|
ساعدوني يا أخواتي
السلام عليكم ورحمة الله وبركاته ،أخواتي حبيباتي ارجوكم ما أدري وش فيني ،انا والده قبل ثلاث أشهر والحمد لله حياتي طبيعيه لكن احس بخوف داخلي واحساس غريب ماأدري من أيش بس الحاله عقب ولادتي جاتني اخاف على ولدي من أي شئ لكن احس بالخوف قبل النوم وخصوصا إذا راح زوجى للدوام بالليل حالتي حاله ما يرجع إلا الصباح زوجي يقول يمكن احساس الامومه زاد عندك او من حبوب الحمل تسبب ضيق ما أدري وش حالتي أخاف تتطور ابسأل أحد مر عليه مثل حالتي الله يفرجها عليكم؟
|
رد: ساعدوني يا أخواتي
الله يحفض ولدك ويخليه لك يارب
اذاهذي اول ولاده لك طبيعي لانك لسى توك والده والهرمونات ملخبطه عندك وكمان الحبوب لها تاثير ممكن توقفي الحبوب وتستبدليها بشي طبيعي على الاقل الست الشهور الاولى انالم ولدت كنت على طول خايفه على ولدي وكنت احس انه بيموت مع انه كانت صحته تمام بس كنت خايفه عليه حتى لمن انام وصحى من النوم خايفه اجلس اطالعه اذا بيتنفس ولالا وكل ساعه اقيس له الحراره استمرمعايه الخوف لمده ست شهور والحمدلله راح هذاك الشعور وانازوجي عمله طويل يروح الصباح 7 ويرجع 6المساء وطول هذي الفتره اجلس على اعصابي بس الحمدلله تغلبت على هاذا الخوف بالتسبيح والاستغفار والرضاء بقضاالله وان مااصابنالم يكن ليخطئنا والحمدلله ذحين ولدي عمره سنتين ونص وانا حامل الله يسهل عليه |
رد: ساعدوني يا أخواتي
انا لسى ما جربت الحمل بس اتوقع الي فيك خوف طبيعي وخصوصا ادا كان اول بيبي لك .. انت اشغلي وقتك بشي مفيد .. مثلا اقراي كتب .. اتصفحي مواقع تفيدك في تربيبتك لولدك او حتى لزوجك ولنفسك ... يعني ابدا لا تجلسي فاضية لانه الفراغ هو الي يولد الخوف والمشاعر السلبية
الله يحفظلك ولدك ويخليك له ياارب ... |
رد: ساعدوني يا أخواتي
مشكورة اختي احلى من العسل يمكن الحبوب لها دور بالنفسيه ماقصرتي
|
رد: ساعدوني يا أخواتي
بارك الله فيك اختي امل صحيح كلامك احيانا اشغل نفسي بشئ وانسى حالتى الله يرزقك بالاولاد والبنات الصالحين اللي يملوا عليك البيت
|
رد: ساعدوني يا أخواتي
نفس حالتي انا اخاف لدرجه اس فيها ان قلبي بيوقف او نفسي بينقطع وعلاجه ان شاء الله الاستغفار او التسبيح او اشغلي نفسك باي لعبه موجوده بجوالك لحد ما يجيك النوم
|
رد: ساعدوني يا أخواتي
حبيبتي مشكلة نفسية
وافضل علاااج لها بعد الأذكار والقرآن هواا النسيااااااان.. |
رد: ساعدوني يا أخواتي
مشكورات اخواتي معراج وروبا الجمال الله يرزقكن الذريه الصااااالحه
|
| الساعة الآن 07:27 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .