ,مو شرط العمر ,بالعكس كبرها يخليها واعية اكثر وعندها خبرة بالحياة ,ممكن تسوقه لانها اكثر خبرة منك,شوفي من خلال ما اسمع من قريباتي اللي ازواجهم اتزوجو عليهم ,في بعضهم اتزوجو لانهم متعرفين على بعض وحبها واتزوجها , واكثرهم يكونو بسبب الجنس حرمة وحدة ما تكفيهم , وبعضهم لعيب في زوجاتهم وانتي مو من هذا النوع ,
اذا زوجك متزوجها لمصلحة مادية ’ابشري ان شالله حيسيبها . المهم اعرفي نقطة ضعف زوجك ,اذا كان يحب الجنس اهريييه خليه يروحلها وهو مخلص على الآخر ,وقبل لا يخرج قوليلو انك على جمر اذا اتأخر ما تدرين ايش بتسوين بنفسك ,ابكي وقوليلو انا ما يكفيني كذا ابغاك بكرة كمان تكون معايا خليه يروحلها وهو شايل همك,وهو عندها اشغلي نفسك بالبيت وحضريله اكلات _لبكرة_تكون فيها طاقة ,جهزيلو مفاجآت و الله يعينك وقت ما تولدي لا تخليها تاخد ايامك لانك نفاس يعني زي ايام الدورة ............ المهم اتمسكي فيه وطمنيني عليك على الخاص |
رد: شاركوني بارائكم ولكم الشكر
ربي مايحرمني طلتكم اسباب زواجه
يقول حرمه وحده ماتكفيني عنده طاقه جنسيه هائله لا اله الا الله بس انا صغيره وفيني اوفر له هالشي مو متخيله منظره معها وهي كبيره معقوله فيه حريم بهالسن وتكون طاقتها اعلى من الصغيره بالسن خصوصا بفترة حملي مقدر لان حملي صعب كثير اسقط وبصعوبه يثبت الحمل ويخاف علي اسمحولي بس انا عن جد مقهوؤرة ومحتاره انا هالسبب حساس جدا حتى اهلي مايدرو عنه قلت له انه حاب يكون عنده ثنتين وبس مقدر اطلع هالكلام لاهلي صعب جدا طيب كيف اقدر اتعامل معها وما اخليها تاخده مني دامها كبيره وفاهمه وخبرتها اكثر مني بالحياه خوفتوني عن جد كل ما اسمع كلام عن الزوجه الثانية اخاف والله انا مالي الا الله ثم زوجي يعني هو كل شي لي ومتعلقه فيه كثير اخذني بحضنه من يوم كان عمري 18 سنه زواجنا كان عن حب فجأه يروح مني -هو جنتي - اشكرك من الاعماق حبيبتي وبخبرك باذن الله ( |
رد: شاركوني بارائكم ولكم الشكر
الله يعينك ويسخره لك وما الحب الا للحبيب الاولي
|
رد: شاركوني بارائكم ولكم الشكر
الله يصبرك حبيبتي اولدي وقومي بسلامه وبعدين افضيلو واهتمي فيه وخرجي كل الطاقه اللي فيه انتي الحب الاول واكيد ما راح يستغنى عنك
|
رد: شاركوني بارائكم ولكم الشكر
اشوف القصه مبهمه !
والاسباب غريبه ! اشوف زواج زوجك من الثانيه بسبب الحب ماعليش ممكن كلامي يجرحك لكن مو بقصد بس من كلامك استنتجت نظريتي :) اقولك كيف زوجك يحب الحرمه ذي وعمرها ابد ماكان عائق بالنسبه له ولو مثلا ان سبب زوجك مقنع بسبب الجنس فاانا اقول انه كذاب مع احترامي لك اللي يبغى حرمه ثانيه عشان هالسبب بياخذ وحده صغيره عشان بتكون خفيفه وسلسه وطاقتها وتحملها اكبر من اللي عمرها 35 على الاقل 19 وحولها ولا 22 وحولها الى 25 هاذا حال اي واحد بيتزوج عشان الجنس ماحد يتزوج وحده عمرها 35 سنه واكبر منه الى بسبب وانا اقولك ياانه يحبها وماقدر يستغني عنها فعشان كذا تزوجها وهنا ابقولك شغله هي تقهر صح بس بالحلال ولا بالحرام صح ولا لا ؟؟ وممكن يكون في سبب مبهم وهاذا السبب عند زوجك ومايبغى يفصح عنه على العموم نهايه الكلام وزبدته زوجك تزوج وانتهى فاللي عليك تكملين حياتك لك اولا وله ثانيا اهتمي بحملك وبنفسك ماحد بيعيش حياتك عنك :) انتبهي لصحتك واهتمي بنفسك وداري صحتك واهتمي بعيالك لاتحطين محور حياتك زوجك بس حياتك لك وزوجك مجرد اضافه فيها :) |
| الساعة الآن 10:10 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .