|
وسواسي في توقف الحمل ساعدوني ..!!
بسم الله الرحمن الرحيم
السلام عليكم ورحمة الله وبركاته شلونكم عساكم طيبين .. بدخل في قصتي وارجوكم تطمنوني وتريحوني لان راح استجن المهم انا من قبل اسبوع وشي سويت فحص دم مثل ما قلتوا لي والحمدلله طلع إجابي .. وبعده بكم يوم اخذت موعد عند اخصائية وسوت لي الترا ساوند وورتني كيس البيبي بس الجنين كان صغير وايد بعد فترة ظهر .. نقطة صغيرة وهي كانت حاسبه لي من اخر مرة جتني الدورة على اني اكون في الشهر الثاني بس يوم جافت حجمه قالت لي ذا اقل من شهرين .. وخبرتها ان الدورة عندي غير منتظمة فيمكن يكون الحساب خطأ فأعطتني موعد بعد سبوعين وكتبت لي اني اخذ حبوب الفوليك اسيد واليوم كملت اسبوع وباقي اسبوع وماشيه على اخذ الحبوب بس انا مو قادرة افرح فيني وسواس ان يمكن الجنين متوقف النمو لا سمح الله واعراض الوحام وجذي من البداية ما فيني يمكن هذا اللي مزيد شكي اللهم الشعور بالخمول والحاجة للنوم بس والالام في بطني يروح ويجي ساعات يطوف اليوم وما تحس بشي بس اذا اطلع وامشي لي شوي احس بوخزات في بطني والالم ساعات يكون تحت وساعات في نص البطن بس يكون خفيف وكذلك الم الظهر .. والحمدلله ما عندي نزيف او شي من هالقبيل وساعات احس اني كثرانه في التبول انتوا بكرامه وساعات اقول لا الوضع طبيعي ما تغير شي والم في صدري احس كان اكثر من هالايام الحين بين يومين يجيني خفيف واحس بتنميل خفيف في الحلمة والهالة المحيطة بها من يقدر يطمني هل هذا طبيعي ام شنو لا تخبون علي هذا اول حمل لي ولا عندي خبرة ومالي الا انتوا!!؟؟ |
رد: وسواسي في توقف الحمل ساعدوني ..!!
كل شي تمام حبيبتي لاتقلقي أنا لما أحمل ماأحس بالحمل إلا لما يكبر بطني وماأتوحم حتى أنسى إني حامل بالشهور الأولى والحمدلله أجيب أطفال سليمين , ويمكن ماصار لك الحمل إلا متأخر اش عرفهم الدكاترة يمشوا على كلام كتب ويطبقوه استودعيه الله وربي يفرحك فيه ويتمم عليك .
|
رد: وسواسي في توقف الحمل ساعدوني ..!!
توكلي على الله واحسني الظن فيه وتفائلي لاتجلسين تفكرين في اشياء مالها داعي ادعي الله انه يثبت حملك ويتمم لك وتولدين بالسلامه والنونو معاك وراح ترتاحين اعرف وحده كذا ماتتوحم ابد وماشاء الله بنتها عمرها اربع سنوات وروحي عند الدكتوره اعشان بس ترتاحين وتطمنين بالك
|
رد: وسواسي في توقف الحمل ساعدوني ..!!
ماعندي قول اقوله بعد قول اختي حكايه
بارك الله فيها ماعليك الا العافيه اختي المستشاره والله يتمم لك على خير يارب |
رد: وسواسي في توقف الحمل ساعدوني ..!!
انا احكيلك قصتي عشان تتطمني
اول ماعرفت اني حامل طبعا مافي اعراض غير غياب الدوره رحت للدكتوره واعطتني موعد بعد اسبوعين ولما جيتها كنت في الاسبوع الخامس وبان بس كيس الحمل رجعت البيت متوتره وقلقانه ومافي وحم واللي زاد الطين بله اختفت الالام الصدر وراح الامساك وجاني اسهال وجلست اقرا لقيت كل هذي من اعراض توقف النمو حسب كلام بعض الاخوات الله يهديهم وبعد اسبوعين من المعاناه رحت للدكتوره وكنت في الاسبوع السابع وشافت البيبي والنبض واعطتني موعد بعد 3 اسابيع وايضا مافي اعراض حمل واحس نفسي خفيفه رجع الوسواس رحت للدكتوره قبل الوقت المحدد قالت مايصير كل شوي نشوف بس عشان حالتك بطمنك وشفت البيبي الحمدلله طيب يعني لاتوسوسي عيشي حياتك وان شالله يتمم لك ويتمملي على خير |
رد: وسواسي في توقف الحمل ساعدوني ..!!
حبيبتي كلنا هيك تزكلي على الله ولا تخافي
أنا تركت كل هالوساوس وعايشة حياتي طبيعي عادي وانتي هيك وكلي امرك لله والي كاتبه حتشوفيه |
رد: وسواسي في توقف الحمل ساعدوني ..!!
ي حيآآآتي آنآآآ مثلكك وحتى رحت مرتين آعمل سونآآر وقآلوآ لي كل شي تمممآآآم
مع آني مآآحس الآبخمول وغثيآآن بس تطمني هذآآ ششي طبيعي ربي يتممم عليك |
رد: وسواسي في توقف الحمل ساعدوني ..!!
ما تخافي حبيبتي
واتركي الوساوس عجنب وان شا الله ما بكون الا كل خير الدكاتره بكونوا اغلب الاوقات غلطانين .... واستغفري الله وادعي الله يكون سليم معافي من كل العاهات والامراض وان شا الله ربنا بستجيبلك |
رد: وسواسي في توقف الحمل ساعدوني ..!!
تشكرووا عزيزاتي
ردودركم هونت علي قليلا واراحت بالي والله كلما احاول اكون طبيعية يجيني الوسواس وابدا ادور في هالمواقع لين تزيد حالتي مو قادره افرح وزوجي المسكين لما جاء يبي يفرح قلت له اصبر للحين ما تأكدنا هذا تو في بداية المشوار بعدين شنو بصير الله يحفظه ويحفظ ما في بطونكم .. وتقر عيني وعيونكم بأن نراهم سليمين معافين يااااارب ياكريم |
رد: وسواسي في توقف الحمل ساعدوني ..!!
اول شي الف مبروك الحمل
واحمدي ربك على هذه النعمه وافرحي فيها وتوكلي على الله واهتمي براحتك وتاكدي مثل مااعطاك الله هذا الشي هو اللي بيكتب لك الخيره وش ماكانت لااااااااتفتحين وتدورين كثير خذي نصايح بس لاتاخذين غير كذا لان من حمل لغيره يختلف انا قبل حملتي انتظر اللي يقولون عنه البنات واللي حولي ولا شي شفته وطلعت حامل يعني موشرط بس ربي ماكتب انه يتم والحمدلله ربي يعوضني موفقه ياعمري طولت عليك بس وربي حاسه فيك ربي يثبت حملك ويسر امورك دعواتك لي |
| الساعة الآن 01:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .