|
كيف استخدم الحلبه
السلام عليكم ورحمة الله وبركاته خواتي الله يسعدكم كيف طريقه الحلبه للنفاس الله يسعدها كيف اسويها اكلها كوجبه ولا تنشرب وكيف طريقتها مااا اعرف يعني مع ايش اخلطها وتفعلو فيني خير لو تكتبولي جدول سهل امشي عليه فتره النفاس ربي يحققلكم مبتغاكم بكريه ومعرف شي
|
رد: تكفوووووووووووووووووون ساعدوني
الحلبه إما إنك تطحنيها وتسفيها سف أو مع الحليب تضيفين له ملعقة حلب ع النار
وهم بعد مع الأكل وشوفي موضوع من مواضيعي راح يفيدك كثير طبخاااااات مفيده للنفاس وفيه العصيده لاتنسين إنها جدا مهمه وسلامتك وربي يقومك بالسلامه يارب |
رد: تكفوووووووووووووووووون ساعدوني
أنا بقول لك طريقتي بإستخدام أعشاب النفاس
وهي بسيطة وغير متكلف فيها ومفييييدة وماتضر ابداً لانها اعشاب موجودة باي مطبخ !! اول شيء قشر القهوة أنا احب اشربة مر وفية ناس يحبووه حلو أنا اخذ قشر القهوة واجرشة جرش بس بدون طحن واغلي الموية واحطة عليها واحط معه 3 اعواد قرفة وزنجبيل أخضر وشوية نانخة ويانسون وإذا حابة شوية هيل واعملية مثل القهوة وحطية في زمزمية واشربي منة طوال اليوم جداً جداً جداً ممتاز في إزالة الكرش والإنتفاخات !! نجي للحلبة وهي مهمة جداً للنفساء لأول عشرين يوم بس !!! بعد العشرين تخرب الحرمة وتنزل لها موية !!! أنا دائماً بأخذها 10 أيام بس اخذ حليب المراعي الوسط واحطة في براد عالنار ولما يغلي احط عليه 2 ملعقة حلبة قصيمية وملعقة يانسون ( عشان تشيل رائحة الحلبة ) و7 حبات تمر تشيلي منة النوى ! تخلي المقادير تغلي غلوتين بس مع الحليب وتطفي النار وتتركية لمدة 5 دقائق وتصفية في زمزمية وتشربي منة في الصباح والعصر او اي وقت تحبي بس الصباح ضروري ولو حابة تزيدي خلاوتة تحطي معه ملعقة عسل او تكتفي بحلاوة التمر ,, بصراحة أنا اكتفي بالتمر يعطية نكهة حلوووة وسكرة يكون قليل بس حلوو ! الكمون والفلفل الأسود احطهم مع الاكل ! يعني مثلاً غداك مرقوق او قرصان او حتى جريش تحطي صحنك وتاخذي من الكمون والفلفل الاسود ملعقة وتخلطيها مع اكلك وتاكلي .. وبعد الاكل .. بنصف ساعة تشربي كاسة نعناع مع زنجبيل اخضر و7 حبات حبة سوداء المرة تاخذي المرة الطازة اللي لونها بيج او بني فاتح تاخذي منها قطعة او قطعتين وتحطيها بعد غسلها جيداً تحطيها في قارورة الموية الصغيرة وتشربي منها كل ماحسيتي بالعطش !! الرشاد والحبة السوداء استخدمها في العشرين يوم الأخيرة رشاد و حبة سوداء تعجن مع تمر وتؤكل بعد الفطور مع قهوة القشر وطبعاً على الشهر ابدأ استخدم تحاميل البوثيل ممتازة ممتازة ممتااااااااااااااااااااازة تجفف وتعمل تضييق للمنطقة بشكل ملاااااحظ وتنظف مررررة وتشيل كل الروائح !! |
رد: كيف استخدم الحلبه
استخدميها بأي طريقة
المهم انك تستخدميها وخلاص سواء تنقعيها بمويا وتشربي مويتها او تشتريها مطحونة وتنقعيها وتضيفيها للمرق والله يسهل لك يارب |
رد: كيف استخدم الحلبه
انا الحين بالتاسع اشرب الحلبة القصيمية ملعقة الحلى بابريق القهوه التركي الوسط مع نعناع وملعقة سكر والله ماتطلع لاريحة ولاهم يحزنون اول ماشريتهم يقولوي زوجي اشربيهم وانا بالدوام مره بقصد سويتهم وشربته عنده والله ماعرف اني اشرب حلبة يسال ايش الي تشربية يعني المطحونة بس هي الي تجيب ريحة وبعد اليمنيه يقولون مره ريحتها قوية
|
| الساعة الآن 02:05 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .