مهم للدخول للي يعانون من كيس ماء ع المبيض
 

أولا الحمد لله انا حامل والله يتمم ع خير يارب انشاء الله حبيت أفيد الصبايا الي بعانه من وجود كيس ماء ع الميض لأنه أنا كان عندي كيس وحجمه كتييييييير كبير 9 سم وبعدين صار 7.5 سم ع المبيض الشمال مليت من العلاجات لأنه ما كان في فايده بصغر بشكل بطيييييييييييييييييئ جدا فقررت اوقف الدواء وأني اعمل عمليه لأشيل الكيس رفضت لأني سألت كتييير كتييير ناس حكولي الكيس ابدا ما بأثر ع حدوث حمل يعني الكيس مش مانع للحمل والدليل الحمد لله أنا هسه حامل حتى بوجود الكيس حكتلي الدكتوره الانسب لانه كبير لازم شلتيه لانه هو اصلا كتيير كبير بس انشاء الله الله بلطف ومع الولاده بنشيلك اياه الحمد لله والاهم من كل هالشي أنا حاسس أو بالأحرى متأكده انه الله رزقني الحمل من كثرة الاستغفاااااااااااااااااار الحمد لله .

عليك خواتي بالاستغفار دائما.

سونيا

رد: مهم للدخول للي يعانون من كيس ماء ع المبيض
 

انا متلك يا سونيا كان عندي كيسة كبيرة بس اضطريت اشيلها لانها كانت تسبب الام مش طبيعية واوجاع وبعدها عملت فتح انابيب بس الله يوفقك سونيا هالكيسة بتعملك الم شي من جهة المبيض المصاب بالكيسة ؟؟؟؟؟؟؟؟ بليز سونيا انا حابة اعرف الجواب ويا ترى بتعملك الم بالاباضة ؟لانو بصراحة شاكة يكون عندي وحدة بس خايفة بليز يا ريت تجاوبيني

رد: مهم للدخول للي يعانون من كيس ماء ع المبيض
 

كيفك
بالنسبة للألم هو محتمل يعني نخزات بس بتزيد في حالة امتلاء المثانه بس الحمد لله مو الم قوي ولا كان أنا كمان عملت عملية سحب للكيس بس انا ما كان الم كبير بس بالعاده الي عندهم كيس أغلبهم بحسه بألم كبير بس أنا الحمد لله لاء تعرفي معلومه حاب احكيلك اياها عرفتها من شي كم يوم انا اصلا ما كنت مفكره بالعملية حتى لو في وجع لأني بخاف كتيييير من البنج الكامل كمان خفت يشوهولي بطني لانه صاحبتي عملتها كأنها والده قيصري منظر سيئ طبعا في دكتوره طمنتني وحكتلي أنه هدي عملية خاطئه الصح هو سحب الكيس من الصره بس كمان مارضيت وكنت خايفه لانه كمان في بنج وانا بكره البنج الكامل هسه المعلومه الجديده الي عرفتها من شي كم يوم انه حاليا بسحبو هدا الكيس من المهبل نفسه مع بنج موضعي شفتي هيك كتيييير فرقت وما في بنج كامل ولا خوف اصلا الله يقومك بالسلامه يارب وبالنسبه لألم في المبيض عند أيام التبويض اصلا الي ما عندها كيس بتكون اتحس بألم في المبيض عند أيام التبويض وسلامات .

رد: مهم للدخول للي يعانون من كيس ماء ع المبيض
 

سونيا حبيبتي شكرا كتير الك كتير بمعلوماتك المفيدة انا عمليتي كانت خطأ طبي من دكتورة بسلامتك ما بتعرف الخمسة من الطمسة لانو كانت بتنشال بالتنظير بطريقة كتير سهلة بس اا خفت كتير يعني سونيا ممكن احمل ؟
والله يخلصلك بسلامة يا رب