|
رضينا بالهم والهم مارضي بينا !!!
صباح الخير
شلونكم ان شاءالله زينين بعرض لكم مشكلتي يمكن اهي صحيح مشكله يمكن اكون انا حساسه شوية بس شسوي ضايقتني حيل .. انا مااتزوجت عن حب بالعكس كان زواج تقليدي جداً !! نصيبي ارتبط بواحد مطلق بدون اطفال .. انا مو مقتنعه فيه بس الوالد اقنعني وخفت اعصي الوالد ربي ما يوفقني لانه اخلاقه زينه ومناسب جداً حاولت ارضي نفسي واقنع نفسي والحمدلله على كل شي لما كتبنا كتابنا وصرت اجلس معاه واكلمه خبرني عن عمره صار بينا اقل من سنه !!!! لالالالالا مسسسستحيل < انا هنا شويه واموت !!! ماكانت هذي رغبتي ابداً :( لكن الفاس وقع بالراس ورضيت شسوي بعد بداية الزواج ماكنت حابته وكنت اتقبل اخلاقه لانها زينه الحمدلله .. بس الحب من ربنا !! ماقدرت احبه .. استمرينا والوضع ماشي .. صارحني قبل يومين مصارحه جرحتني كثيررر تمنيت لو ماتكلم احسله قال انه كان بيخطب اختي اللي اصغر مني بس مايعرف كيف خطبني...!! كيف يعني انا طلعت له بالسحبه والا شلون ؟؟ وقتها رديت عليه رد مؤدب و سكرنا السالفه بس مدري شفيني كرهته لاني اساساً ماا حبيته بس اقنع نفسي فيه ولما بديت اتقبله قال لي هالكلام :( للعلم انا كنت انخطب من كان عمري صغير .. بسربنا كاتب لي نصيب مايل معاه ... شو الحل ؟؟؟؟؟؟ واختي ولامره اتخطبت |
رد: رضينا بالهم والهم مارضي بينا !!!
اسمعي عزيزتي
انتوا توكم بداية تعارف طبيعي ما اتقبله من البداية او ان الحب مايجي الا متأخر انتي كنتي تتمني عمر واحد أكبر ؟ لكن يبدو لي ان حتى انتي عمرك مو صغير كون المتقدم لك مطلق ولما قالك كنت ابي اخطب اختك ربما كان يبي يثير مشاعر الغيره عندك وانتي مالبيتي له هالاحساس اتمنى تتقبلي وجهة نظري |
رد: رضينا بالهم والهم مارضي بينا !!!
شكراً على ردك يا عزيزتي
بس انا عمري 22 مو كبيره كتير كمان هوا بيقول كان معاه مشاكل بالزواج الاول .. انا كنت بقول انه اقل شي فرق العمر 3 سنوات لكن ربنا لما يكتب امر مانقدر نعترض |
رد: رضينا بالهم والهم مارضي بينا !!!
يقلبي علييك
الله يعين على بعض رجاال ..يقطون الكلام من غير مايحسبون حسااب المشكله انه مطلق..يعني مفروض خلاص يعرف نفسيه الجنس الناعم وشنو يرضيهم وكيف التعامل معهم مالك ياقلبي الا تحاولين تفهمينه..شنو يحب شنو يكره اما كلمته انه بيخطب اختك هذي وحده من ثنتين اما انه يبي يغيضك ويقهرك ويرفع ضغطك بالمزح..او حصل شي او انه مجنون مايعرف يتعامل ولا يتصرف الصبر يقلبي..وحاولي تعرفين نفسيته يمكن مع الايام يتعدل اللله يوفقك يقلبي |
رد: رضينا بالهم والهم مارضي بينا !!!
تقبلي مروري
|
رد: رضينا بالهم والهم مارضي بينا !!!
اللي أنا مستغربة منه بصدق
كيف تقبلي تتزوجي واحد ماسألتي حتى عن عمره ؟!!! المهم ياقلبي .. عدم تقبلك له هو لإنك في قرارة نفسك رافضتة !! بس ليش رافضتة .. هنا السؤال وما احد يقدر يجاوب عليه غيرك !! تقولين أن اخلاقة كويسة .. طيب ليش ماتبغية ؟! ترى أنت في البداية لسى ويبغالك تصبري وترسمي له صورة واضحة لك من الآن !! لا تجاملية على حساب نفسك ومشاعرك وبعد مايقع الفاس بالراس ما احد بيندم غيرك !!! اما مسألة انة كان بيخطب أختك فوااااضح أنة بيستثير غيرتك بس لانو واااااااضح إنك جافه في مشاعرك معه !! فحب يتأكد هل أنت فعلاً تحبية وتريدة او لا !! مثل ماقلت لك اجلسي مع نفسك وقبلها استخيري وإياك والتسريع بإتخاذ القرارات !! وربي يسهل لك ويطمن قلبك |
رد: رضينا بالهم والهم مارضي بينا !!!
حبيبتي عاااااااادي جدا
ولاتزعلين نفسك ابد ولسه انتي صغير وبعدين فرق العمر مو حلووو يكون كبير اهم شي التفاااااااهم انا عمري 20 تقريبا وزوجي عمره 30 ومااستفدت شي من الفرق اهم شي التفاهم ولله الحمد والمنه انا وهو متفاهمين وكلنا ماتزوجنا عن حب ولاصرنا نحب ازواجنا الا بعد العشره يعني انتي تزوجتي عشان ابوك مايجي تخربينها الحين لو من البداااايه احسن بس ربي ماكتبلك يكون من نصيبك الا انكم بتكونو متفاهمين ادعي ربك انه يحببه فيك ويحببك فيه بكل سجووود واستغفري وخذي كلامه اللي يزعلك بمزح يعني زي ماقال جيت اخطب اختك لو رديتي وقلتي بمزح وغيره ليش مب عاجبتك وانتي اعرفي اسلوبه واتفنني بالغيره والجاذبيه |
رد: رضينا بالهم والهم مارضي بينا !!!
اختى الحبيبة ...
لا تضعى فرق السن حاجز بينك وبين زوجك ابدا .. الزواج التقليدى فى معظم الأحيان بيكون افضل وناجح من الزواج عن حب.. وبكلامه لكى انما هو يستثيرك ليجعلك تغارى عليه.. وباحساسى انكى لا تعطيه القدر الكافى من الحب .. انه الان زوجك وليس خطيبك .. ومعنى هذا انه عليكى ان تكونى زوجة معه بكل المعانى .. حبيه جدا واجعلى من نفسك الامان له.. تقربى اليه والى افكاره وقربيه منكى جداا,. اهم شىء فى الانسان هى اخلاقه,وليس عمره, ولا شكله.. احمدى الله عز وجل على نعمة زوجك باخلاقه الكريمة ,وتوددى اليه,واجعليه قرييييب منكى اكثر.. اتمنى لكم حياة زوجية سعيدة باذن الله.. |
رد: رضينا بالهم والهم مارضي بينا !!!
اشكركم جميعاً
|
| الساعة الآن 05:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .