|
فزعتكم يا اهل الخبره(بنتي والصناعي)
سلام بنات انا قصتي قصه مع الرضاعه
انا من اول يوم نويت اعود بنتي على الاتنين طبيعي وصناعي وكنت اعطي بنتي رضعتين صناعي وحده قبل النوم والثانيه على العصر وفي حالت خرجت من البيت ءأجل رضعت العصر او اقدم رضعت الليل الزبده احاول اخليها رضعتين في اليوم الا للضروره المهم بالنسبه للطبيعي انا بنتي ما بترضى تمسك صدري اكثر من 5 دقايق بس واذا طولت 7 دقايق وفي حالات جدا جدا نادره تطولها 10 وبعد كدا لو اجبرتها بتجلس تبكي وبتقوس جسمها وماترضى تمسك والغريب في الموضوع انها ما بتنام وهيا بترضع بعد ما تسيب صدري بعد المضاربه طبعا بيني وبينها والبكى والخصام وبعد مايجي زوجي يفك بيننا خخخخخ المهم اهزها على رجلي او على الكرسي تنام بسررررعه بس ابدا ماتنام وهيا بترضع مني والمشكله لمن تشرب القاروره تنام وهيا بتشرب منها : ( وطول الفتره الي بترضع مني بعد ماتخلص احيانا تنام وتطول وغالبا تنام اقل من ساعه وتبكي وانا بدات انهار لاني حاسه انها ما بتشبع منى مع الرغم انه الحليب موجود لمن بظغط على الحلمه بيطلع وفتره ما بترضع بتجيني درة الحليب في كل مره بترضع فيها تقريبا المهم انا طولت عليكم بس بجد بجد ابغا نصيحه من اهل الخبره هل استمر على نفس الوضع البنت بتكبر ووزنها بيزيد طبيعي وبتتبول وتتبرز طبيعي ولا ابدا ازود عدد الرضعات الصناعيه او اعطيها بعد كل رضعه مني مكمل صناااعي ساااااااااااااااااااااااااااعدوني بليززززززززززززز |
رد: فزعتكم يا اهل الخبره
حبيبتي الغلط منك من الاساس
لمفروض ما تعطيها ابدا صناعي لانو ما في من بعد حليب الام .. وصناعي بيعمل التهابات بالامعاء وامساك او اسهال ومشاكل كتيرة .. لمفروض من الاول ازا مسكت صدرك ماشالله في حليب وبيدر تضل على حليبك انتي بدون مساعده .. وهي ممكن تكون ما عم تشبع من صدرك لانو ما عم تنام من بعده .. ولقيتها بتنام من بعد الصناعي .. وطبيعي انوو يزيد وزنها مادام بتساعديها.. نصيحتي جربي اتركيلها الصناعي وشوفيها بتشبع من صدرك وازا ماشبعت ولا نامت وضلت تبكي .. روحي عند دكتور اطفال واستشيريه .. حبيت انصحك ,, مع انو مو خبرة بس عن تجربة انا ابني اول ما ولدته ما كان يعرف ياخد صدري وكان يحب الرضاعه الصناعية .. ورحت رميت كل الرضاعات وخليتو على صدري غصب واول 4 ايام عذبني وما ييعرف يرضع بس هلئ عمره 20 يوم ولحمدلله بيرضع مني ووضعه طبيعي .. بعتزر طوولت كتيرعليكي .. تحياتي الك اختي |
رد: فزعتكم يا اهل الخبره
تسلمي عيوني على النصيحه وانا معاكي حليب الام الافضل بس انا مظطره اعودها على الصناعي لاني معلمه صحيح حاليا عندي اجازه رعاية مولود بس حرجع اداوم
ومشكوره مره ثانيه على النصيحه ... ياريت الاخوات يفيدوني وينصحوني |
رد: فزعتكم يا اهل الخبره
مادام بنتك تكبر وماعندها اي مشاكل فلا تخافين
وان شاء الله البنات يفيدوك |
رد: فزعتكم يا اهل الخبره
يسلموووو حبيبه ماما
بس انا الي خايفه منه انها تنفطم من صدري |
رد: فزعتكم يا اهل الخبره
الله معك وابنتك ان شاء الله...
ولكن نصيحتى لكى ان تداومى معها بالرضاعة من صدرك.. انه مهم جدا وعلى فكرة انا مجربة هذه التجربة وكان فى صدرى لبن ولكن كانت ضعيفة جدا.. بدا الدكتورة تقول اعطيها لبن صناعى.. وبعد اول رضعة صناعية تركت صدرى تماما وتمسكت بالرضعة الصناعية فقط , وهذا كان خطأى.. فلبن الأم الطبيعى افيد بكثير ولو كان بسيط, اما اللبن الصناعى ينفخ الطفل فى الجسم.. وعند فطمه عنه ستجدينها نحيفة جدا, ومناعتها قليلة.. هذه كانت تجربتى ولكن عليكى ان تذهبى لدكتور اطفال وهو سيفيدك اكثر.. لا تكثرى من اللبن الصناعى ابدا وطالما هى تنمو بصورة جيدة , فعليكى ان ترضعيها دائما من صدرك.. ان شاء الله يبارك لكى فيها ويبعد عنها اى اذى ان شاء الله |
رد: فزعتكم يا اهل الخبره
امنعي الصناعي عنها يومين
رح تتعبي مع بكاءها اليومين هذول لكن ان شاء الله تتعود ع الطبيعي |
رد: فزعتكم يا اهل الخبره(بنتي والصناعي)
شكرا اخواتي سماح وام اسكندر على النصيحه
بس انا فعلا فعلا مظطره اعطيها صناعي لطبيعه عملي بس ححاول ما ازيد عن رضعتين في اليوم صناعي بس المشكله هيا في الاساس ما تطول لمن ترضع مني 5 دقايق بس وما تنام على صدري : ( |
| الساعة الآن 03:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .