|
مستشفي سليمان فقيه
السلام عليكم ورحمة الله وبركاته
بنات انا بكريه وبولدان شاءالله عندالدكتورة اسماءشحرور هي تولدفي سليمان فقيه كيف تعاملهم ووش الاشياءالي يعطونك ويسولك هي اول ماتدخلي عندهم ومتى يدخلونك غرفه الولادة لمن يفتح كم وهل صحيح يعطونك بنج ماتحسي بنفسك الي وانتي والده يعني بس تحسي باالام الطلق بس يعني التوسعه واالخياطه ماتدري عنها طمنوني وريحوني الله يريحكم |
رد: مستشفي سليمان فقيه
ماعندي فكره لاكن انشالله
الاخوات ما يقصرون الله يسهل ولادتك يا رب |
رد: مستشفي سليمان فقيه
انا محتارة برضو ماني عارفة فين اكمل متابعة اناةعندي حجز عند سحر ملودى في فقيه
ومحتارة بينها وبين هناء بدران في الفتيحي |
رد: مستشفي سليمان فقيه
وعليكم السلام ورحمة الله و بركاته
دام انك تراجعي عند اسماء شحرور حطي يدك في مويه بااارده وتطمني مره كويسه هالدكتوره اقاربنا كلهم مايروحو إلا عندها صح هي كبيره في السن بس خبرررره ماشاء الله عليهاحتى خياطتها مره يمدحوها روحيلها و وكلي امرك لله |
رد: مستشفي سليمان فقيه
اختي ولدت من يومين في فقيه طبيعي الحمدلله بـ 7 آلاف
|
رد: مستشفي سليمان فقيه
ريماااس ياقلبي آكيد أنتي ماسألتي الا تبغي الي يطمنك
أنا حطمنك أن أشاء الله بس اذا تعبتي بولادتك وماعجبتك المستشفى وكانو سيئين معاك لاتدعي علي ههههه لاني حقولك بالي شفتو أنا دخلت لهم ببنتي الكبيرة على 10 الصبح كان مفتوح الرحم على مااعتقد 4 سم اول شي شالوني من الطوارئ بكرسي متحرك لاني تعبانه مااأقدر امشي ((أتوقع ماقدرت أمشي من الخوف لاني لما ذقت الطلق الصح القوي في الاخير حسيت أني كنت أدلع وكان بأمكاني أمشي)) أول شي كشفو على بالطواري على ضغطي ووزني ودرجة حرارتي وطلعوني فوق كنت أحس وهما يمشوني من الكرسي ويدخلوني من أصنصير ويخرجوني من باب الين دخلت قسم الولادة كأني رايحه للمشنقه ههههههه ((ماودانا بداهيه الا الخوف والأفكار الغبيه )) بعدين دخلت غرفة الملاحظة وكشفت علي دكتورة سورية وقالت مفتوح 4 سم دخلوها ولادة شالوني بالكرسي وعلى اساس اروح الغرفة بس قلت للممرضه وديني الحمام ((من الخوف أدور حمام هههههه)) وبعدين دخلت غرفة الولادة جابو لي لبس المستشفى الي يجيك مفتوح من ورى والدكتورة قالت لا عاد تلبسي الكلوت تبعك (( لانو أول ولادة ليا ومستحيه كنت برجع ألبس ههههههه)) المشكله الكلوت صاير فيه نقط دم قمت قلت للمرضه أرميه بالزباااله لاني كرهتووو هههههه لما دخلت كشك الولادة والحلو انو لحالك مو زي الحكومي ماما تقولي بالحكومي بكشك الولادة يكون معاك حريم يولدو وبينكم ستاير بعكس سليمان فقيه كشك لحالك كبير وكرسيين للمرافق وللممرضه لانو احتمال تطولي فتقعد عليه الممرضه وبعدين لما انسدحت على السرير حطو لي المغذيه والأكسجين طبعا الاكسجين تقولي الممرضه أنو فيه مسكن وأنا كنت أحس أني ادوخ كل ماحطيت الأكسجين علي وقعدت من 10 الين المغرب وأنا على حالي دا كل شويا يسووا لي قسطرة عشان تتفضى المثانه كنت أتمنى لو خلتها الممرضه فيني بدل ماتطلعها وتدخلها فيني بس انا كنت اصيح عليها طلعيها واحتجت الحمام عشان اتبول واتبرز الله يكرمكم بس الممرضه حاطه تحتي الفرشه حقت الي مايتحكمو بأنفسهم فقالت سوي على الفرشه وأنا أنظف لاني مااقدر اخليكي تروحي للحمام لان رحمي انفتح 8 وهذا الكلام على العصر ففي البدايه استحيت لكن لا اراديا سويتها على نفسي ((نحزن بس الحمدلله على كل حال)) وكانت تنظف لياا وتمسح ...وكانت جنبي على طول وعلى طول يعطوني مسكن شي أبرة ضربوها ليا في جنبي وشي يحطوه بالمغذيه بس أخر شي بغيت اموت من الطلق فكنت أقول للدكتورة اعطيني مسكن قالت اعطيناك ماعاد نقدر نكثر يعني هما يعطووووك بكميه معينه وعليك تتحملي الباقي ووقت الدفع على طول كلمو الدكتورة وتكشفت وقالت ولادة وتجمعو ممرضتين على بطني ودكتورتي وانا ادف والممرضات يشجعوووووني ويضغطو على بطني ودكتور التخدير عند راسي ووقت طلوع الراس الدكتورة اعطتو الاشارة وخدرني عن طريق المغذيه ومافقت الا والغرفة فاضيه بس ماما جات وجلست عند راسي حتى اسألها وولدت تقولي حسي بطنك شوفي ولدتي والا لا كان بطني لسى منتفخ وجوني ممرضتين ضغطو على بطني عشان ينزل الدم وغيرو لي الحفااظة الله يكرمك ونقلوني غرفتتي يعني خروج الراس والتنظيف والخياط ماحسيت فيه الحمدلله وبصراحه مابعد فقيه في الولادة والي ناشر صيت المستشفى هوا قسم الولادة فأستخيري وسمي بالله والله يسهلك أنا دكتورتي كانت دلال بوقس وكان عندنا تأمين طبي دحين ماعندنا واصلا هيا خرجت من التأمين دكتورة مرة ممتازة وطيبة فهالمرة حأولد عند أسماء شحرور أن ربي راد |
رد: مستشفي سليمان فقيه
مررحبا حبيبتي المخمليه اتووقع كفت ووفت انا ولدت فيه قبل 3سنين ونص عند فاطمه العتيبي والمره هذي بأذن الله اولد فيه عند فاطمه العتيبي او سحر ملوودي كلهم ماشاء الله شاطرااات كثير....وكمان الدكتورة دلال بوقس سمعتها حلوهتوكلي على الله واولدي فيه.........المره هذي راح اجرب ابرة الظهر اي استفسار راسليني عالخاص
|
رد: مستشفي سليمان فقيه
انا كمان ان شاء الله ناوية اولد في فقية عند د ايمان عبدالقادر
اول مرة اجرب هذي المستشفى لان كثير مدحوها لي وربنا يسهل لنا اجمعين ونولد بالسلامة ^_^ |
رد: مستشفي سليمان فقيه
حبيبتي انا ولدت فيها قبل سنه وكنت بكريه ومرره متخوفه
راجعت من اول حملي عند الدكتوره سحر ملودي على كثر مراجعاتي لها ابد ماشفت شي زعلني كانت حبوبه وفكل مره تسالني اذا عندي اساله او ابي استفسر عن شي بالولاده نزلت المويات 8 الصباح لما وصلت المستشفى الساعه 11 مارحت لهم بدري كنت مره خايفه على طول دخلوني قسم الولاده وزوجي نزل يسوي الاجراءات كانو متعاونين كثيير قاسو وزني ودخلوني غرفه الملاحظه بعد ماقلت لهم انو نزلت المويات وجابو لي كيس حطيت في عبايتي وساعتي وصندلي وتنزلي ملابسك ويلبسوكي روب ويغطوكي فوق سرير تجي الدكتوره المناوبه للامانه كانت عسل تمنيت اني سالت عن اسمها قالت لي اذا تعورتي شدي على يدي بقووه قاست لي وماكان مرره يعور على طول سالتني متفاجئه انتي بكريه كان الرحم مفتوح 7 وكانت متفاجئه تقولي دايم البكريات يبكو ومايمشوو لازم كرسي ويصارخو بالكشف وانا ماشاءالله علي هاديه حطوني بكرسي وودوني غرفه الولاده غرفه الوحدك ولها بلكونه وعادي يدخل احد معاك بس كل مره شخص واحد وقريب الولاده عادي المهم يعطوكي كمام مرره حلوو يخفف لك الالم كنت لما اتالم تقولي الممرضه حطي كمام ولاتصرخي كنت اسمع صريخ لما يفتحو الباب من بعض اللي يولدوو وكنت اسال ليه يصرخوو اكيد وصلو مرحله انا لسى ماوصلت لها بس نصيحه لاتصرخي والله مابيقدم ولا بياخر ادعي واستغفري اريح لك عشان ماتروح طاقتك المهم سو لي قسطره كانت جد تعور بس سوها لي مره وحده وقريب طلوع الراس كان تحسي بضغط اكثر من انو تحسي بالام هنا سكروا رجولي وقالو لي ماادفع الين ماتجي الدكتوره وهذا خطا مني شوي اوضحه لك ولما جات دكتورتي على طول حطت لي ابره بالمغذيه مالحقت اقول لها شي نمت صحيت الساعه 3 الحمدلله بس مفعول البنج فيني حطوو ولدي على كتفي عشان اشوفه يحكوني انو مسكته ومارضيت ياخذونه واقولهم ماتاخذونه عشان يبدلونه لي ابي ولدي جمبي غير شالو يدي قبل لاتروحي غرفتك الممرضه تفغط على بطنك وتعصره تنزل الدم الباقي وتحسي فيه وهو ينزل وتعاملها كان مره روعه اول مااطلب شي على طول تجيبه كان مره برد بس شافتني ارتجف على طول غطتني بلحافين ثقيله اما الغلط اللي ارتكبته انو اخذت ابره منومه قريب طلوع الراس وهالشي مره غلط لانو على بال ماتجي الدكتوره الولد مضغوط عليه ولا يقدر يتنفسوانتيي ماتدفعي الدكتوره تطلعه لك وهالشي يسبب نقص اكسجين وعلى قولت اختي تقول اسهل شي طلوع الراس ندمت انو اخذتها بس اذا حابه ماتحسي بالام خذي ابره الظهرر يمدحوها واسالي دكتورتك عنها وانا عن نفسي افكر لاولدت مره ثانيه مااخذ ابر لانو الولاده مو مثل ماكنت مفكرتها ربي سهلها لي وان شاءالله تولدي بالسلامه وماكون ثقلت عليك بس حبيت افيدك حبيبتي |
رد: مستشفي سليمان فقيه
والله حمستوووووووني عالولادة بسليمان الفقيه لانو اخت زوجي بتولد فيه وهي سابقتني بشهر والله يسهل على الكل يارب
|
| الساعة الآن 02:12 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .