|
أشعار الأمير عبد الرحمن بن مساعد..
بسم الله الرحمن الرحيم
السلام عليكم ورحمة الله وبركاته كيفكن أخواتي الغاليات.. بهالموضوع باين من عنوانه كل يوم شعر من أشعار الأمير عبد الرحمن بن مساعد (حفظه الله) وشعره دائما يروقني لأن أسلوبه رفيع وراقي يكفيك أنه حافظ للقرآن http://www.bn-msaad.com/albums/1.jpg قصيدة سألتها ليه البحر ساكن عيونك؟! جاوبتني ..للغرق سألتها ليه الخدود ؟ قالت .. عبق سألتها .. هي رقتك مثل النسايم والورود ؟! قالتلي .. لا .. يمكن أرق سألتها .. عن حسنها كنّه يقول : ما للشعر فيني حدود؟! قالت .. صدق سألتها .. يا اغلى الأنام .. وشهو الغرام ؟! قالتلي .. انك ماتنام .. وأوهام .. وتنتظر شمس اللقا وماتجي شمس اللقا مشوار مايعرف وصول .. ولحظة بها كل الفصول وقلب واحد يحترق .. وبعض الصدق وقتٍ عصيب يتبعه وقتٍ عصيب وليل يتعدى الصباح .. وجراح تدمى لو تطيب وفي الأخير .. خل عن خل افترق في الأخير .. كل النهايات الفراق مافيه فرص .. مافيه نهايات بلقا .. إلا في خيالات القصص سألتها .. وشهو الوفا ؟! قالت .. كفى .. النور من ضيي اختفى والليل في عيوني غفى اترك كثير الأسئلة .. اسأل عن عيوني وكفى اسألني .. ليه البحر ساكن عيونك .. ليه السواد اللي في عيونك سألتها .. جاوبتني .. للغرق .. للأرق سألتها عن حسنها كنه يقول : ما للشعر فيني حدود ؟! قالت .. صدق |
رد: أشعار الأمير عبد الرحمن بن مساعد..
قصيدة مشاهد للشاعر الامير عبد الرحمن بن مساعد
25 تشرين الثاني, 2009 | المشهد الاول وحدة مزيونة بالحيل و حبيبة . بس تخون!!!! وش اسوي بجمالها؟؟ بياخذها الزمان و تبقى عجوز. عادي طاح الحطب و حلوة الحياة المشهد الثاني ملتزم يصلي كل الفروض و اذا تعب فوت صلاة الفجر واذا شبع راحت صلاة العصر و عنده دش و يكذب كثير و اذا صحى الصبح مشط اللحية عادي طاح الحطب و حلوة الحياة المشهد الثالث غني و ظالم يطرد المساكين و يستغل الضعوف مغرور و فاسق و مجلسه عامر كلٍ يبهر له و مع ذلك يجمع حسنات من كثر اللي يسبونه عادي طاح الحطب و حلوة الحياة المشهد الرابع يكد يدرس و يشتغل لاجل يبني مستقبله تزوج و جاب عيال ثم تقاعد صار يسكن في مكان و أم عياله في مكان والسبب العيال صار دار المسنين بيتهم عادي طاح الحطب و حلوة الحياة المشهد الخامس تغازل و تاخذ ارقام و تطلع مع هذا و تواعد هذاك و يوم طاح الفاس في الراس بكت و راحت تشكي لامها غدر الزمان طبطبت عليها امها وقالت: ولا يهمك سفرة لمصر وشوية سيولة و ترجعين بنت عادي طاح الحطب و حلوة الحياة المشهد السادس مرفوع الكفن أبيض وصاحبه وسط البياض بعضهم يبكي و بعضهم عادي دفنوه و تبكبكوا شوي و اخر الليل سكارى عادي طاح الحطب و حلوة الحياة المشهد السابع سيارة مسرعة و تدعس لها واحد مسكين هندي و العسكري صديق الطايش والخطا نصه على الهندي والباقي على أبو الطايش و في الليل الطايش يلعب بلوت عادي طاح الحطب و حلوة الحياة المشهد الثامن قارورة مويه ما تضره طايحة في السيارة يناظرها بغضب زعلان منها و يفتح الشباك و رماها وسط الطريق واذا اجتمع مع الشباب قال: متى بنتحضر؟؟؟ عادي طاح الحطب و حلوة الحياة المشهد التاسع اهم شي الثوب نظيف .و الشماغ مكوي و القلم ماركة والساعة تضوي و الجزمة جلد والسيارة عجب و تلفونه ما يسكت إما بنات أو البنوك تبي فلوسها عادي طاح الحطب و حلوة الحياة المشهد العاشر سطحية و مغرورة غبية و متكبرة و يا ريتها حلوة تبي زوج مواصفات ما يقول لا ويكره الاستراحات لازم وسيم و انيق و متعلم و دخله ممتاز و يحب السفر و بعد سنين تلاقي نفسها في الانترنت تدور واحد يقبل بها عادي طاح الحطب و حلوة الحياة المشهد الحادي عشر فتح الكمبيوتر و دخل للمنتدى و كلامه ما يتعدى ان الموضوع روعة و رهيب و هو ما قراه و لا يعرف كاتبه بس يبي يزيد المواضيع موضوع ويزيد همومنا هم علشان يصير صاحب الألف موضوع و يتميز والمشكلة انه يتميز عادي طاح الحطب و حلوة الحياة المشهد الأخير الكذب اثم ومع ذلك نستخدمه و ندري ان هذا حرام و مع ذلك نجربه نتذكر السهرة و الفرح و السفر و ننسى الجالسين على كتوفنا و نتناسى ان معهم كتاب يسجل افعالنا و نياتنا كل شي محسوب حتى النظر نسينا ان ورانا يوم علاماته قربت ومع ذلك كلنا ناسين أن بقيت على حالك تتناسى لازم تعرف إن ذاك اليوم مهوب عادي وانت الحطب و ما به حياة |
رد: أشعار الأمير عبد الرحمن بن مساعد..
يالله مررة تعجبني اشعااااارة
تعجبني قصيدته % وجه الصبوووح % يسلموووو قلبووو يعطيك الف عافيه |
رد: أشعار الأمير عبد الرحمن بن مساعد..
جد عليه اشعااااااااااااااااااار حلوة كثير تسلمي طيوووفة ماقصرتي ننتظر الجديد
ويااارب يثبتووووه |
رد: أشعار الأمير عبد الرحمن بن مساعد..
الله يطيوفه أحب شعر الامير عبد الرحمن مشكوره وننتظر البقيه من الأشعار بأحر من الجمر ..
|
رد: أشعار الأمير عبد الرحمن بن مساعد..
|
رد: أشعار الأمير عبد الرحمن بن مساعد..
يسلمووووووووو كتير طيوفة
|
رد: أشعار الأمير عبد الرحمن بن مساعد..
شعره راااائع جداااا
صراحة اول مرة اسمع بيه لكن حبيت كتابته جدااا متابعة معااك ... شكرااا ليك |
رد: أشعار الأمير عبد الرحمن بن مساعد..
منورات موضوعي يالغوالي وماننحرم من شوفتكن ... أخطيت..ما أنكر أنا ما أدري وش أحساسك وما أدري وش تظنيني أنا الصادق في عينك كنت وصرت الكاذب الخوان أنا أخطيت ما أنكر ولا في عذر يكفيني سوى أني احبك حيل وأني دائما أنسان انا أدري بمدى جرحك و أدري الحظ جافيني يطول الوقت ما أخطي واذا أخطيت كل شيٍ بان أنا شفت الزهر مايل وظنيته يناديني قطفته ... يوم ضميته لقيته للأسف ذبلان عرفت أنك زهر عمري عرفت انك بساتيني وغيرك قيظ ما يروي سراب يسقي العطشان أنا لو ما حصل ما كان وش اللي يدريني بأنك ما سواك انتي سكنتي القلب والوجدان؟ أنا آسف على أعذاري عجزت القى عذر فيني يليق بغلطتي في حقك و يرجع كل شئ كان أحبك كثر أخطائي و أدري أنك تحبيني و أدري لو تفارقنا فلا نقدر على النسيان اذا تقوي على فراقي وبعدي عنك خليني انا ملّيت من دور الكرامه و لعبة الغفران قليل العمر ياللي انتي دموعك ماتساويني حرام انه يضيع فراق هي من قلها الأحزان |
رد: أشعار الأمير عبد الرحمن بن مساعد..
والله هذا الامير احسه مهوي
لاتعصبون اشعاره حلوه وانا معجبه به وكان فارس احلامي مع الممثل الهندي بس احس اشعاره اقرب للقصص القصيره.. مره قريت له شعر خساره مو عندي كان انزله لكم المهم الشعر ومافيه واحد كان يحب وحده وهااااام فيها وراح لامه وكلمها عنها و و و وراح يخطبها وطلعت...... اخته من الرضاع بالله وش رايكم؟؟؟ انقهررررررررررت وقلت الحق مو عليك الحق على اللي يقرالك |
| الساعة الآن 06:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .