|
انا وصديقتي
سلام
بنات بدخل بالموضوع على طول انا عندي صديقه طيبه وحبوبه تعزمني واعزمها وفجاءة اتغيرت....لا تتصل ولا تدق طبعآ انا حاولت معها ودقيت قبل كم شهر قلت لها بزورك اعتذرت وقالت امي تعبانه مع العلم انه صديقتي هذي متزوجه وعندها عيال وفي بيت لحالها المهم طنشت وصرت ادق اسالها عن امها وقالت انها تمام وبخير وبعد شهرين دقيت عليها قلت بزورك قالت انها معزومه عند اهل زوجها وطنشتني يعني معقوله مافضت خلال هالشهرين مع العلم يابنات اني اقوم بالواجب معها ازورها اذا مرضت او ولدت حتى مناسبات اهلها الاجتماعيه اروحلها واقدرها على عكسها هي لاتجي ولا تزور واذا ولدت انا تجي بعد مااطلع الاربعين وماتطول نص ساعه وتطلع عكسي انا اروح لها كم مرة وهي بالاربعين واخذ معي عشاء وحلا مدري الناس تغيرت ولا انا الغبيه الي ماقدرت نفسي انتظر رايكن عزيزاتي |
رد: انا وصديقتي
انا من رائيي تتبعين
(( عامل الناس كما يٌعاملوك )) لان بالزمن هذا مافي احد يستاهل تجين كلك معاه وهو مطنش اللي يقدرك قدريه واللي يطنشك طنشيه .. هذا رائيي .. |
رد: انا وصديقتي
طيب على حسب كلامك
تقولين انك تقدرينها وتزورينها وتزورين اهلها وتروحين لها لاولدت او او الخ اجل كيف حكمتي انها طيوبه وحبوبه ؟؟ وكمان كم مده صداقتكم ؟ وكم عمرها وكم عمرك ؟ ومن وين تعرفتي على صديقتك جارتك ولا من الجامعه ولا من الاهل ؟ بياناتك ناقصه كثير وماني فاهمه عليك مره لان تاكدي مافي انسان يتغير من فراغ فكملي قصتك بحذافيرها لو ناسيه شي اكتبيه او صار بينكم شي وماذكرتيه ارجعي واكتبيه ولي رجعه بالحل بعد التكمله |
رد: انا وصديقتي
انت ماذكرتي كيف طبيعة صداقتكم من البدايه يعني هل كانت تمام وبعدين تغيرت والا هي طبعها كذا ؟؟؟
اذا كانت فجأه تغيرت فحطيلها مليون عذر وحاولي تفهمين القصه...بدون طبعا ما تجرحين مشاعرها يمكن عندها شيء او ظروفها ما تسمح ومو حابه تقول لك ممكن عندها مشاكل عائليه عالعموم ياقلبي انا اقول التمسي لها العذر ماتدري كيف وضعها لا عاد تكلميها انك بتجيها دام كلمتيها اكثر من مره وما استقبلت انتظري الين هي تعزمك ولا تقطعيها يعني بين فتره والثانيه اسألي عنها بالجوال وبس .. |
رد: انا وصديقتي
ومثل ماقالت سويت موون يا قلبي كملي مشكلتك علشان نفيدك اكثر ..
بحفظ الباري |
رد: انا وصديقتي
سلامة راسك ياقلبي لاغبية ولا شي,,بس الناس ألحين مدري كيف التربيه الله المستعان مصيرها تتذكر وتندم....
|
رد: انا وصديقتي
انا اشوف هااذ الشي في اختي ودايمن انصحهااا بس عشان هي اكبر مني اقول خلاص بكيفك
تحب تزور وتروح وتجي واذا الوحده نفاس تروح لها وتسوي لها عشاء وتخدمها بعكسي انا انا اروح ساعه وخلاص ماحب اطول يمكن لاني اتضايق اذا حد عندي ونا نفاس تعرفين تعب وعيال وزوج وعندك ناس يسهرون او يتعشون احسه تعب اختي كل ماسوت خيررر زيك يجي عكسها تقطعها صديقتهاا تسير تتصل عليها ماترد تسير تتكلم في ضهرها مع ان اختي تخدمها تزورها تعزمها ببيتها اذا عندها صديقاتها لاكن هاذي الحركه من صديقتك اعتقد والله اعلم معناتها خفففي زيااااااارات وجيات وروحااااااات عندي يعني طنشتك اكثر من شهر عشان تجينها بعد شهرين وتسير زياراتكم كل شهرين مره هاذا قصدهااااا او تحصلين زوجهااا حالف عليها انك ماتجينهااااااا وهي ماتقدر تقول لك تخاف تزعلين وتنتضر زوجهااااا يكفر عن حلفه عشان كذا تعتذر فاصبري وشوفي وش النهايه |
رد: انا وصديقتي
اقتباس:
صدقتي بس اني احبها اكثر وحدة ومتضايقه من رسميتها معي مشكورة حبيبتي |
رد: انا وصديقتي
اقتباس:
حكمت علي طيبتها من خلال تعاملها معي قبل ماتتغير وتنقلب على ومدة صداقتنا 8 سنوات عمري 32 وعمرها 30 تعرفت عليها ...زوجها وزوجي اصدقاء في المدرسه وجمعونا مع بعض مدري ياختي وش التفاصيل الي ناقصه مافهمت عليك اسالي وبجاوبك انتظر ردك ياغاليتي |
رد: انا وصديقتي
اقتباس:
علاقتنا كانت تمام وحتى اذا مر اسبوعين مادقيت تدق وتسال واذا مارديت تقول لزوجها يدق على زوجي وتطمن على اما سالفه اني اكلمها وازورها خلاص ماراح اكلمها الا اذا بدت هي بالاتصال مشكورة حبيبتي |
| الساعة الآن 06:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .