|
عندي استفسار وياليت الاقي عندكم الجواب..مين تعرف واحدة تسوي اكلات نفاس في جدة؟؟
السلام عليكم جميعا
طبعا انا ذحين في الشهر التاسع وساكنه بجده واهلي مو عندي ياليت اللي تعرف وحده تسوي اكلات النفاس الشعبيه تعطيني رقمها لانه انا في طفلي الاول والده قيصري وفي ولادتي هذه كمان قيصري عشان كذا محتاجه وحده تسوي اكلات نفاس طبعا بفلوس لاكن ياليت يكون سعرها كويس وكمان تكون مجربه ولكم دعوه في الغيب لكل وحده تقدر تساعدني ...... |
رد: عندي استفسار وياليت الاقي عندكم الجواب
9 مشاهدات ومحد رد
معقوله محد يعرف |
رد: عندي استفسار وياليت الاقي عندكم الجواب
معليش ياقلبو احيانا العضوات يدخلو بس لمن مايكون معاهم معلومة يفيدوالعضوة يخرجو من غير اي رد
فلا تزعلي حبيبتي يالغلا انا بجدة ما اعرف غير واحدة تسويلنا رقايق سمبوسة في رمضان وما ادري ايش كمان تبيع بس رقمها مش معايا لان قريبتنا هيا اللي تروح لها لبيتها في رمضان تشتري منها رح اسأل عن رقمها لو عرفته برجع لك خبر .. بس يمكن اتأخر بالرد عليكي عشان بكرة انا مسافرة او يالغلا روحي المحلات اللي تبيع الفطاير اطلبي الكميةاللي تبغيها سواء مطبوخة جاهزة او لسا ماهي مطبوخة وفرزنيها سواء قرصان او مراصيع او كروسون او بيتزا او فطاير محشية او سمبوسة اانا في نفاسي اشتريت كروسون ناضج وبيتزا دوائر ناضجة بس السمبوسة اخذتها نية .. وساعة التقديم للضيوف قليناها والله ييسر لك ولادتك يارب |
رد: عندي استفسار وياليت الاقي عندكم الجواب..مين تعرف واحدة تسوي اكلات نفاس في جدة؟؟
تسلمين يا الغلا على الرد
لاكن انا ابغى رقم حرمه تسوي اكلات للنفاس عشان انا ساعتها مقدر اطبخ يعني مو قصدي للضيوف وتسلمين للمره المليون |
رد: عندي استفسار وياليت الاقي عندكم الجواب..مين تعرف واحدة تسوي اكلات نفاس في جدة؟؟
ولله ما اعرف حبيبتي بالنسبة لاكل النفاس نفسها
طيب ليش ماتسوين لنفسك الخبز البر والمراصيع وتفرزنيها وتجيبي شغالة اندنوسية تعلمينها كيف تسويه لك او ممكن انتي بنفسك تجهززيه من المفرزن بسرعة والله يسهل لك حملك وولادتك يارب |
رد: عندي استفسار وياليت الاقي عندكم الجواب..مين تعرف واحدة تسوي اكلات نفاس في جدة؟؟
ما اعرف صراحة
|
رد: عندي استفسار وياليت الاقي عندكم الجواب..مين تعرف واحدة تسوي اكلات نفاس في جدة؟؟
الله ييسر لك يالغاليه انا بجده بس مااجيبهم صراااحه ببداية نفاسي زوجي يشتري الاكل بعدين اذا تحسنت اقوم لاني مااروح لاهلي اذا نفست الله يسهل عليك ويقومك بالسلامه
بس معقوله مافي احد يجي يساعدك اقسم بالله لما كنت ببيتي الاول جاراتي مقسمين الوجبات بينهم وكل اكلي مدة اسبوعين من عندهم ونعم الجيره والله حتى القشر والاعشاب يسونوها لي الله يوفقهم ويسعدهم دايم ادعلي لهم عالعموم في خبز االرقاق ممكن تسوي ايدامات وتحطي معه خبز الرقاق مره سهل ومفيد ممكن بنفس الخبز تحطي عليه حليب ساخن وتحركيه ويكون ثقيل وحطي عليه عسل وسمن مره لذيذ000ينفع نفس الرقاق مع المرق وقطعي اللحم صغير واخلطيه وخليه ثقيل مع الكمون والفلفل الاسود لذيذ كلها اشياء سريعه وحلوه ومعتمده على خبز الرقاق اتمنا اكون افدتك بشي ولو بسيط |
| الساعة الآن 09:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .