|
أغنية من تأليفي أنا و ابني
مرحبا بكل الحوامل - و غير الحوامل- أنا حامل بالشهر الثالث (ربي يتملي و يتملكم على خير) و قلت لابني (عمره سبع سنين) hwaml13 و كثير فرحان و يحب يجلس جنبي و يغني للبيبي و في مرة بدأ يألف أغنية, و كملناها مع بعض (تقدروا تعتبروها قصيدة) بس بالعاميّة و هاي هي الأغنية: ماما..شو عندك هون؟ ماما.. شو بتخبي؟ مين نايم جوا؟ قوليله..يسلم عليه قلبي جوا عندي baby صغير بيشبهك كتير كتير بيحبك, و رح تحبه و راح تضل دايماً جنبه و رح تحكيله, و تغنيله و تنيمة بالسرير ماما.. طيب قوليلي آمتى رح يجي عندي؟ و لو حاكيته بيسمعني؟ بيفهمني؟ و لو قربت منه خدي فيه إنه يغنيلي أو يحكيلي حتى أنام؟ رح أشوفه بالأحلام؟ يلا يلا جاوبيني امتى رح يجي لعندي؟ لازم تصبر تنطر أكتر و بعد كم شهر رح يكون عندك هون بتشيله و تحكيله أحلى الحكايات و تلاعبه كل الأوقات و تعلم أختك كيف تعتني فيه إنت رح تحميها و كمان رح تحميه لإنك إنت الأخ الأكبر إنت الأقوى إنت الأشطر رح تشاركهم ألعابك و عليهم ما رح تتكبر رح أجهز غرفتي و ألعابي و قرب تخته من تختي و أكتب لوحة ترحيب على بابي و أنطره أنا و أختي و قول لبابا ما يخاف علينا إنت رجال البيت و إنت رح تحمينا صار يغنيها لللبيبي دايماً و يحاول يعلمها لأخته أتمنى تكـــــhwaml13ــــون عجبتكم |
رد: أغنية من تأليفي أنا و ابني
ماشاء الله كتيييييييير روعة
ربنا يخليلك ولادك يارب وتفرحي فيهم وتقومي سالمة غانمة تحياتنا |
رد: أغنية من تأليفي أنا و ابني
شكراً.. الله يخايكِ
|
رد: أغنية من تأليفي أنا و ابني
ماشاء الله تبارك الله
الله يحرسه |
رد: أغنية من تأليفي أنا و ابني
مررررره حلوه الله يحفظهم ليكي ويقومك بالسلامة حياتي
|
رد: أغنية من تأليفي أنا و ابني
ياحياتي عليه بس من جد حلو تأليفكم عقبال ماتشوفوا البيبي بخير وتغنوها له مباشرة ههههه
|
رد: أغنية من تأليفي أنا و ابني
ياقلبي عليهم ... بري يخليلك يااهم يارب ويوقمك بالسلامة
|
رد: أغنية من تأليفي أنا و ابني
شكراً إلكم كثير.. فرحتوا قلبي.. و حتى ابني كثير فرح لما قرأتله ردودكم
|
رد: أغنية من تأليفي أنا و ابني
ههههههههه حلوووه
الله يهون عليك وتقر عيونكم بشوفته |
رد: أغنية من تأليفي أنا و ابني
ماشاء الله عليه
احلى هديه للبيبي واضح ان ابنك موهوب الله يخليه لك ويفرح بشوفت البيبي |
| الساعة الآن 02:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .