وحامي اتعبني
 

السلام عليكم
حامل لي شهر وشوي
فيني حراره داخليه اتعبتني احس عضامي بتتكسر منها تخف فجاءه وترجع فجاءه
ومن امس معي الم اسفل ظهري مو قادره المسه حتى اذا لمست مكان الالم يلذع وكانو فيه مويه مدري شلون اشرحها لكن مومرتاحه لابجلسه ولابنومه اي حركه يالمني مع مغص خفييف
والغثيان بسببه ذبحني الجوع امس غصبت نفسي جلست كل يومي استفرغ واحس بمرااره بفمي
طبعا هذا مو اول حمل لا بس اول مره يمر علي هالحاله
بالعاده اشتكي من دوخه وامسااك دائم بفتره الحمل لكن الحمد لله قريت لوحده هنا انو الدكتوره نصحتها بالكيوي وياربي لك الحمد ريحني كثير رغم انو حامض ودايم يجب الحرقان لكن الان ابد والحمد لله والمنه ماجاب لي الحرقان انصحكم فيه

لاتقولون هالفتره روحي للدكتوره اولا ماعندي هالاسبوعين احد وغير كذا مقدر اطلع اخاف استفرغ ما اتحمل ي ريحه ولا اي مجهود على طول احس بدوخه وقلبت معده

رد: وحامي اتعبني
 

ياحياتي الله يصبرك عادي هذا كلله عشانك حامل وضعك عادي ومن حمل لحمل يفرق ومن بطن لبطن يفرق مو شرط
ايش تسوي لازم تستحملي بالنسبه للغثيان والله انا جربت ذا الشي ومرررررررره ريحني اغلي مويا حاره وحطيها بكوب واعصري عليها ليمون انا عصرت ليمونتين كثرت الليمون واشربيه زي الشاي بس لاتحطي لاسكر ولا عسل انا لما اشوف السكر والعسل احس ابغ استفرغ واشربيه بيريجك انا مره ناسبني واقري بالنت يمكن تلقين حل المشكله حتى لو رحتي الدكتوره ماراح تعطيك علاج لانك حامل ثانيا بتقول وضعك عادي طبيعي يالله كلها فتره وتعدي الله يعينا ويتمم لنا ع خير

رد: وحامي اتعبني
 

طيب ياختي عندي اسئلة

1- الليمون هل هو الاصفر والا الاخضر الصغير ؟
2- هل اشرب العصير وهو حار والا لحد مايبرد ؟
3- وكم مرة اشرب باليوم ؟


الله يجزاك خير ويرزقك من واسع فضله

رد: وحامي اتعبني
 

حبيبتي انا مثلج احس بدوخه وغثيان اولادي ماخليهم يدخلوا على الغرفه على طول اصرخ بررررررررره
ههههههه ماطيق اي عطر او حتى اتكلم زوجي بينام بالصاله ماطيق كلشي اخذت اجازه من الدوام
مره دخلت المصعد وصعدوا معي ركضت وخرجت صعدت الدرج واول مادخلت المدرسه استفرغت اااااااااااااه ماعرف شنو اكل وارتاح الليمون بيأذي اكثر لان بيخلي معدتك حامضه اكثر من ماهيه حامضه بس عندي طريقه هيه اني استفرغ واكل بسرعه علشان الاكل ينهضم بسرعه قبل ما استفرغه مره ثانيه
تعرفي؟انتي حامل ببنت لان وحام البنت صعب صعب صعب
الله يقومك بالسلامه

رد: وحامي اتعبني
 

واااااااااااااااي ذكرتوووووووووووووني بوحااااااااامي يممممممممه يمممممممممممممممه ايش اقول وايش احكي ياربي لك الحمد من شدة الغثيان اللي فيني عشت شهور على المغذيات لاني ما كنت قادره اكل ابد

حبيبتي جربي كلي فاكهه مثل التفاح الكمثرى الاجاص ما كانو يجيبولي غثيان كثير زي الباقي وربي يعااافيك

رد: وحامي اتعبني
 

اهلين حبيبتي انا اتكلم عن نفسي مره ريحني لان البنات اللي بعدي بيقولو يجيب حموضه هو صح ممكن بس انا والله ناسبني ومن وحده لوحده تفرق فاذا حابه تجربيه بكيفك وانا قريت بالنت علاج الغثيان انو تاكلي قطعة بسكوت شاي او قطعة خبز بر ووقتها رحت اخذت البسكوته ورجعتها احس لو اكلتها بستفرغها لان فيها سكر كان ودي بشي حااااامض وخبز اسمر كان وقتها ماعندي بس احسه فعلا كويس لانه مر ومافيه حلاوه زي الابيض
وبالنسبه لليمون ايوه والمويا حاره زي الشاي اشربيه وعادي الليمون اللي عندك وانا شربته بس مره وحده لما حسيت الغثيان بس نصيييييييييييحه لاتكثري منه لانه اكيد بيجرح المعده ويجيب حرقان
موفقه ياسكر الله يعينا بس

رد: وحامي اتعبني
 

أنا الدكتورة كتبت لي حبوب للغثيان
(( Navidoxine ))

أستعملها حبة قبل النوم ..وعند الضرورة

ونصيحة مني..سوي تحليل لجرثومة التكسوبلازما

أنا في حملي السابق ..كان وحامي فظيع ..يختلف عن الوحام قبل ذلك

رحت الدكتورة سوت لي تحليل التكسوبلازما وطلعت عندي الجرثومة

وتأثر على الحمل وتسبب الإجهاض

الحمدلله لحقت نفسي وتعالجت ..وجبت أحلى بنوتة ..الحمدلله

رد: وحامي اتعبني
 

جزاكم الله الف خير
والليمون سبحان الله بحملاتي الثلاث الماضيه اتوحم عليه اكله اكل الفشاار ههههههه واقشره بعد
لكن الحين لا مالي نفس فيه ولا اتحمله والغيه من السلطه
يارب يكون حملي ولد ادعولي لاني بحملي ببناتي ادور الحواامض وهذا لا
ياربي من ذكر الاكل يجيني غثيان hwaml80
ام علاوي وربي حلتي مثل حالتك ما اطيق احد يكلمني ولا يدخل علي الغرفه واذا نامووا قمت اتجول بالبيت
وربي الوم نفسي مقصره معهم بالحييل لكن غصب عني
حتى مذاكره ما اجلس معهم الا 10 دقايق بالغصب بعدين اقووم ما اتحمل