|
شربت زيت الخروع
السلام عليكم كيفكم ياكروشات بقول لكم سالفتي انا شربت زيت الخروع ذااك الاسبوع نص العلبه مع عصير برتقال وكان كلي امل انو يجيني الطلق بعد اذن الله شربته ونمت لما جات الساعه عشر الصباح جاني مغص شديد وعلى طول لدورة المياه جلست تقريبا على هاالحال اربع ساعات اسهال الله يكرمكم ووقف انتظرت الطلق الم ولا شي سبحان الله طبعا انا طفشت من الثقل تخيلوا حتى اذا جيت انقلب للجهه الثانيه اضطر اني اصحي زوجي عشان يمسكني ويساعدني وغير الحساسيه اللي ماانام منها الا بطلعت الروح المهم لما جاء امس بااليل شفت العلبه وتشجعت اني اشرب النص الثاني حطيته كله بكاس وصبيت عليه شوي عصير رمان وشربته جاني الم خفيف ومغص قوي ولدورة المياه ع طول ووقف الاسهال الله يكرمكم ومافيه لا طلق ولا الم انا ابي اولد ماابي اكرر التجربه المولمه بولدي الاول طلق صناعي وهمم والالام ابي يجيني الطلق ف البيت دعواتكم لي باقي لي اسبوعين واخلص التاسع واشرف المستشفى عشان اطلق الصناعي
|
رد: شربت زيت الخروع
حبيبتي كيف زيت خروع .؟ انا بكريه وماادري ايش يسوي للولاده بس اللي ادري عنه من انخلقت على الدنيا ان الخروع ينظف المعده ويسبب الاسهال القوي ويرهق الامعاء ويمنع اخذه بالاسبوع الا كميه بسيطه تقريبا نص فنجان قهوه مخفف بحليب او عصير وزيادته موب زينه خاصة لحامل !! .. وهيه عشبه قويه انتبهي يالغاليه لاتسوي شي يسبب اعراض .. واكيد فيه طرق ثانيه اضمن من الخروع
فيه مواضيع كثيره شفتها بس ماتحضرني اللحين عن طرق الاخوات بتعجيل الولاده بس لو تبحثي بتلقين وشوفي الطرق المضمونه ومجربه شخصيا من اصححابه وعسى ربي يسهل لك ويعجل ولادتك وييسرها وتشوفي جنينك بصحه وعافيه ياارب |
رد: شربت زيت الخروع
الله ييسرلك ياقلبي وفي مواضيع لاعشاب حق الولاده استخدميها وان شاء الله نفع معك
+ المشي الكثير والله يوفقك حبيبتي ويسهلك امورك يارب وتفرحينا بولادتك بالسلامة يارب |
رد: شربت زيت الخروع
والله حتى انا اليوم شربت الخروع وانا اللحين دخلت الاسبوع 38 وماحسيت غير بالم لايذكر في الظهر ودخلت الحمام الله يكرمك لانو كان عندي امساك وبس بس انا اخذت تقريبا ملعقة كبيرة مع العصير .. وكمان اخر الاسبوع حخذ ثاني والله يسهل..
وعلى فكرة انا بكرية بس خلاص طفشت وابغى اولد الله يسهلها من عنده لجميع الحوامل. |
رد: شربت زيت الخروع
الله يسهل علينا يارب طبعا انا ماشربته الا لما سمعت تجارب البنات وبحثت باالقوقل وقريت مجموعه من الحوامل استخدموه وولدوا ع طول اوف ياربي مرااااا طفشت استغفر الله العظيم
|
رد: شربت زيت الخروع
والله مدري بس حبيت ادعي لك
الله يسهل عليك وتولدي اليوم ان شاء الله وترتاحي |
رد: شربت زيت الخروع
والله مدري بس حبيت ادعي لك
الله يسهل عليك وتولدي اليوم ان شاء الله وترتاحي |
رد: شربت زيت الخروع
حبيبتي مفهومك غلط عن زيت الخروع انا شاربته في حملي الاول ومستشيره دكتوره مو نت
حبيبتي مايشرب الخروع للولاده لا هو لتسهيل الولاده يعني اذا فيك ولاده تشربينه ويسهل الولاده بعدين بدري مررره شربتيه انا قالت لي الدكتوره لازم تخلصين الاسبوع الاربعين بعدين تشربين علبه كامله وتجيك الطلوق باذن الله وتولدين بسرعه لان الطلوق تصير حاره وقويه ووراء بعض اذا شربتيه فهمتي حبيبتي والله ييسرلك ويسهلها عليك واذا على زيت الخروع انا مجربته بالولاده وماشاء الله حمدالله ماندمت ابد سوي الله قلت لك وتوكلي على ربك ويسهلها ربي عليك |
رد: شربت زيت الخروع
ياقلبي انا سمعت ان مايشربونه الا اذا كان الرحم مفتوح
وانتي استعجلتي واخذتي جرعه مبالغ فيها شوفي ولا فادك وباقي اسبوعين على موعد الولاده يعني باقي وقت وترا الجسم بيختلف من وحده لوحده مو شرط فاد احد ممكن يفيدك الله يحفظ لك البيبي ويحفظك ويسهل عليك ويارب يجيك الطلق وانتي بالبيت لا تستعجلين ولا تحاتين متى ماربي كتب بيشرف البيبي |
رد: شربت زيت الخروع
اختى حتى انا مثلك ولدت بطلق صناعى
بس من تجربتى بعد ان الولادة بموعد يعلمه الله لا خروع ولا خرابيط يعنى عمر الانسان مقدر بالدقيقة والساعة فلا تستعجلين قدوم ابنك وعليك بالادعية والتساهيل من الله سبحانه |
| الساعة الآن 02:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .