|
اللي صار معاها نفس حالتي تدخل ضروري؟؟
السلام عليكم ....
انا جديده بالمنتدى... ابغى اقولكم قصتي واللي تعرف وتكون نفس حالتي شنو سوت انا حملت بعد فترة علاج والحمدلله وكان ينزل مني افرازات بني واخذت مثبتات ووصلت للاسبوع السابع وكشفت وتقولي الدكتوره الجنين ماكتمل وقف نموهhttp://forum.hwaml.com/imgcache2/hwa...060592_686.gif وصرتي ابكي لاني خايفه!! والحمدلله ماسويت تنظيف نزل من حالو والحين انا حامل ونزل مني امس افرازت بني ورحت جري للدكتوره وسويت هرمون الحمل وكان مره منخفض وعرفت انو اجهاض وقلت لدكتوره وسوتلي تصوير وقالتلي الجنين ماينمو ؟؟؟ وراسي مية سؤال ليش ماينمو وانا اخذ فوليك وجو اسبرين ومثبتات وقالتلي المره الجايه اول ماتحملي راح تاخذي ابر من بداية الحمل!! مين اخذت الابره بحملها؟؟ المهم انا الحين استنى متى ينزل او اسوي عملية تنظيف؟ قولولي محتاره وهل اسوي واناالحين في فترة الاجهاض اسوي تحليل الاجسام المضاده في الدم او تحليل تجلط الدم بالمشيمه واللي تعرف لا تبخل علي ؟؟ استنى ردودكم... |
رد: اللي صار معاها نفس حالتي تدخل ضروري؟؟
والله حبيتي ما عندي فكره بس حبيت ادعيلك انشالله بتحملي وبثبتلك حملم اللهم امين...........
وانشالله البنات بفيدوكي |
رد: اللي صار معاها نفس حالتي تدخل ضروري؟؟
ياقلبي الله يرزقك بالحمل السليم المعافى ياارب
والله ماعندي اي علم بس حبيت ادعيلك |
رد: اللي صار معاها نفس حالتي تدخل ضروري؟؟
والله يالغلا ما عندي اي فكره .......بس حاولي تروحي للدكتوره وتسأليهاا كل الاسئله الي ف بالك..الله يصبرك يالغلا..ويرزقك الذريه المعاافااه الصالحه ياااارب......الله كريم قادر على كل شي
|
رد: اللي صار معاها نفس حالتي تدخل ضروري؟؟
ميخالف ياعمري ماتدرين ربي وش كاتبلك ان شاء الله خيراه لك وشفيعين لك ياربي
والله يرزقك بالذريه الصالحه وياربي يرزقك بالذريه الصالحه اللي تملاء دنياك عليك |
رد: اللي صار معاها نفس حالتي تدخل ضروري؟؟
حالتك مثل حالتي
سبب عدم نمو الجنينويتوقف لان الدم مايوصل للمشيمة ولازم تاخذي ابرة الميسل الدم لازم تروحي دكتور حق الدم متخصص وقولي له عن حالتك وانا اخذت الابره بعد الحمل نفس الحكايه اجهاضت لازم تاخذيها قبل الحمل والان انا حامل و الحمدالله الله ارزقني وان شاء الله يثبت والله يرزقج حبيبتي |
رد: اللي صار معاها نفس حالتي تدخل ضروري؟؟
الله يرزقك بالذريه بالذريه الصالحه السليمه المعافا
|
رد: اللي صار معاها نفس حالتي تدخل ضروري؟؟
انا ماعندي فكره بس حبيت ادعيلك ياقلبي انشاء الله تحملي ويثبت حملك بس عندي لك نصيحه وباذن الله ربي يثبت جنينك اول ماتحملي اقري صورة البقره كل يوم مو شرط كلها على الاقل كل يوم صفحتين وادعي الى تبغين وباذن الله يتحققلك كل امانيكم
|
رد: اللي صار معاها نفس حالتي تدخل ضروري؟؟
انا اللي اعرفه مثل ماقالت ام رضا مولا زم ابر مسيله الدكتور يصرف بيبي اسبرين للي دايما يجهضون ايضا نقطه مهمه الاجهاض المتكرر ممكن يكون تشوه في الحيوانات المنويه فتكون انقسامات البيبي مو طبيعيه فيحدث اجهاض وهذا الكلام من دكتور حاولي زوجك يعمل تحليل وان شاء الله سليم وربي يرزقني ويرزقك وكل من تتمنى يا رب
|
رد: اللي صار معاها نفس حالتي تدخل ضروري؟؟
حبيبتى انا نفس حالتج با الضبط حملت 4اربع مرات وفىكل مره اجهض فيهم وما كنت اعرف السبب والقلتلى الدكتوره لازم اسوى فحوصات شامله وسويت وعرفت السبب طلع عندى تجلط فى الدم يعنى الغذاء ما يوصل للبيبى ويموت يعنى الكيس ما يكبر ابد والحين انا حامل الحمدلله فى الشهر الثالث وكل يوم اضرب ابره مممم نسيت اخبرج يمكن تخذين اسبرين بدل ع الابر بس ع حسب تجلط نسبت تجلطالدم فى جسمج انا ما ينفع وياي اسبرين ضرورى ابر مفعولهن اقوى ع فكره الابره ما تعور وايد لانها صغيره نفس ابرت الانسلين تضربيها تحت الجلد الله يتمملى على خير ويرزقج وكل محرومه عجل غير اجل يارب
اسفه حبيبتى طولت عليج بس والله حاسه فيج انشاءالله اكون افتج |
| الساعة الآن 08:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .