|
زوجي جنني قولولي شسوي معاه
السلام عليكم ورحمة الله وبركاته
بنات ماادري من وين ابدي زوجي احبه وهو ماهوو كفو بقولكم السالفه وتكفون لحد يجاملني ويقولي طولي بالج عليه لاني ملييييييت السالفه بلشت من ولدت وانا الاحظ عليه كله ماسك تلفوونه مادري شيسوي مع العلم ان تلفونه سامسونج الجديد نفس الايفون بالظبط المهم بديت اخذ تلفونه كل يوم بليل وادش ادوور اول مره انصدمت دشيت برنامج للدردشه فتحت المحادثات لقيت وحده داشه عليه خاصص وكاتبه شي وربي ماينقال شيء يفشل حتى يوم يقيت اواجهه افتشلت اقوله اني شفته بس للامانه بعد الي كاتبته هو طلع من المحادثه المهم واجهته وتهاوشت معاه وحلف انه اهي دشت عليه مايدري شتبي والله يابنات اني ماقدرت انطق بولا كلمة مشيت عنه ورحت غرفتي قعدت ابجي بروحي لين جا وراضاني وصدقته بعدين عدت السالفه هذي وقام حذف البرنامج بكبره من التلفون قلت الحمدلله مابقى شي اول امس كنت قاعده ادور بقوقل برامج جديده حق تلفوني انا وطلعلي معلومات عن موقع بس دوروله بقوقل وحقيقة هالموقع شنو اااااااااااااااااه ياقلبي حق التعارف والعلاقات زوجي مسجل فيه وتجيله اضافات من بنات الحرام ورسايل اول يوم ماتكلمت لان لقيت وحده دازتله رساله بالانقليزي انا ترجمتها وهذي ترجمتها شووفو شنو كااتبتله يوم جيد العزيز ، كيف حالك؟، حسنا إنه لمن دواعي سروري أن أكتب إليكم هذه اللحظة كما رأيت التعريف الخاص بك، وتمنى أن يكون صديقك. الصدمه انننننننننننننننننه رد عليها يابنات وربي لقيته راسلها رساله كاتبلها هااااااااااي يعني شنووووووووووووو يعني يبي يكلمهااااااا وربي نقهرت منه ماادري شسوي قبل شوي راح دوامه وريته الرساله الي هو دازها وقلتله لين رجعت نتفاهم وخذا التلفوون وراح مااااااادري شسوي شلوون اخليه يترك هالموااقع الزفت هذي شلون اثق في مره ثانيه وربي انه ماكان يكلم بنات ولا عمري شفت عليه شي من تزوجنا الا من شرا هالتلفون هذاااااااا تكفون نصحوني شسوي شلون اتصرف معااه لي رد من دووامه مع العلم انه باقي جم يوم واخلص نفاسي حسبي الله ونعم الوكيل |
رد: زوجي جنني قولولي شسوي معاه
up
up up |
رد: زوجي جنني قولولي شسوي معاه
11 مشاهده ولا رد افااااااا
|
رد: زوجي جنني قولولي شسوي معاه
قلتي تبين حل طيب تحملي كلامي لاني والله قبل لاكتب شي اعتبركم خواتي وانا دمي حار مااقدر اسكت عن الحق
اولأ انتي دام علاقتكم حلوه وتمام يعني مافي مشاكل نهائي مايقصر معاكي مايضرب ومايهزئك اقول زين بس اذا علاقتكم مو تمام ذاك الزود فاللي شفتيه شي بسيط والجاي العن من ناحية قراتي عن الرجال اغلب خيناتهم بفترة النفاس تدرررررين ليش؟!! لانه متعود يمارس مع زوجته العلاقه والعلاقه لرجل تعتبر متنفس وحيد يعني مايقدر يعبر عن اي شي الا بهالعلاقه ومن ناحيه الزوجات الخليجيات من غير زعل لا منك ولا من بنات كلهم فترة النفاس تقضيها بالفراش ادري تعبانه ووالده بس بالعقل لو انتي قدرتي تشغلينه والله ثم والله مايقدر يلف لاي بنت مهم كانت وثانيا مارسي معاها العلاقه من غير مباشره احضنيه اهتمي فيه قولي مشتاقه لك ترا الرجال مثل الطفل بهالسوالف وزي ما قلت لك اذا علاقتكم كانت تمام بس هالفتره تغير فهذا السبب وابصم لك اما اذا الرجال من زمان فيه تصرفات ماتعجبك فهنا كلام ثاني للمعلوميه الرجال ما يحبون المواجهه لا مسكتي عليه شي اسكتي وقطي حيريه والدردشه كلن الرجال يدخلونها بس اهممممممممم شي هل هو راح يطور الفضول ويكمل العلاقه لسرير مع بنات الشات ولا راح يلعب ويفرغ لحد ماترجعين له زي اول تقبلي كلامي بصدر رحب |
رد: زوجي جنني قولولي شسوي معاه
لا حبيبتي وربي كلامج درر وانا ادري وعارفه هالشيء بس انتي ظلمتيني يوم قلتي اني تاركته او اني ممكن اكون قضيت النفاس فالسرير لانه والله العظيم دايما احاول اقعد واسولف معاه نفس قبل ماقدر احسه متغير كل ماقعدت معاه قالي روحي شوفي البنت لاتخلينها بروحها وحتى اذا اروح ارد اقعد معاه اشوفه كله ساكت جنه موزوجي الي اعرفه وكله معصب يهاوشني على اتفه الاسباب واذا عصبت انا احسه يصير احسن كانه يخاف او شيء مادري اشفيه
|
رد: زوجي جنني قولولي شسوي معاه
اختي والله العظيم انه معظم الرجال عندهم هالخرابيط وما بعتبروها شي غلط
وهي مجرد فضول واثبات رجوله وتسليه انا من ناحيتي ممكن انك تستمري بالصدمات ,,,, ازا تعود عليها ,,,, وممكن تطور للحديث بالهاتف انا بنصحك انك تعرفيه انه هدا الشي مش مقبول من ناحيتك واللي ممنوع عليك هو ممنوع عليه ومثل ما لا يرضاه عليك ما يرضاه على نفسه واساله لو كانت تصرافتي هالتصرفات بالله عليه شو بتكون ردت فعله ؟؟؟ حسسيه انك مشاعر وهاد الشي بيجرحك وانه الان هو له عيله وهو ملتزم فيها وازا استمر ممكن لا سمح الله تروحوا لطريق صعبه طبعا كلامك يقول بهدوء لانه ازا بعصبيه ممكن يسوء الوضع |
رد: زوجي جنني قولولي شسوي معاه
والله قلت له لاانه المصيبه الثانيه لقيته حاط رقم تلفونه بالمعلومات الشخصيه بصفحته ع الفيس بوك قلت له اشرايك اسوي نفسك واحط رقمي بصفحتي قال شنو وقعد يضحك علي والله العظيم استفزني انا مستحيل افكر حتى مجرد تفكير اني اخونه ولا اسوي نص الي قاعد يسويه اهو ماكان قبل جذي غيروه ربعه الي يروح لهم المخيم كلهم يكلمون بنات وعندهم هالسوالف ياربي شسوي اخاف انه ماينفع معاه الكلام ويمشي بطريقهم انا والله ماتحمل صدقوني ممكن اتطلق منه كله ولا الخيااانه عذاب وربي الله لايوريكم والحين عنده هالموقع الي اسمه تاجيد انا حذفته من تلفونه لقيته رااده وهالشيء اكدلي انه ماراح يترك هالمواقع وانه يبيهم وصار عنده فضول يشارك فيهم
لاحول ولاقوة الا بالله حسبي الله ونعم الوكيل |
رد: زوجي جنني قولولي شسوي معاه
يمكن راي مو صح
لكن من رايي تحاول مره ومرتين وثلاثه وتقوليله وتعلميه انه ممكن تطور الشغله لانك تروحي لبيت اهلك بس طبعا تهديد وازا حستيه بعد كل الكلام ما استجاب قوليله انا بدي دخل اهلك ...وهم يشوفوا الحل .... بس اختي الحاله النفسيه للنفساء وما بعد الولاده بتلعب دور بانك تكوني حساسه اكثر وارجوك ما تزعلي نفسك لانه بنتك بتتاثر وبسمعهم بيقولوا انه الحليب بيفسد ازا الام زعلت زعل شديد |
رد: زوجي جنني قولولي شسوي معاه
يا روحي لا تقولين ظلمتك انا حاولت افكك الموضوع وانتي ادري بزوجك
انا مجرد نقاش وآسفه جدا اذا ضايقك كلامي بس الرجال لو تمام قلت نزوه اهتمي فيه ولو الرجال له سوالف بكلامي قلت لك ترا اكيد فيه اشياء اكبر من كذا لو ترجعين تقراين كلامي راح تفهمين قصدي ع العموم باقول كلمه اخيره رجال يمشي بالحرام يمارس خارج اطار العلاقه الزوجيه بيعيه بتراب مو تحريض بس ليش اجيب لنفسي امراض وسوالف بس عشان مااخسر رجال ارجع اقول هالكلام والله من قلبي ولا انا اتهمك ولا شي دخلت المنتدي هنا وانااعتبركم مثل خواتي والله والأخت لا قست علي أختها باخير تبي مصلحتها الله يكتب لك الخيره وين ماتكون ويكفيك شر كل ذي شر يالغلا وآسفه لو كلامي زعلك ,,, |
رد: زوجي جنني قولولي شسوي معاه
جارة القمر مشكوره قلبي والله يعين
قمر لاحياتي وربي مازعلت من كلامج بالعكس انتي اختي ولو مو حاسه فيني مادشيتي ولاحتى رديتي علي انا بس الي خايفه منه ان زوجي يروح مني ويتعود على هالسوالف اهو ماكان جذي والله العظيم انه كل الي حوله كانو يكلمون بنات وبينهم اهم وزواجهم مشاكل الا حنا كنا مرتاحين ولا كان يحب هالخرابيط وكنت دايما شايفه نفسي فيه واقول انه اكبر من هالخرابيط هالشيء جديد على حياتي فا ماني عارفه شسوي احس اني كرهته كنت متحمسه اخلص الاربعين علشان اردله نفس قبل واحسن بس الحين لا احس مالي نفس حتى اشوف وجهه رحمتك يارب"( |
| الساعة الآن 06:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .