|
محتاجه موشورت كل الحوامل من 7 الى 9 شهور
السلام عليكم بنات كيفكم ياحلوين...
الله يسهل عليكم ولادتكم يارب ويهون عليكم حملكم يارب .... بنات انا قبل سنه كنت حامل ودورت الين دخت في المولات وفي محلات المفارش ابي مفرش نفاس مالقيت ..نزلت جده دورت لقيته على 8 الاف وفوق صراحه حراميه..فهونت واخذت مفرش عايدي والله للحين في خاطري..تعرفون الحامل صعبه اروح واجي كثير خاصه اول حمل الحمدالله حملي كان صعب وولادتي كانت اصعب ولا ابي اتذكر وايش جاني فيها... المهم بنات انا الحمدالله ماشاء الله تبارك الله اشتغل في بيتي ديكورات وتصاميم خاصه لو عندي مناسبه اقلب الدنيا قلب ما احد يصدق انه شغلي الكل يقولي الرجال الي جاكي كم اخذ منك كم كلفك واذا قلت انا الي سويت كل شي ..يسؤلوني كيف سويتيه لحالك كيف الطريقه يوووه والله تعب من هالكلام المهم اني لاحظت اني موهوبه من كلام الناس فقط..ههههههه وبصراحه كثير قالو لي يابنت حرام عليك سوي شي لنفسك انتي موهوبه ولاني زي كل الخريجات الي في البيوت قررت اني اعمل مشروع لكني خايفه افشل وابي نصيحتكم لان المشروع لكم والله مو لي... انا ابي اتسلى ومنها افيد واستفيد ومكسب بصراحه مافي على الاقل في البدايه..لكن يمكن بعدين اعرف كيف اقلل ميزانية الشغل يمكن..لكن انشاء الله ما ارفع السعر تعبنا من الغلى.. بنات راح اسوي مفارش لنفاس (مفرش للأم وهندول البيبي والدولاب والمهد )ويمكن اسوي لسقف غرفة الاستقبال لاني جالسه ادرس الفكره بس طبعا طلبيه بنات لقيت خياط شاطر بس غالي ما اعرف احد رخيص وكمان الأقمشه في رخيص وفي غالي انا لوجبت غالي اتوقع راح تكون تكلفة الشغل اقل شي 2000 اذا صرت مرا شاطره واذا جبت رخيص يمكن يكلفني 1700 فايش رايكم يابنات ؟ بنات انا ما اقدر اسوي 40 قطعه وما ادري كيف يسونها .. انا يابنات راح اطلع بمفرش كشخه وشغل كشخه لكن شغل مشي حالك ورخيص ومية قطعه ما اعرف ولا ابي اعرف كيف يسونها يمكن لو كان عندي خياط خاص فيني كان زودت قطع حلوه ومفيده ولو عندي طاقات قماش بالجمله كان يمكن يمشي الحال...بس صراحه في قطع احس لو مو موجوده احسن ....عندك لبس النونو لبس الام طقم مع المفرش والهندول..انا لو لنفسي مستحيل البس زي مفرشي وزي هندولي ورضاعة ولدي بعد طقم والزباله معي طقم والله هباله..معليش لو اسوي سقف الغرفه لو صينية التقديم لو الشكولاته والتوزيعات ثلاجات القهوه والشاهي..كلها تصير بكيج متناسق وحلو يعني الجو يكون متناسق..بس اطقم انا معاه والله مو حلو.. يابنات ادوني رأيكم المشروع لكم مكسبي هيكون ضعيف ويمكن مافي على حسب اذا مافي هخليكم تدعون لي وقت ولادتكم واذا فيه مجال هخليه رمزي.. بنات ايش رايكم أبدأ اتوكل على الله واشتغل..hwaml12 بنات السعر 1700 او 2000 ..ماراح اقدر مبدئيا اقل من كذا القماش والخياط والطلبات حكمتني ..ايش رايكم..يمكن تكون عدد القطع بالكثير 5... بس كل شي ذوق..وانا رسمت تصاميم تهبل بس باقي اشتغل وخايفه اخسر وزوجي يشمتني لانه يقول لي بتخسرين النت اكيد مليان...السوق في الرياض مافي غير محل واحد وما اعجبني شغله وغالي بعد... بنات الي تحس انها لو اشتغلت شي حلو هتاخذه مني امانه تقولي والله لا اتحمس لها ولا اسوي لها شي يهبل حتى لو خسرت ...المهم حلاوة النجاح .بنات تكفون ردودكم لو بكلمتين..hwaml7 |
رد: محتاجه موشورت كل الحوامل من 7 الى 9 شهور
هلا حبيبتي , حلو انك تفكرين كذا ,
وحلو انك تشتغلين وتصلحين اشياء , لكن بالرياض في محلات كثيره للمفارش وكلها حلوه ! واولهم عندك محل كرز وفوتشيني مره حلواآت وفضيعه الاشياء اللي عنده , وبالعكسسس حلو كذا لكن انا لوني منك ماكون بالنت لانو اصلا النت مليان ناس في ناس شغلها شين وفي ناس شغلها حلو واكثر الناس ماتفكر تاخذ من النت , يعني لو تحاولين تسوين اي شي يكون برا النت افضل لانو شوفي هنا كثير يجون يبيعون مفارش واشياء وطلبيات وماحس في طلبات عليهم ! يعني اقاربك لو عرفو انك تشتغلين راح تنشهرين :) صحباتك صحبات صحباتك وزي كذا عرفتي يكون افضل لك من النت , مافي مانع انك تحطين اعلاناتك بالنت لكن ماحس بتجيبين زباين اذا اعتمدتي اعتماد كلي عليه , :) احيي الموهبه اللي فيك حبيبتي لكن ياليت تنزلين صور لااشياء قد سويتيها وكذا , عشان يكون موضوعك احلى وحماسي هع , بالتوفيق ياروحيُ ,~ |
رد: محتاجه موشورت كل الحوامل من 7 الى 9 شهور
اقتباس:
|
رد: محتاجه موشورت كل الحوامل من 7 الى 9 شهور
الله يووفقك ان شاء الله ونزلي الصور
|
| الساعة الآن 12:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .