|
مشكلة الامساك عند ولدي
السلام عليكم ولدي على طول معاه امساك وكل يومين مرة يتبرز وساعات اكثر ويكون يابس وخشن ومسكين يتألم عدل يقعد يصيح ويعرق من قلب حزتها رغم اني على طول اعطي فواكه وخضار وانوع له في الطبخات بس مافي فايده قمت اعطي ماي نبات بعد مافاد سره من قبل كان اوكي الحين في الاشهر الاخيرة طفر على بره شوي وقالوا لي فتاق عمتي تقول يمكن لأن يعصر من جدي سره صار جدي معور قلبي عدل ووزنه كلش قليل احس هذا السبب الرئيسي بليز اذا عندكم حل او نصيحة لاتبخلون علي على فكرة اني حامل ومازلت ارضعه بس بشكل قليل يعني يمكن مرتين او ثلاث يومياً هل ممكن يكون هذا السبب؟؟؟ شكراً مقدماً |
رد: مشكلة الامساك عند ولدي
كثيري له السوائل
وعطيه ينسون او ماء الغريب ينفع للامساك |
رد: مشكلة الامساك عند ولدي
هله حبيبتي انصحج تعطي ينسون من العطارواذا مافاد والموز الاخظر كلش زين ونشالله عندة العافيه
|
رد: مشكلة الامساك عند ولدي
شوفي حبيبتي عن تجربه بنتي عمرها ذحين سنتين وشهرين لكن الامساك مستمر معاها من اول ولادتها تدرين 7 ايام بعد ولادتها مانزلت الله يكرمك وانجنيت رحت المستشفى اعطوها تحاميل ملينه وتبرزت بس بعدها صرت اسوي هذي الطريقه والحمد لله نفعت معاي يارب تنفع معاك وتري اذا ماشفتي منها نفع مااااااتضره باذن الله
الطريقه سخني مويه عالنار مقدار رضعته الاساسيه وخذي حبتين تمر وانزعي النوى وحطيهم فكاسه واذا سخنت المويه صبيها عالتمر وحركي بملعقه لين يصير لون المويه مثل لون التمر وغطيها لين تدفى وخذي رضاعة ولدك وخذي المنخل او صفاية الرضاعه وانخلي خلي المويه بس تطلع معاكي ورضعي ولدك والافضل يكون اول مايصحى من النوم عشان ينظف بطنه واذا فادتكي ادعيلي الله يسهل ولادتي واعتدلي بالخلطه يعني اذا فادتكي لاتستخدميها يوميا خليها مثلا كل اسبوع مرتين انا بنتي كبرت وماعاد تطيعني زي اول ماعاد تشربه وتشوفيني استخدم لها ملينات واذا مااستخدمت ماتتبرز الا ناشف بالمره ويطلع دم كمان ومحتاااااره معاها بس لمل كانت فسن ولدك الحمدلله ناسبها والتمر اساسا مفيييييييييييد جدا الله يخلي لك ولدك ياااااااااااااارب |
رد: مشكلة الامساك عند ولدي
شكراً حبيباتي ما قصرتوا
يارب تسهل لي مشكورة حبيبتي هذه الوصفة كل يوم اقول بسويها وانسى الحين نايم ان شاءالله اذا قعد بسوي له وبخبرش بآخر التطورات عورني قلبي على بنتش الله يعطيها الصحة والعافية ان شاءالله ويقومش بالسلامة |
رد: مشكلة الامساك عند ولدي
عطيه ماء بكثره... وعصير البرتقال زين للامساك..وعطيه ملوخيه...
شوفي حبيبتي علاج الامساك يبيله وقت طويل فلا تتوقعين انه بيوم وليله بيروح الامساك عطيه ماء وبرتقال بكثره وخلال شهر ان شاء الله بيخف... زوجي يقول علاج الامساك يبيله من 3 شهور الى 6 شهور...ابعدي عنه السكريات هي سبب الامساك...لازم تعالجين الامساك وباسرع وقت.. والله يشفيع ان شاء الله... |
رد: مشكلة الامساك عند ولدي
حبيبتي ...
اليانسون .. والزهورات .. هي افضل حل للامساك .. والله يشفيه يا رب .. ودي |
رد: مشكلة الامساك عند ولدي
ماشاء الله ماقصرت المستحيله<<<<<<<<<<<<<
انا كل مايجي بنتي امساك الدكتورة تقولي كترررررررررررري شربيها مويه واعصرلها برتقال واصفية واحطلها في الرضاعة في الصباح كل يوووم الله يشفيه لك يارب |
رد: مشكلة الامساك عند ولدي
السلام عليكم انا بعد و لدي معاه امساك هالشهرين و يتعور و ايد طول النهار و الدالدة الله ايطول عمرها قالت الينسون هو الحل حتى انه مرات يسوي اسهال لما يكثرونه للطفل و تر الينسون مادة وايد زينة و مضاد حيوي طبيعي اغلي ماء و ضعي الينسون مقدار ملعقة صغيرة في كوب و صبي الماء المغلي عليه و اتركيه يبرد و اسقيه و ان شاء الله يسهل عليه و اعتمدي الينسون و لو كل يومين |
| الساعة الآن 06:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .