|
الي اخذت ابر كليكسان 40 مل تدخل امانة للضرورة
السلام عليكم ورحمة الله وبركاته...انا حامل بالشهر الثالث جاء حملي بعد تاخر ثلاث سنوات ولم يسبق لي الحمل خلالها...في بداية الشهر الثالث نزل علي دم بعدها توقف واطمنت على اجنتي (حامل بتوأم*) بعدها اصبح ينزل علي افرازات بنية اللون hwaml79 طبعا ارتعبت ودحت للدكتورة طلبت مني تحاليل عملتها اليوم رحت للدكتورة وحكتلي انو عندي نسبة تجلطات بالدم بسيطة وكتبتلي ابر كليكسان 40 مل وحكتلي اخد ابرة تحت الجلد يوميا حتى نضمن عدم حدوث تجلطات واضيع اجنتي لا سمح الله...حابة اعرف مين الها تجربة مع هالابر وشو سبب اخدهم لما اخدتيهم وشو اضرارهم لو لهم اضرار والله خايفة سرت على حملي ارجو ان تفيدوني اخواتي فانا قلقلة جدا جدا.... شـكــ وبارك الله فيك ـــرا لك ... لك مني أجمل تحية .
|
رد: الي اخذت ابر كليكسان 40 مل تدخل امانة للضرورة
ماعندي علم اكيد البنات بيفيدونك
ربي يثبت حملك وتشوفينهم بحضنك يارب |
رد: الي اخذت ابر كليكسان 40 مل تدخل امانة للضرورة
حبيبتي انا اخدت هاي الابر بس نوع تاني اسمها ابر هيبارين لانه كان معي تجلطات بالمشيمة لاني قبل هيك نزلت مرتين بس هلا الحمد لله وقفتهم اي تقريبا 3 اسابيع ما بخدهم لانه صار ينزل عليه دم وافرازات لونها بني فالدكتوره وقفتلي اياهم واعملت تحليل دم اسمه pt,ptt
بنصحك انك تعمليهم مشان تشوفي نسبة السيولة عندك ازا محتاجة ابر أو لا انا الحمد لله بعد ما عملتهم طلعت مش محتاجة ابر بس هلا باخد حبوب بيبي اسبرين كل يوم حبة والحمد لله قبل يومين رحت على الدكتوره وشوفت جنيني ما شاء الله عليه بيلعب وبينط وشوفت راسه واديه ورجليه بس يا قلبي لساته صغير كتير بتمنى اكون فدتك بس بنصحك انك تعملي التحاليل الي حكتلك عنها افضل |
رد: الي اخذت ابر كليكسان 40 مل تدخل امانة للضرورة
مشكورة اخت هيف على مرورك الطيب.ودعواتك الحلوة ...بينك روز شكرا كتير حبيبتي بس فعلا دكتورتي طلبت مني هاي التحاليل وطلعت عندي نسبة التجلطات بسيطة لكن الدكتورة حكتلي حناخد الابر مشان ما نخاطر بالاجنة ونكون مرتاحين وماخدين احتياطاتنا وحاليا باخد الارب بدون اسبرين حكتلي لئدام احتمال نضيف الاسبرين واسير اخدها ...الحمدلله انا كمان اطمن عاجنتي وبيتحركو والنبض كويس الحمدلله ...بس كنت حابة اعرف ازا هاي الابر بتضر او لا وهل فعلا بتساعدني امشي ايام حملي على خير hwaml8
|
| الساعة الآن 01:41 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .