|
حامل بالاسبوع الثامن والجيس موبين
السلام عليكم ورحمة الله وبركاته
بنااات انا حامل بالاسبوع الثامن طمنوني موبين جيس والله حيل متخرعه ولمن كنت بالاسبوع السادس سويت تحليل هرموني كان 4000 وشي وقالي الدكتور بعد 48 ساع تعيدينه. ولازم يتضاعف والحمدلله تتضاعف صار 7000 وشي واليوم راجعت الدكتور وسوا سونار خارجي مافيه جيس وانا حييل متخررعه تكفون منو صار لها مثلي الله يسعد كل من تطمني ويرزقها بالللي تتتمنى |
رد: حامل بالاسبوع الثامن والجيس موبين
أختي لا تخافين يمكن انتي فعلا على حساب دورتج تكونين 8 اسابيع لكن الحمل اقل
يعني احتمال الحمل صار متأخر شوي وبعدين السونار الخارجي صعب في البداية اذا كان السونار المهبلي ويالله يطلع وايد خفيف في البداية فما بالج بالخارجي . لاتحاتين ان شاء الله كل شي تمام ودام ان الهرمون يتضاعف ان شاء الله حملج سليم |
رد: حامل بالاسبوع الثامن والجيس موبين
اقتباس:
يزاااج الله خير وعسى ربي يهون عليج حملج ويرزقج بالطفل السليم المعافى |
رد: حامل بالاسبوع الثامن والجيس موبين
الله يوفقكم بناات طمنوني
حيييل اخاف من السونار الداخلي ومااحبه واخاف منه تكفووووون ريحوني والله يشهد علي اني متخرعه وايد وابجي |
رد: حامل بالاسبوع الثامن والجيس موبين
ياحي ياقيوم برحمتك استغيث فاصلح لي شاني كله ولا تكلني الي نفسي طرفة عين
ناااطرتكم |
رد: حامل بالاسبوع الثامن والجيس موبين
اختي سوي سونار داخلي حتى لو ما تحبينه حتى تقطعي الشك باليقين وممكن يكون حسابك غلط او الحمل صار متاخر مثل ما قالت الاخت لاتخافين مادام صعود الهرمون طبيعي انشاء الله خير
طيب عندج الام اسفل البطن من احد الجانبين؟ عندج نزف؟ عندج وحام اقوى من الطبيعي؟ على كل حال انا اقترح عليج تعيدين التحليل الهرموني وترجعين تعيدينه بعد 48 ساعه للاطمئنان وانشاء الله ما عندج بس العافيه * |
رد: حامل بالاسبوع الثامن والجيس موبين
اقتباس:
مستعده اسوي كل شي الا السونار الداخلي احس بعوار موطبيعي منه وماراح افكر اسوي مرة ثانيه توني رحت المستشفي وسويت تحليل هرموني وبعيده بعد 48 ساعه علشاان اتطمن وبانسبه للالم بس لمن كان موعد دورتي عورني عوار طبيعي والحمدلله مافي الم بالجوانب ولا نزيف فيني يارب لك الحمد بس ليش مو طالع معاي جيس حمل بطني بالسونار فاضي ويزااج الله خير همسات ام والله يرزقج باللي تتمنينه وعسى الله يرزقج من غير لا تحتسبين |
رد: حامل بالاسبوع الثامن والجيس موبين
طيب اختي الحمد لله ماعندك اعراض تخوف ومادامك باقيه عالسونار البطني لازم تصبرين شوي وانشا ء الله ربي يطمن قلبج
|
رد: حامل بالاسبوع الثامن والجيس موبين
اقتباس:
بس انا ابي اسال في احد صار لها مثلي او احد من اهلها اتطمني اتمنى البنات يفيدوني اكثر انا على حسابي حامل متاخر مع اني دورتي منتظمه وزوجي كان مسافر بعد ايام التبويض وبعدها رجع ولمن جاني الم بالمبيض اليسار رحت لدكتورتي كنت متخوفه من انه يكون جيس جان تقولي لا تخاافين عندج تبويض |
رد: حامل بالاسبوع الثامن والجيس موبين
دام الهرمون يتضاعف ان شاء الله انه سليم
الله يوفقك يارب ويفرح قلبك بطفلك وهو بين يديك |
| الساعة الآن 05:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .