خالاتي وش اسوي معهم
 

بنات انا مشكلتي مع خالاتي هم تقريبا 7 بنات بعمري انا الحمدلله تزوجت من 6 شهور والحين حامل
خالاتي فيهم شوفة نفس ويحبوا يعلقوا كثير على الناس وطريقه لبسهم ودايم يتعاملوا مع الغير على انهم الافضل ولما كنت اجلس معهم قبل زواجي كانوا ينتقدوا هالطبع بس ما يشفوا انه فيهم هالشي
بعد زواجي تفاجات ان تعاملهم معي صار دق بالكلام واستفزاز وحتى فيه تلميح مو كويس ابدا
بالبدايه قلت يمكن غيره لانهم باواخر العشرينات ووحده بالثلاثين ولا تزوجوا صاروا يحبوا ينتقدوا بحياتي مع زوجي وكيف اني ما عندي اشياء المفروض تكون عندي وكيف ان زواجي كان عائلي وعادي وليش انا وافقت عليه ؟؟ لدرجه الموضوع وصل للقذف فيني
حتى علاقتي مع خوالي كانت جدا رائعه بس بعد فترة تغيروا علي وصاروا يحكوا لهم عني اشياء مو صحيحه ..
طبعا بعد اخر مره قابلتهم وعاملوني بطريقه مو كويسه ارسلت لهم ايميل وكتبت على الاقل يكون بينا سلام باحترام بس لانه لا يدخل الجنة قاطع رحم وجد هالشي مضايقني لان صلة الرحم موضوعها جدا عظيم
وقلت لو انا مسوية شي من غير ما ادري صارحوني وانا مستعده اني اعتذر
كان ردهم باحتقار وقالوا لا تتعبي نفسك وتجي اساسا ما يهمنا وكلام جدا قوي
مع ان علاقتي معهم قبل زواجي نوعا ما جيده ..
صاروا يعتبروا اصراري على زيارتهم والتواصل انه ذل مني لهم وصاروا يتكبروا اكثر ويجرحوا بالكلام اكثر
وانا والله والله والله احس بثقل على صدري كل ما اتذكر هالموضوع مو عارفه وش اسوي
اني ارجع اترجاهم صعبه والمشكله مو وحده او ثنتين من عيبهم انهم ما ينصحون بعض بالعكس لو وحده سوت شي غلط الكل ينضم لها
محتاره الحين هل اقاطعهم وباذن الله ربي يعرف بنيتي ولا راح يحاسبني ولا اذل نفسي واترجا فيهم بس لحد متى وخاصه ان اهلي اساسا يقولوا انتي ذاله نفسك كثير لهم هم معروفين كل قرايبهم ما في احد يمشي معهم لانهم شايفين انفسهم
اسفه طولت عليكم بس اتمنى اسمع ارائكم لعل وعسى يخف العبء الي علي شوي

رد: خالاتي وش اسوي معهم
 

السلام عليكم ورحمة الله وبركاته
بصراحه انتي سويتي الي عليك وزياده وطالما انهم ماهم متقبلينك خلاص ابتعدي عنهم وطنشيهم وخلي علاقتك فيهم رسميه جدا وخليهم بعيد عن حياتك الزوجيه انا اخاف تتقربي منهم ويتدخلون بحياتك ويخربون بيتك لان الي يسوونه من الغيره ليش انتي تزوجتي وهم لا وحاولي انك تخبي عنهم اسرارك الزوجيه
واذا كان عندهم مناسبه قومي بالواجب من زياره وتهنئه وبس

رد: خالاتي وش اسوي معهم
 

رد: خالاتي وش اسوي معهم
 

الي مستغربة منة امكـ وينها واش ردها ع الي صار...؟

رد: خالاتي وش اسوي معهم
 

أذا جدك وجدتك عايشين مريهم وسلمي عليهم
وجيب لهم هدايا وخلي زياراتك قصيره ومستمره
وخالاتك لا تكلفين نفسك تواصلينهم
مريت تقريبا بنفس تجربتك بس انا ماتزوجت كل خاطب فيه وفيه وموال من المشاكل بس لاني انخطبت
ويتكاتفون مع بعض علينا لانا من عايله ثانيه
لذلك
وبعد تجربه سيئه وصبر بلا نتيجه معاهم
اقول الله لا يحدكم عليهم
صحيح قطع رحم بس الشر منهم وصل
والاولي بالنفس حفظها من المهالك
والله يعلم بنيتك ويكفي انك حاولتي معاهم
لذلك سقط الآثم في ذلك إن شاء الله
اقصري عنهم لا يوصل شرهم لاكثر من كذا
والله يعين علي هالدنيا الواحد صار ينجرح من أقاربه والسبب مايدري؟!!

رد: خالاتي وش اسوي معهم
 

السبب هو الغيره،، هم غايرين منك بس.. والغيره هي سبب أغلب المشاكل بين النساء..
فما بالك بنات بآخر العشرين وما تزوجوا.. تبين رايي يا اختي عيشي حياتك وانبسطي بزواجك
ولا تخلين شي زي كذا ينكد عليك.. أنتي سويتي اللي عليك.. وإذا قابلتيهم خلي العلاقه
رسميه جدا جدا.. ولا تغلطين عليهم بشي

رد: خالاتي وش اسوي معهم
 

الله يعينكم ويهدي سررركم ..

رد: خالاتي وش اسوي معهم
 

اسمعي حبيبتي
نصيحتي يكون فيه حدود بينكم بس لاتقاطعينهم
عامليهم بما يرضي الله .. يعني لاتقولي وش فيكم علي ليش تغيرتو او او لان هذا يكبر روسهم
اقلك طريقة
مثلا انتي كنتي كل اسبوع تزوريهم لا خليها دحين كل شهر يعني قللي زياراتك
كنتي تقعدي معاهم من العصر لحد بعد العشاء خليها زيارة قصيرة بس قهوة وشاي والسلام
بس اسلوبك خليه رائع وختصر
اتمنى اطول معاكم بس المعذررة مرتبطه واهم شي شفتكم
وبس ..
لاتدخلي معاهم في مواضيع متعبه ..
خذي معاكي في بعض الزيارات طبق حلا .. او اي حاجة حلوة تتقدم بدون كلافة او استنقاص ..


والله يزين الاموور

رد: خالاتي وش اسوي معهم
 

شوفي محد اغلى من احد
تجنبيهم اذا قابلتيهم تعاملي باصلك وسلمي وغير كذا لا

انا من ناحيتي دائما اترك المشاكل اللي سبهها غيره او سوء فهم للزمن هو اكفل شي بحلها لانه اللي مو فاهمني الحين الزمن بيفهمه

رد: خالاتي وش اسوي معهم
 

حبيبتي انتي سويتي اللي عليك خلاص طنشيهم
ترى هذا اللي يسونه غييييييييره منك وحاسدينك
واصلي جدتك وجدك وماعليك منهم