منتديات حوامل النسائية - انا وخياطتي وغلطااااااااات المنحوسه دكتورتي

سلام ياكروشات
حبيت اقولكم عن غلطه انا سارت لي وان شاء الله ماراح اعيدها

انا الله يسلمكم ندمت ندمين الاول اني رحت المستشفي والرحم فاتح 2 سانتي المفروض ارجع البيت واشرب قرفه وامشي واسوي كل الاشياء اللازمه لانه المستشفيات حسيت بعد تجربتي انهم يتعبوا الوحده ويغلبوها وليش انا اتعب نفسي واسلمهم جسمي والله مستعده اطلق بلبيت وارحو لهم وانا تعبااااااااااااااانه وحدي خلاص ولا اروح وانا توي باول المشوار hwaml5
انا دخلت وقتها المستشفى واالرحم 2 ساني ونص وانا تعباااااااااااانه وجلست اتالم دخلت تقريبا الساعه 4ونص عصر وانا اتالم من امس الليل الساعه 12 ليل وصبرت الين 10 صبح ورحت لمنحوستي وقالت تنويم بس خسرتها ماتنومت من 10 صبح رجعت لها العصر واتصلت بماما عشان تجي معايا وجلست الله يسلمكم حطت لي مغذيات لليل وكل متجي تكشف تقول لسا بدري وانا اتلولو من الالم وقلت لها يعني علىى كم راح اولد قالت تاريبا 4 الفجر خلاص انا ما قالت كده الا انا ابكي متل الاطفال لانه الساعه كانت توها 9 ليل هههههههههههههه افتكرت شي والدكتوره بتكشف ليا وانا في قممممممممممممممة الالم قالت

انت اششتريتي الاميص دا منين طالعت فيها مطالعه والله عمري بحياتي ما طلعتها انا ويييييييييييييين وهيا وين
المهم عدت مرحلت الطلق اللي بدا كل شويه يززززززيد والله ما حزني بلمموضوع غير ماما اللي نظرتها ليا كلها كانت حزن وخالاتي يتصلو يطمنو عليا
المهم سارت الساعه 3 ليل كشفت الدكتوره قالت 7ونص سانتي خلاص هانت
وانا من الجوع ولالم دااااايخه مو قادره اوقف وسرت اقول ابا الحمام الله يكرمكم ودوني ولما ماما حست اني طولت فتحت الباب ودخلت وقالت لا تدفعي يامجنونه دي البنوته نازله
الا انا ما ادري عن نفسي الا بغرفة الولاده المهم فتحت الدكتوره سورة يس والله نفسيتي تغيرت لما فتحت القران حسيت اني هديت كتييييير

وبعدين سارت الدكتوره تقولي ادفعي ياامي ادفعي وانا ميييييييين والله مافحال امي ادف شي اللي منحوستي قالت اطلعي فوقها يا امال وجات السستر بكل ما ادها ركم من قوه حطت ييدنها من تحت صدري الا ما تشوفوا ماما الا قالت لااااااااااااا وانفجعت عشان انا مره قليله خافت عليا وبعدها شرفت الاموره غلا ربي يحفظها الساعه4 والفجر يادن وانا فين ابا اقوم الدكتوره اعطت ماما نونتي بعد ما بوستها

وخرجوا ماما من الغرفه وسار باب النص اللي برا يدق عشان جوزي جا بس منحوستي ما فكتلوا الباب وتقول لو شافك بدا المنظر يقرف منك المهم وطولت الخياطه مره وانا والله كانت الخياطه بلنسبه ليا اسواء بكتير من الطلق عارفين ليش
لانه انا لحمي لين ومنحوستي بتخيطني كل ما تشبك الابره بلحم يتفتفت لحمي تخيلو والله ساعتين وانا اتخيط ونزفت نزيف مو طبيعي كل ماتدخل الابره اللحم ما ينشال او يتنفخ مكان الابره وانا ابكي اترجها تحطلي بنج ولا حياة لمن تنادي المهم اتخيطت بعدين جات تحط لي القصتره واكتشفت انها خيطت زياده عن اللزوم ومو قادره تحشر القصتره والله والله والله مسكت المقص وقصت كل اللي خيطتو لا وقصت لحمي كمان وصرخت ديكا الصرخه اللي وقفت المستشفا كلها على رجل وحده ودوخت وسارت تضربني على خدي عشان افوق وما اسمعهم اللا يصرخوا لانه فقدت دم مو طبيعي ومااشوف اللي اربع مغذيات حديدهنا اتنين وهنا اتنين ويدي جلست اربع شهور مزرررررقه من الابر اللي شوفتها
قلت لها الله يكافيكي انا ناقصه وسار زوجي برا يدق زي المجنون وماما جات تدق برضو بس والله ما فتحت لهم لا وتخاصمني وبعد دا كولو كتبت لي تحويل على مستشفى حراء التخصصي اكيد الكل عارفهها اللي بمكه المهم حالتي مكانت سامحتلي اروح مكان وخيطتني بعدين فكت الباب وجيت اروح الغرفه قالت اباكي تمشي وانا اقول لها مو قادره قالت الا لازم وانا بمشي طحت من طولي وزعق جوزي وجا شالني ووداني الغرفه وماما من خلاص راحت مسكينه فيها توبه معد اخودها معايا لانها ما تتحمل
ودي غلطتي اني كتيييييييييييييييييييييير اهملت حبوب الكالسيوم والحديد والفيتامينات اللي تقوي الجسم والله شفت الموت ليلت 15-6-1432
عشان كده كل حامل اباها تنتبه على نفسها منجد محد ينفعها بعدين
عرفين ايش قالت المنحوسه لزوجي اصعب ولاده في حياتي هيا ولادة زوجتك الناس تفقد وقت الولاده 500 من الدم مرتك فقدت في ليله وحده عارفين كم 1500 والله كل جسمي اصفر ممتل الهرد بعد الولاده hwaml16ورحت البيت الساعه 6مغرب وخرجت على مسئوليتي

تنبيهات لا تكرر ابدا
1- الدكتوره كان عندها ولاده قبلي يعني مانامت سهرانه وما جا وقت ولادتي اللا هيا ماااره تعبانه التعب باين عليها
2-ماخلتني اتحرك من السرير لانه الطلق مجنني ونفسي كان اتحرك بس ماسمحت
3-وقت الخياطه الله يسمها لدحين انا احس نفسي مشوها من تحت والله احس اشياء فيني زايده
4-انها خلتني امشي على غرفتي بدون ماتوديني بعربيه
5-الفرخنه اللي سوتها والبكى لما زوجي قلها انا شتكيك داما انت مو قد الولادات لا وكمان تقول فين الحلاوه
6-كل شويا جوالها يدق وهيا بتخيطني ناس يتصلو عليها يسألوها والله جوالها ما فتر وهيا تسيب الخياطه وتكلمهم وترجع تكملي الخياطه
لكن الحمد لله على كل حال