السلام عليكم
انا حامل فى الشهر الثالث وزوجى معندهوش غير ياكل ويشرب ويلقا لبسة نظيف ومكوى وبس لا يقدر تعبى ولا حملى ولا وحمى وبقا دايما يعصبنى جدا رغم انة منتظر الطفل دة بفارغ الصبر بس دايما مستفز وبيخلينى اطلع من شعورى واعلى صوتى وهو بيكرة الصوت العالى وانا مش مستحملة ممكن يقولى كلمة يفور بيها دمى ويخلينى متنكدة وزعلانة حتى من نفسى وصلت لدرجة انى خلاص مبقتش اعرف اسكتلة لو عملت اقل شئ اتعاقب علية بزعلة وكلامة القاسى لى وزعلاة منى انا بحبة ومليش غيرة فى الدنيا ومقدرش اعيش من غيرة وهو كمان سعات اقول يمكن علشان من سنين عايش لوحدة ومفيش حد بيعملة حاجة كل اكلة وشربة برة ولما جيت بقا كل همة الاكل والشرب والبس وانا فى اصعب فترة فترة وحم وبوصل لانى بكرة نفسى لان دا اول طفل لينا كنت حامل من سنة ونص بس ربنا مكرمناش وسقط وحزن وزعل زعل شديد نفسى اسمع منة كلمة ارتاحى متعمليش حاجة انا هعمل دى ولا دى
والمصيبة الاكبر انة بيشرب شيشة وانا مش حاملة ريحة الشيشة دى ولا قادرة اسكت بقا يعصبنى وهو بكل برود اعصاب يقولى روحى اوقفى فى الشباك لحد ما اخلص بجد زهقت وقرفت من كل شئ
ياريت تساعدونى اعمل اية نفسى صوتى ميعلاش نفسى اكون صبورة مبقاش عصبية ومتهورة نفسى لما يكلمنى كلام ينرفز ابقا باردة ومردش ولو رديت عاد شوفو الكلام الى بسمعة منة انتى وانتى وانتى .
اسفة طولت عليكم بس حقيقى مش عارفة اعمل اية مش لاقية حد يسمعنى ولا حد يحس بى ولا لاقية حد يفهمنى بتمنى تفهمونى وتحسو بى