منتديات حوامل النسائية - عروس ايام مبطي00 مع ابو سالم00

يحكي الشايب ابو سالم قصة زواجه من مبطي
في عام 1950م.{قبل النت} وقبل كل شي00 كنت شاباً يافع مدري وش يافع لكني كنت يافع وتوني
متخرج من سادسه .ب.000وتوظفت في البريد اللزق في هالطوابع ،مع إني كان عندي طموح أصير
طيار،بس بس كانت المشكلة الوحيدة هي اني أخاف من ركوب الطيارة ،
وعقب الوظيفه
بأسبوع بس قالوا أهلي :ترى بنزوجك خلاص ماعاد إلا خير كني معنس خلاص مستعجلين بالحيل,
قالوا بنزوجك بنت جارنا أبو سعد القرد تراهم أجاويد وبنتهم وش ملحها( قمر طايح من السما)يالله جهز عمرك,
وذاك الوقت لاتشوف البنت قبل الزواج ولا تعرف عنها شي {جحه مهوب على السكين}
كلها يومين عقب الخطبه وإلا الحرمه عندك في البيت زرارن في حلزك’
المهم نظفت الغرفه اللي بالسطح {عش الزوجيه} اللي كانت اول عشة دجاج وحمام 00المهم وشريت اثاث العروس
مطرحة نفرين وسراح أحمر لزوم الرومانسيه 00وجت ليلة العرس أقصد عصرية العرس ’لأن أول مافيه لمبات فالعرس يكون عقب العصر’
وبعدين ما يصير في الليل لأنه صعبة في ليلة وحدة يجتمع ثلاث اقمار 0هم
{أنا والمدام والقمر الصدزي}
وابشركم تروشت ذاك اليوم بعد غياب كم سنه {تروشت سباحه في الزليب اللي جنب البيت {طبيت محيفره}وحسيت أني دخت وخف وزني عقب هالترويشه ولبست وكشخت
وصرت وسيم يعني فيني بهة (ملحم كرزون)
ورحنا بيت ابو سعد طبعاً الحريم جابو الطقاقه أم سرورتطق لهم وبنتها تشكشك وحساب الطقاقه (ريال وربع) مع باقي الغداء ’وقبل أذان المغرب زفونا في السكه ودخلنا البيت ثلاثتنا
{أنا والمدام والربيعه أم رويشد}
والربيعه هي حرمتن عجوز تصك عليك وتقعد على قلبك ثلاثة أيام’كله علشان العروس تستحي تبي تجرأها ,دخلت الربيعه والمدام للغرفه وصكو الباب وخلوني بره في السطح ,واقعد اطل عليهم من تحت الباب وتطلع ام رويشد وتلاغيني ما عاد الاهي البنت تستحي يالمشفوح
وقضيت ليلتي سهران أعد النجوم إلين الساعه تسع ونص من تالي الليل {وش ليلة الدخله اللي تحوم التسبد} ونمت وسعبولتي تقطر على هالحرمه أبي زوجتي أبي أمي أمببببه
000وأفصخ هدومي وأنشرها على الجدار علشان تنشف عقب الليل ومابقى علي إلا سروال السنه 00
واقعد أطامر بالسطح كود هالعروس تفك مع الأغراءات اللي تشوفها لكن ماحولك أحد حرس الحدود الربيعه مطوقه المنطقه ’ومرت ثلاث أيام وأنا على هالحال معذب متيم الين جاء رويشد ياخذ أمه الربيعه النشبه خلاص انتهت مهمتها قاعده على قلبي ,’لاوبتاخذ فلوس على هالغثاء ,وقالت:ترفق على البنت تراها تستحي ,قلت ضفي وجهتس بس صدز انها طست
اليوم يومك ياولد بنفلها ونهيص وادخل الغرفه واقفل الباب وابلع المفتاح والبنت حاطه وجهها
في القرنه {مستحيه}ومخبيه جمالها عني ’وأنا اللي أمسكها من علبباها وأفر راسها عشان اشوف الحلى كله !!1
وياليتني مافريت راسها وياليت ام رويشد ماراحت كانت ساترتن عليها!!!!
أبد الخالق الناطق أخوها سعد القرد بس هو بشنب ’ شيفه ’ياشين العجله وياشين اللي يصدق أهله لا خطبوا له وقالوا قمر وأهلها أجاويد بس ترى اهم شي الأخلاق ’ويمدحون البرقع
قلت شوفي يابنت نوره ابيك اربعة وعشرين ساعه لابستنن هالبرقع حرام هالجمال أحد يشوفه
حتى أناأغير من عيوني عليتس !!!!!!!!!
ومرت السنين وصار عندنا ست عيال !!
وابشركم كلهم ملبسبنهم براقع أولاد وبنات من زود الجمال اللي فيهم خايفين عليهم من عيون الحساد !!!!!!