|
T_t البيبي وزنه ناقص .. خبراتكم وتجاربكم يابنات ,,,
السلام عليكم ورحمة الله وبركاته
بنات لما رحت عند الدكتوره مراجعه شهريه شافت بالسونار وقالت البيبي مره ناقص وزنه : هوا انتي مابتاكليش !؟! وقالتلي اروح اعمل سونار ثاني عشان تتأكد وتطمن ’’ طلع منجد وزن البيبي مره صغير على عمره وانا دوبي دخلت الشهر السابع طبعا بصراحه لما شفتها مره مهتمه وقلقانه حسيت برعب وخوف عالبيبي مع اني اكل كويس ومهتمه بصحتي واكل الحمدلله يعني مستغربه ليش وزنه ناقص بس ماقالتلي كم وزنه وانا نسيت اسأل < لكن حسأل لما اروح الموعد بعد اسبوع < مع انو اول قالتلي تجي بعد 10 ايام لكن بعد ماشافت قد ايش وزن البيبي ناقص قالت تجيني بعد اسبوع وتاكلي مره كويس وجلست توصيني حسستني كأني مسافره لبلد بعيده *_* وقالتلي كمان عدي حركات البيبي >_< مافهمت يعني كيف < بصراحه جلست تشرح لكن نسيت كلامها من الخوف والقلق المهم الموعد مابقي عليه كثير بنات : ســـؤالي : ايش الاكل المغذي المفيد اللي يخلي وزن الجنين يزيد بهذا الشهر؟؟؟ < الشهر السابع وهل فعلا زي ماقريت انو التمر والموز والحليب كويس ويزيد وزن البيبي ؟ طيب التمر مو يقولو ماتاكليه الا بالشهر الاخير عشان تسهل الولاده ... الخ وكيف اعد حركات البيبي ؟؟؟ انا عملت ورقه وقلم *_* وكل ماحسيت بحركه اكتب : حركه 1 / الساعه : كدا كدا بليز طمنوني ترا مره قلقانه وشايله هم |
رد: T_t البيبي وزنه ناقص .. خبراتكم وتجاربكم يابنات ,,,
كلي تفاح مخلوط بعسل طبيعي على الريق وان شاء الله يزيد وزنه
|
رد: T_t البيبي وزنه ناقص .. خبراتكم وتجاربكم يابنات ,,,
^_^ جزاكي الله خير اختي انا سرت من امس اكل تفاح وان شاء الله استمر عليه ^_^
وان شاء الله اسير كمان اكلو مع العسل ^_^ جزيتي خيرا يلا اخواتي انتظر خبراتكم |
رد: T_t البيبي وزنه ناقص .. خبراتكم وتجاربكم يابنات ,,,
اختي انا الا اعرفه انو التمر عادي تاكليه باي وقت يخلي الجنين يصير ذكي وكمان يسهل الولاده
ربي يسهل عليج ويطمنج *:: ،، |
رد: T_t البيبي وزنه ناقص .. خبراتكم وتجاربكم يابنات ,,,
شوفي حبيبتي انا لما رحت اراجع وانا في الشهر الثاني قالت لي الدكتوره نفس كلامك
وكلمت امي وقالت كلي تمر كل يووم وزبييب اسوود كمان مره حلو للدم وحلييب السعوديه مع الخضار الورقياات والعصيراات الطاازجه بس اكثر شي كنت اختمر مع لبن عشان القهود مو كويسه طبعا مع باقي التوصياات اللي فووق ولما رحت الموعد للشهر الثالث قالت ماشاء اللله تبارك الله وزن الجنين كثير زااد واحسن من اول بكثيير ووصتني زياده على اللي قلته الجووز اللي هو عين الجمل وصدقيني لو استمريتي عليها بأذن الله ماتروحيين موعدك الا ووزن البيبي زااايد لانه يبان الفرق في شهر |
رد: T_t البيبي وزنه ناقص .. خبراتكم وتجاربكم يابنات ,,,
مثل ماقالوا البنات
والتمر بالعكس مفيد وأنا والله اكله من بداية حملي وإلى الآن ماتركتة مع اني قبل حملي هذا اجهضت اربع مرات ومع هذا الحمد لله ماشفت إلا العافية تمر مع حليب وتفاح مع حليب ركزي عليهم وايضاً اشربي حليب المكمل الغذائي مررررررره بيزيد وزن الجنين تجدية عند الصيدلية فية منو 3 نكهات شوكولاتة ، وفانيليا ، وفراوله http://forum.hwaml.com/t79379.html وايضاً ركزي على اللحوووم الحمراء والسمك |
رد: T_t البيبي وزنه ناقص .. خبراتكم وتجاربكم يابنات ,,,
انصحك بالتمر كلي سبع تمرات اول ماتصحي وكوبين حليب محلى بشوية عسل يفيدك انتي والجنين ويعطيه قوة
|
رد: T_t البيبي وزنه ناقص .. خبراتكم وتجاربكم يابنات ,,,
على الفكرة عشان لاتنفجعي الحليب مرة بالليل ومره بالنهار والعصيرات الطازجة كويسة
|
رد: T_t البيبي وزنه ناقص .. خبراتكم وتجاربكم يابنات ,,,
انا مثلك كنت بالثامن وقالت لي الدكتورة وزن البيبي ناقص وحجمة صغير والمفروض وزنة يصير 2كيلو واهو اقل من 2 كيلو وقمت اكل تمر بكثرة والحمدلله الحين بشهري التاسع صار وزنة 2كيلو و600غرام وان شاء الله على مااولد يكون وزنة تمام
|
رد: T_t البيبي وزنه ناقص .. خبراتكم وتجاربكم يابنات ,,,
عليك بالتمر والموز والحليب
|
| الساعة الآن 12:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .