|
السعلة وارتفاع الحرارة في الحمل ..؟
اهلين بنات
شخباركم ؟ بنات ذوي الخبره .. انا توني اول مرة احمل كانت اخر دورة لي في 3 محرم واغتسلت منهاا وقبل اسبوع سويت اختبار منزلي وطلع لي موجب جيت ماصدقت وسويته مرة ثانية وطلع نفس الشي موجب بعدين سويت تحليل دم لاني سمعت ان الاختبار المنزلي مو كل مرة يصدق وطلع هرمون الحمل عندي 200 المهم بنفس اليوم الي سويت فيه هالتحليل طقتني سخونه حسيت عظامي بتتكسر وجاتني كحه قووووية وخايفه ان الحمل مايثبت هل الكحه القوية تضر بالجنين الي توه ؟؟؟ او اتطمن؟ طبعا امس رحت المستشفى وسوت لي الذكتورة سونار قالت لي مايبين شي لان توه وقالت لي احسن لج نامي وارتاحي لان الادوية مب زينه ع الحامل بس انا خايفه حيل ومادري شسوي |
رد: حامل اول مرة
نسيت اقولكم موعد دورتي بعد يومين
|
رد: حامل اول مرة
وينكم؟؟؟؟؟؟؟؟
|
رد: حامل اول مرة
الف مبروك يعني انتي حللتي قبل موعد الدورة
|
رد: حامل اول مرة
الله يثبت حملك ويفرحك فيه يارب وكثري من قراءة القران وماء زمزم واستودعي جنينك رب العالمين كما خلقه هو يحفظه سبحانه توكلنا عليه وكثري شرب عصير برتقال وشوربه فيها ليمون اشوي عصريه بدل الادويه لان الجو بارد وان شاء الله فتره وتعدي الزكمه والكحة
|
رد: حامل اول مرة
يوه مره مرة بدري ع السونار
ماعليك منها اصلن حتى لو كملتي شهر ماراح يبان لا يأثرون عليك بهالشي الهرمون 200 يادوب انه يوصل 1500 او اكثر عشان يبان* بعدين حبيبتي الززكمة عادي انا بحملي زكمت وسخونه حللت وصرت حامل الله يتمم لك على خير يارب |
رد: حامل اول مرة
حبيبتي الله يتبت حملك وحملي وحمل الأخوات لاتجهدي نفسك وشربي عصير برتقال دافي
إن شاء الله خير |
رد: حامل اول مرة
الف مبروك يا الغلا
و لا تخافي ان شاء الله ربي يثبت حملك |
رد: حامل اول مرة
مبروك الله يتمم لك حملك .. صح كلام الدكتورة ارتاحي
|
رد: حامل اول مرة
الف مبروك الحمل
ولازم ترتاحي وهالزكمة والسخونة كتير حوامل تصيبهم اول الحمل وهي نتيجة الحمل حاولي تبتعدي عن الادوية وخذي زهورات ساخنة مع عسل عشان الكحة تخف او شي ساخن عشان صدرك يدفى ويرتاح والله يتمملك على خير |
| الساعة الآن 06:28 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .