|
استشاره سريعه
بسم الله الرحمن الرحيم السلام عليكم حبيت استشيركم خواتي بموضوعي انا لي سنه وتسعة اشهر من زواجي وربي ماكتب لي الحمل كشفنا انا وزوجي وكان زوجي عنده بطيء بحركة الحيوانات المنويه وانا هرمون الحليب مره يرتفع ومره يرجع طبيعي المهم بشهر 10 قررنا نتعالج انا وزوجي واعطاه الدكتور علاج وانا اعطاني ابر منشطه للتبويض وحبوب هرمون الحليب وابره تفجيريه وبعدها شهر 11و12و1 صار يعطيني كلوميد المهم كنت اراجعه بثالث يوم دوره عشان يشوف الرحم نظيف ولا فيه تكيسات والشهر اللي راح سويت اشعة صبغه والحمدلله كل شي زين بس لما جتني الدوره الششهر هذا 12/2 كانت غزيره مره وفيها قطع كثيره تكرمون وانتهت 14/2 وراجعت الدكتور يقولي باقي بويضه مانزلت والمفروض نازله مع الدوره واعطاني بعد كلوميد ابدى فيه من الخميس """""سؤالي الحين """"" البويضه وش ينزلها واذا مانزلت ممكن تتحول تكيس والكلوميد اخذه ولا ياثر على البويضه ويحولها تكيس لان كذا بيصير لي شهر ابر تنشيط واربع شهور كلوميد ماياثر هالشي علي بعدين انا الحين استخدم مراميه لاني قريت انها حلوه لهرمون الحليب تنزله بسرعه وحلوه بعد للتكيسات مع العلاج اللي صرفه للهرمون وربي محتاره وشايله هم تكفون بنات اللي عندها خبره تساعدني لان انا وزوجي مقررين نصلح تلقيح صناعي هالشهر بس سالفة البويضه اللي مانزلت لخبطتنا اخاف مايضبط بسببها |
رد: استشاره سريعه
والله ياقلبي انا كنت اخذا حبوب علشان هرمون الحليب مرتفع واصل ال31 وبعد مااخذت الحبوب نزلتلي هو لواحد بس ماعد رحت مستشفى لاني اخذت التفخير مره واحده وناس خوفوني منها وبطلت قالو ممكن يجون معوقين بس الدكتوره قالت مافي مشكله انشاءالله بس انا خفت بس على موضوع البويضه والله ماني عارفه وش اقولك فيها بس الله يعين
|
رد: استشاره سريعه
والله اختي ماعندي تجربة شخصية بس سامعه من طبيبي اذا البويضه ظلت ممكن تتحول الى تكيس
استخدام الكلوميد اكثر من 3 اشهر ممكن يسبب تكيسات لكن بعض الاطباء يعطونه ل6 اشهر المرمية والاعشاب المنشطة للمبايض اذا اخذتيها بكثرة ممكن تسبب تكيسات وخاصة لما تاهخذيها في نفس الوقت مع الادويه المنشطة اختي اذا كنتي واثقه بطبيبك خلص امشي ورا كلامه وانشالله خير اما اذا ماواثقه انصحك تبدلية بواحد يكون محل ثقه باسرع وقت وانشالله البنات المجربات يفيدوكي اكثر ربي يرزقك* |
رد: استشاره سريعه
مرحبا
ياحبيبتي أخذ الكلوميد بدون ابره تفجيريه ممكن يسبب تكيس .. واذا هرموناتك كويسه اشربي زنجبيل مع حليب بأيام الدورة يقولون تنزل البويضات ..:) وبالنسبه لهرمون الحليب انا كان مرتفع واخذت الدوستنكس ورجع نزل وبعدين تركته ورجع ارفع ورجعت للحبوب قام قال لي الدكتور اذا نزلت هرمون الحليب استمري عالحبوب نص حبه بالأسبوع لين يصير الحمل عشان يثبته مايرتفع ثاني .:) الله يرزقك ويرزقنا :) |
رد: استشاره سريعه
انا اخدت كلوميد شهرين بدون ابر تفجير و ما سبب لي اي كيس لانني اليوم زرت الطبيبة قالت ما في كيس و لا اي شئ
|
رد: استشاره سريعه
فيض العطاء صراحه ماعندي فكره لكن حبيت انبهك من المراميه لانها نبته قويه كنت اخذها مرتين بالاسبوع لان عندي هرمون الحليب وكنت دورتي شبه منتظمه وبعد مااخذتها عدمت دورتي تقعد 4شهور ماتجيني بسبب المراميه نصيحتي لك لاتشربيها احسن حتى الشمر قالولي منشط للمبايض وبعد شربي لها لفتره اكتشفت انها ترفع هرمون الحليب
|
رد: استشاره سريعه
اشكر الجميع على الردود والله يرزقني واياكن وجميع المسلمين الذريه الصالحه
بالنسبه للدكتور معروف بخبرته وكفائته وكثير ناس حملوا بعد مشيئة الله ثم بعلاجه بس هو يقول اني تركت علاج هرمون الحليب عشان كذا صارت لي لخبطه لانه لازم مع العلاج للحمل تاخذين علاج لهرمون الحليب عشان مايرتفع هذا على كلامه حرم الغالي كلامك واقعي انا الفتره اللي راحت كنت اخذ كلوميد وابره تفجيريه والحمدلله اموري تمام بس الشهر اللي راح اعطاني كلوميد بدون ابره تفجيريه لانه سوى لي اشعة صبغه وسبحان الله كل شي تمام بس مانزلت البويضه بسمة بلبل انا جربت المراميه قبل من خامس يوم بالدوره لليوم 15 وواقفها وكنت استخدم الدوستنكس ونزل الهرمون وماصار معاي شي بس ماكنت اخذ وقتها منشطات بس الحين اخذ منشطات بوقفها خلاص والله يجزاك خير على المعلومه انا علاج هرمون الحليب اسمه بارلوديل نص حبه مرتين والحين نص حبه ثلاث مرات وكذا وحه بالمستوصف تقول احمل من الله ثم الحبوب هذي الله يرزقنا وجميع من اراد الذريه بالذريه الصالحه السليمه التي تعيننا على ذكر الله وشكره في الدنيا والاخره امييييييييييييين |
| الساعة الآن 04:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .