|
شىء راعبنى.. حد يطمنى الله يخليكن
السلام عليكن ورحمة الله وبركاته
بنات انا حامل فى الشهر الثالث ربنا يتمملى ويتمم لكل مشتاقة على خير يااااااارب حلمت انهارده وانا نايمة قبل المغرب كده انى وانتوا بكرامة "قاعدة فى الحمام" وشايفة دم نازل منى وعارفة انى حامل بس عمالة اقول ممكن يكون دم نازل لان دى ميعاد الدورة عندى "لانى فعلا الفترة دى ميعادها عندى" وعمالة اقول يمكن يكون دم بس مش اجهاض وربنا يستر وبعدين حطيت فوطة صحية وبرضو نزل فيها دم بس وصحيت من النوم خايفة ومرعوبة انى يحصل حاجة للجنين اصلا انا فى اول الاسبوع الثانى من الشهر الثالث كان عندى مغصات خفيفة فى اول الشهر الاول والتانى والدكتورة كتبتلى مثبت وقالتلى متحركش كتير المغص بعد م كان مبقاش يجى رجع تانى الاسبوع ده مخى عمال يربد كل حاجة ببعضها واقول يمكن المغص والحلم ده يبقى حاجة وحشة "ربنا يبعدها عنا" حد عنده تفسير؟ او حلم حلم كده وربنا كمله حمله ع خير؟ وحد حاسس بمغص الشهر الثالث ده لانى قلقت اوى اما قلبت ع النت ف معنى الحلم ولقيت واحدة كاتبه انها حلمت بكده ولقت نبض الجنين اتوقف معلش طولت اوووووى عليكم بس عندى سؤال تانى نبض الجنين مفيش اى علامات تطمنا اذا كان مستمر او علامات عاى توقفه بموووووت من ميعادى للدكتورة مع الميعاد التالى من القلق الله يكرمكن ياااااااارب |
رد: شىء راعبنى.. حد يطمنى الله يخليكن
مرحبا انا سمعت انو الانسان لمن يشوف دم في اي حلم مابيتحقق وبيفسد الحلم
ربنا يثبت حملك يارب |
رد: شىء راعبنى.. حد يطمنى الله يخليكن
متخفيش انشاء الله يكون خير انا سمعت ان الدم في الحلم بيفسد الحلم يعني اكنك محلمتيش بلمره وثقي بللله وتوكلي عليه
طمنينا عليكي يا جميل |
رد: شىء راعبنى.. حد يطمنى الله يخليكن
والله ما اعرف في الاحلام والله يثبت حملك ويرزقك الذرية الصالحه
انا سمعت في جهاز للنبض يعني يسمعك النبض تجيبيه في البيت لكن ماسمعت احد من افربائي جابه ولا انا جبته واعتقد مافي الاتروحي للدكتورة وباذن الله يكون جنين سليم معافى باتم صحه |
رد: شىء راعبنى.. حد يطمنى الله يخليكن
يمكن نمتي عن الصلاه او ماكنتي على طهاره اويمكن الحلم من حديث النفس بسبب المغص الي يجيك والله اعلم الله يطمن قلبك وموفقه
|
رد: شىء راعبنى.. حد يطمنى الله يخليكن
لولو حمادة
بنت الاصيل انا كمان سمعت قبل كده عن ان الدم فى الحلم يفسده بس خوفت برضو الوساوس اللى بتجيلنا فى الحمل دى ربنا يبعدها عنا بجد بتكون مقلقة ومتعبة جداااااااااااا الله يطمن قلوبكن |
رد: شىء راعبنى.. حد يطمنى الله يخليكن
سنة حلوة
اول مرة اسمع عن جهاز كده ولا فى حد من قرايبى كمان جابه اساسا حتى لو كان موجود وجيبته قرايبى ع اللى هيعمله فيا هيفضلوا يقولولى انتى موسوسة والحمل جننك خلاص ههههههههههههه ربنا يعين |
رد: شىء راعبنى.. حد يطمنى الله يخليكن
جودى
الله يطمن قلبك يارب ربنا يعدى فترة حملنا على خير ويريح بالنا الموضوع مش تعب جسدى وبس لا ده قلق ووسواس نفسى بجد بشع |
رد: شىء راعبنى.. حد يطمنى الله يخليكن
مرحبا حبيبتي عايزه اقولك حاجه اي شخص يفكر بشي يحلم فيه وانتي كنتي قلقه من المغص الي جالك وهذا السبب انو حلمتي حلم مثل هذا وحاجه ثانية الدم يفسد الحلم يعني مايتحقق وانشاءالله الله يكمل حملك بالسلامه امين
|
رد: شىء راعبنى.. حد يطمنى الله يخليكن
مرحبا حبيبتي
لاتخافي ولا تقلقي وهذي الاحلام من الشيطان يخوف اولياء الله فلا تخافي منه وخافي من الله فقط وصدقيني حبيبي اللي ربي رايده حيصير ولو ربي كاتب للي ببطنك يعيش وياخذ رزقه راح يعيش وغصبا عن الكل انا من بدايه حملي حتى الشهر الخامس نزيف والام شديده وانذار باجهاض وبس على الابر والحمدلله ربي تمم لي واللحين بصحه جيده قدامك العافيه توكلي على الله وماتسوسي |
| الساعة الآن 02:55 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .