ولدي والرضاعة
 

السلام عليكم ورحمة الله وبركاته
اتمنى تقدروا تفيدوني حبيباتي
مشكلتي ويمكن حتى ماتكون مشكلة انه ولدي الحين بيكمل 4شهور ومايرضى ياخد الرضاعه

ادري بتقولون ماعودتيه بس هو من يوم ما انولد كان ياخذ الرضاعه صدري ماجا به حليب الا بعد 10 ايام تقريبا وكنت على طول اعطيه الرضاعة اغلب الاوقات

بعدين قالوا لي لازم تعطينه صدرك اكثر من الرضاعه وفعلا شوية شوية صار يرفض ياخذ الرضاعه وصار يبكي ماياخذها ويبكي ويبكي وارجع احن عليه واعطيه صدري

الحين يقولون المفروض ياخذ رضاعه لانه صدرك بس بيكون مو كفاية وهو مايرضى يمسكها
قولولي كيف اعوده عليها ولاتقولون جوعيه لاني حاولت بس بالاخر مستحيل اخليه يقعد يبكي جوعان

انصحوني لو سمحتوا

رد: ولدي والرضاعة
 

حبيبتي لاتقولي صدري مايكفي لايكفي وزياده بس انتي كلي واشربي اشياتدرالحليب مثل شرب الحليب والبن والزبادي كيف تعرفين ان طفلك مايكفيه صدرك اذاجلس يبكي بعد الرضاعه ومايسكت معناه صح ان صدرك مايفي وماعليك من الي يقول لازم حليب صناعي وعلى فكره ترى الرضاعه الطبيعيه افضل لك ولطفلك وكل مازادت عدد الرضعات كل مازاد ادرار الحليب وكلها شهرين وتبدين تئكليه وراح تكفيه الاكل بدل الحليب الصناعي مع الرضاعه الطبيعيه
والله يوفقك

رد: ولدي والرضاعة
 

امممممممم حتى انا بعد كان عندي نفس اعتقادك وحاولت اغصب بنتي على الحليب الصناعي بس هي مو راضيه تاخذ الرضاعه ابدددددددددد وخلاص يئست من موضوع الحليب الصناعي اشربي حليب لانه يدر حليبك ما شاء الله مررره وكلها شهر او شهرين وابدي اكليه

تحياااتي

رد: ولدي والرضاعة
 

مشكورين على ردودكم واهتمامكم ريحتوني الله يريحكم

رد: ولدي والرضاعة
 

مثل ما قالت الاخت احلي من العسل لو ما كان يكفي صدرك كان أخذ الرضاعه او كان يبكي بس الحمدلله صدرك يكفي و كل طفل يفرق عن الثاني في أطفال يأخذوا الرضاعه و في أطفال لا الله يحفظلك اياه يارب

رد: ولدي والرضاعة
 

لا داعي اختي الكريمة للرضاعة الصناعية فصدرك فيه الكفاية ان شاء الله وهو يحمي الطفل من الامراض ويحميك انت ايضا كما تقول اخر الدراسات العلمية ..ابني بمثل عمر ابنك تقريبا وانا اعطيه رضاعة واحدة اصطناعية باليوم حين اكون خارجا بالعمل ولولا ذلك ما كنت اعطيته..
المهم ان يكون نموه طبيعيا ونصيحتي لك باضافة الحلبة لطعامك فهي من مدرات الحليب ان شاء الله بالاضافة لما تفضلت به الاخوات مشكورات
وفقك الله وحفظ ابنك...hwaml7