شوفوا كيف بهذلوني ( مستشفى بروكير )
 

بسم الله الرحمن الرحيم
السلام عليكم ورحمة الله وبركاته


كيفكم كروشات ... عساكم ع القوة يارب ..


حبيباتي سمعوا قصتي ..

انا من الشهر السابع طلعت من الروضة وليتني ما طلعت ..
ورحت الظهران مستشفى بروكير ..

طبعا من المدح البايخ إلي سمعته عند العالم وقريته بالنت ...



المهم قلت بروح عند استشارية .. من حرص زوجي وحرصي ع البيبي ..

دخلت عند دكتورة لمياء .. اول موعدين مروا زي العسل وارتحت نفسيا ..

اول موعد تحاليل واجراءات روتينية .. وثاني موعد سونار ..

ع فكرة اكره ما في المستشفى ان مو كل شهر سونار .. شهر ايه وشهرين لا ..


المهم


دخلت التاسع وصارت مواعيدي كل اسبوع صح وإلا لا ... ؟

طيب اول اسبوع دقوا علي وقالوا تاجل موعدك
ثاني اسبوع نفس الشئ
ثالث اسبوع رحت وتبهذلت ... لأن طلع عندي فطريات ولازم اعالجها ..
والاخت الدكتورة تاجل في موعدي ... لين تهاوشنا وياهم ودخلتنا بعد يومين من دون موعد ... وكانت الاخلاق استغفر الله ..

عطتني العلاج وقالت تعالي في اليوم الفلاني .. عشان اشيك ع الفطريات إذا استجابت للعلاج وراحت .. المهم ...

طبعا وانا طالعه من عندها ... وفي يدي ورقة الموعد .. قلت لزوجي بغيرها .

طبعا وافقني الراي وبقوة .. لان يعتبر ما شافتني هالشهر ابدا ..
ومفروض 3 مرات شافتني غير الرابعه ..

المهم غيرت لدكتورة رزاز ..
طيب للحين اوكي ..


اخذت علاجي إلي هو تحاميل مهبلية والحمد لله حسيت بتحسن وراحت الحكة والروائح والافرازات ..

طيب مفروض اروح الموعد إلي هو الثلاثاء إلي طاف .. دقوا المستشفى وقالوا اجلنا موعدك ... انا خلاااااااااااااااااااااااااص

ما قدرت اتحمل انفجررررررت بالتيليفون ... وحاولت الاخت تهديني وكذا ..

وع طول اليوم الثاني رحت الروضة ... ودخلت عند دكتورة امل يا زينها ..

شافت لي البيبي بالفور دي .. وتطمنت وكل شئ سليم الحمد لله يارب ..

ووزن البيبي زايد فرحت ..

وطلعت منها وانا فرحانة مو واسعتني الدنيا وحسيت فعلا إني رايحة لناس يعتنون فيني .. غير الضحكة والسوالف إلي تسولف معاي الدكتورة وزوجي معاي يسال وتجاوبة وتاخذ وتعطي معاه ...

والله احلف لكم إنها ريحتني وااااجد .. طبعا انا اول شهوري عندها متابعه ..

بس قلت بولد في بروكير ... لان الروضة محد جربة لسه ..


المهم موعدي في بروكير الاحد ... إلي هو بكرة .. وانا ع اعصابي بيدقون اليوم وبيقولون اجلنا الموعد .. بعلن الحرب ... وبروح سعد الصانع ع الاقل ناس بروفيشونال مواعيدها مضبوطة ..


وتخيلوا يعني انا باخر شهر .. مفروض لي الأولوية ومفروض موعدي ما يتأجل مفروض يتقدم .. لا سمح الله في شئ او خطر علي او ع البيبي


بس فعلا فعلا من تجربتي له فااااششششششششل جدا جدا جدا


حتى الخدمة زفت صراحة في العيادات والمختبر زفت ...

والله بدال ما ارتاح تعبت ... و تعبت زوجي وياي .. وقام فيني تهزئ ..

هاذا المستشفى إلي راقي إلي وإلي وإلي ................. إلخ تعرفون





المهم ما عندي إلا هاليوم ... لو دقوا وأجلوا خلاص ..


والله يسهل ... بس فعلا ما ارتحت ... غير هذا اني ادفع كاش ..

التأمين حقنا ما يغطي بروكير ... الله يلعنه ...





آسفه ع كلامي .. بس وربي مقهورة مقهووووورة وماني عارفة كيف ابرد قلبي وانا بكرية واحاتي نفسي وولدي ..




الله يسهل علينا ياربي ..

رد: شوفوا كيف بهذلوني ( مستشفى بروكير )
 

ياقلبي والله عليييك الله يسهل امرك يااارب وتولدي بخيىر ويحفظ لك البيبي

ايه والله زين اخترتي الصانع احلا بكثيير ناس تمدحه كثيير والله

الله يسهل امرك لا تعبين نفسك وتحاتين كثيير عشان البيبي الله يجيبه بالسلامه ^^

رد: شوفوا كيف بهذلوني ( مستشفى بروكير )
 

الله يسهل لك ياقلبي استخيري الله قبل تروحي
والله تعب سبحان الله مافي شي يجي بالساهل

رد: شوفوا كيف بهذلوني ( مستشفى بروكير )
 

رد: شوفوا كيف بهذلوني ( مستشفى بروكير )
 

السلااااااااااااام هلااا غلاااتي

انا زيك اموووت بالروضه نفسيا ارتاح فيهاااا بس انا عند الدكتوره عبير عسل هذا رابع حمل لي ومعاها

وبحملي في بنتي كنت اراجع عندها وبالتاسع كنت اروح لها وعطتني اوراقي ووقت الولاده بس رحت بروكير وطلبت الدكتوره سهير مررره طيوووبه وولدت عندهم

وبحملي هذا نفس الشي اذا خلصت الثامن واخدت كم اسبوع من التاسع بروووح لهم وقت الولاده

وشوووفي الصانع كشخه عالفاضي ماقد سمعت يمدحووون في دكتوراتهم بس انت استخيري وشوووفي

بسالك لميا السعوديه صح

رد: شوفوا كيف بهذلوني ( مستشفى بروكير )
 

يممممه خوفتيني
انا كنت اراجع في المدلوح بس كرهتني في عيشتي هالدكتورة
اخلاق زي الزفت ،، وما يمديني اسال سؤال الا ترد من خشمها
طيب ما تراعين ان انا بكرية وما افهم في شي ؟؟؟
هذا غير زحمتهم اللي تطفش الواحد ،،
والله احيانا زوجي يطلع من دوامه يمر علي نروح على طول ،، ونقعد الى الساعة ٨ بالليل
على ايييييييييييش !! ،،،

قلت له خلاااص ما عاد اتحملها هالدكتورة ،، والله كرهتني في المواعيد وبكل شي
بدآل ما تحببني فيها عشان كل شهر اتطمن ع البيبي واشوفه
فقررنا نروح لبروكير ،، وحجزنا لنا موعد ،، وموعدي عقب اسبوع
راح افتح معاهم باكيج متابعة وولادة ،،

بسّ ليه ما اخذتي د. رنآ أو د. سهير
هم آحسن شي ... !!
والله د. رنا على قد ما مدحوها لي آخلاق .. وسماحة ،، وطيبة قلب،، وشطارة م شا الله
حجزت عندها على طول
مع ان كانت مواعيدها زحمة ،، بس قلت عادي اصبر


بس ان شا الله خير ،، يً رب

رد: شوفوا كيف بهذلوني ( مستشفى بروكير )
 

^__^ نفس حالتي لكن انا قصه غير ^_^
شوفي اختي اللي ربي كاتبه بيصير انتي ادعي ربك قولي يارب اولد بالسلامه وطبيعي هذا اهم شي فين ماكانت الولاده مايهم اهم شي السلامه وتكون الولاده طبيعيه
يارب يعينك ويسهلك يارب ويسهلي ويعينني ^_^

رد: شوفوا كيف بهذلوني ( مستشفى بروكير )
 

مشكورين حبيباتي ع مواساتكم لي فديتكم

واليوم موعدي الساعه 9 ادعولي فديتكم ان الرحم فاتح

لاني تعبت وانا احاتي

رد: شوفوا كيف بهذلوني ( مستشفى بروكير )
 

شلونكم حوامل ..

اخيرا رحت موعدي والحمد لله الدكتورة مرررررررره طيوبة وحبوبة وضحوكة صراحة فرررررق فرررررررق كبير ... والله اني ارتحت وكلش ما فتحت فمي .. هي إلي قالت كل شئ من وإلى ...

بس للاسف دمي نازل كثير ... ياربي قمت احاتي ... عطتني حديد .. ومليت وفيتامينات .. والله يستر ..

رد: شوفوا كيف بهذلوني ( مستشفى بروكير )