|
قصة ولادتي
السلام عليكم هادا تاني حمل ألي بعد 7سنين وعندي ولد قبل من طليقي لما جبتو كان عمري 16 سنة يعني مثل الحلم حسيت بهادا الولد اول حمل ألي كان نفسي اجيب ولد من زوجي لاني اتجوزت عن حب والحمد لله صار الحمل كنت بنتظر لحظة الولادة بفارغ الصبر من الشهر الخامس صابني الملل وبس تفكير بوقت الولادة وارتاح من الحمل ماكنت امشي اكتير ويوم طلعت مشيت وكان لسه ضايل على موعدي اسبوعين تقريبا مع اني كنت بفكر وبدعي ألد اليوم واتخلص من الحمل ماكنت بتوقغ بهليوم ألد رجعت على البيت والوضع عادي الساعة 12 في الليل دخلت انام حسيت ميه اكتير نزلت عليه حكيت عادي مابدي احكي لجوزي يلا الا لما احس بوجع وقمت اتحممت وغيرت ورجعت على التخت وكمان مرة نزلت ميه بللت ملابسي قمت وغيرت اكتر من 3 مرات اقوم وارجع جوزي صحي وحكالي مالك حكتلو ميه بتزل عليه شكلي بدي ألد الليلة حكالي بس اتحسي بوجعي احكيلي قلب وجهو ونام قمت على الحمام كمان مرة شفت دم مع ميه خفت صحيته وحكتلو قوم وديني المستشفى بينزل عليه دم قام جاب سيارت اخوه وجبنا امي ورحنا على المستشفى والميه بتنزل مو راضية اتوقف وانا برجف رجفة غير طبيعية من الخوف دخلنا اعملنا الاوراق وفحصني الدكتور لقي معي توسعات 4 ونص سانتي وما في وجع معي اجت الممرضة ولبستني ملابس الولادة وصرت احكي لجوزي بطلت ألد بدي ارجع على البيت وبرجف من الخوف قعدوني على الكرسي ووبعتوني على غرفة الولادة واسمع صريخ واقول يا الله سهلها عليهن وأرجف من الخوف كل شوية تسالني الممرضة معك وجع احكيلها اه خفيف وانا مو حاسة بوجع فحصتني لقيت 5 سانتي وضلو ساعة على 5 سنتي والميه لسه بتنزل بعدها ركبتلي ابرة في ايدي باين انو طلق صطناعي والله الوجع بعدها كل ما تيجي الطلقة اقول لأمي وجوزي خلص بموت انا عارفة حالي بدي اموت ولما اتروح اسمع اصريخ وحدة واقول يا رب تلد وتتريح واتيجيني الممرضة الله ما أثقل ايدها وتفحص وتقول ولادة ودخلت اديها التنتين شكلها بتسحب في الولد ما بعرف شو بتعمل وانا حسيت روحي بتطلع واصرخ من الوجع والمصيبة لما اتروح الطلقة هي بتقولي يلا ادفعي وانا ما في طلق والله هلمممرضة تعبتني وحسيت جسمي بيتمزع اخ وجع مو طبيعي وبحكي لأامي سامحيني وأمي دموعها ينزلو وجوزي بحكيلي يلا طلع راسو وامسك ايدو وأعضها ههههههههههه وصار يتوجع مسكين واجت عندي ممرضة تانيه وقفت جنبي مسكت يدها بدي اعضها ههههههه سحبتها مني وبعدها حسيت رجليه طلعن وحطتو عليه وانا بقول الحمد لله ارتحت يارب ونزل جعان رضعتو اشوية وبعدها اخدوه واطلعت من الغرفة الولادة وكل وحدة من صاحباتي تتصل عليه احكيلها لا تحملي موت اعملتلهن رعب ههههههههههههه والحمد لله هلأ عمر ابني شهر الله يطعم الجميع |
رد: قصة ولادتي
الف مبرووووووووووك
والحمد لله على السلامة يتربى في عزكم |
رد: قصة ولادتي
اقتباس:
الله يسلمك يعمري ويبارك فيكي |
رد: قصة ولادتي
هههههههههههههههههههههههههههههههههه الحمد لله على سلامتك والله يخليلكابنك وتفرحي فيه يارب
انا بولدي الاول لما اشتد الالم بالمستشفى قلت رجعوني البيت في البيت الالم اخف هههههههههههههه ماتقدري تفكري وقتها |
رد: قصة ولادتي
اقتباس:
|
رد: قصة ولادتي
الحمد لله على سلامتك
ومبـــــ1000ـــــــــروك المولود والله يرزقكم بره وصلاحه. انتي سويتي مثلي لما سمعت صريخ اللي بيولدو وانا بغرفة الملاحظة أقول للدكتورة وهي بتكشف علي إذا مافي ولادة بروح البيت من رهبة الموقف ماني عارفة أيش أقول ههههههه الحمد لله الله يسهلنا ويقومنا بالسلامة . |
رد: قصة ولادتي
بارك الله لك في الموهوب وشكرت الواهب ورزقت بره وبلغ اشده
يااا رب نتريح زيك واولد اليوووووم ادعووووووووووووولي |
رد: قصة ولادتي
الف مبرووووووووووك
والحمد لله على السلامة يتربى في عزكم |
رد: قصة ولادتي
ألف مبروووووووووووك خيتوو
يتربى فعزج ان شا الله |
رد: قصة ولادتي
الف مبروووك والحمدلله على سلامتك انتي والبيبي
|
| الساعة الآن 12:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .