|
الفحص المهبلي....آه بسس
السلام عليكم كروشات.. كيفكم والحمل؟...انا عن نفسي مليييت وراجيه رحمة ربي بس المهم بقولكم قصتي مع هالفحص,,,ههههه صارت قصه انا لي اسبوعين بالتاسع والبارح كنت احس برطووبه يعني زي قطرات المويه مع خروج الافرازات اللي بين الاصفر والتفاحي..لان وانتو بكرامه معاي التهابات شديده.. طبعا وسوست انها ولاده خخخخ..وخبرت زوجي وقالي خلينا نروح لمستوصف خاص نشوف..(انا متابعتي في حكومي خارج الرياض).. المهم قررنا نروح مستوصف الكسائي اللي بالريان..وبالفعل رحنا.. كان بالليل الساعه 10 ونص تقريبا ..وسبحان الله كان فاضي دخلت مكتب دكتورة سوريه..وساعه ع بال ماجات المهم جت وسألتني كم سؤال وبعدها قالت بنسوي سونار واخذوني ع غرفة السونار..ويالله ع طول طلعي بطنك..التفت يمين يسار قلت ابي شرشف..اووه المهم جابوا لي..وبعد ماانسدحت جت الدكتورة..الا الجهاز عي يشتغل وساعه ع بال مااشتغل..المهم طمنتني ان المويه حوله كافيه ومافي اي مشكله بس قالت نسوي فحص مهبلي عشان الالتهابات..بالبدايه رفضت وقلت ماعمري سويته لكن زوجي اصر عشان نطمن.. اهااا...هنا بدأ فلم الرعب..تخيلوا اول مره اسويه وهي عارفه هالدكتوره..دوبي رفعت رجولي الا يوم طعععع دخل اصبعها..واااو انا هنا طقيت السقف ورجعت وقلت اي يعور قالت لسى مادخلت شي؟؟ انا هنا بغيت انهبل وقعدت اصييييح عندها,,(لا تضحكون عاد).. تخيلوا دموعي اربع اربع المهم قعدت تضحك هالحيوانه واني طفله وكيف راح اولد...حقدت عليها من جد..قالت طيب باخذ مسحه قلت اوكيه..ودخلت عود زي حق الاذان بس اطول,,عورني اول مادخل ويوم جت تطلعه..اي... المهم كتبت لي تحاميل (مافي امل استخدها)..وبرضو حبوب,, طبعا كتبت لي قبل تطلع النتيجه..ماشاءالله فاهمه.. بعدها طلعت وسبقت زوجي فيما يدفع الحساب..ركبت السياره وجلست امسح دموعي واحاول مايبن شي..جا زوجي وركب وحط الفواتير..انا اخذتها وقلت وانا اضحك عسى ماخسرت كثير..مارد علي!!! بعدها قال وش فيك تصيحين؟؟؟ هو قالها والا ماقالها...رجعت نوبةالبكاء ثانيه لكن هالمره من قلب..صياح وشهاق..قال فيك شي؟ الجنين فيه شي؟..قلت لااا بس عورتني.. هنا احسه وده يوقف السياره وينزلني ف البر ويروح هههههههه قالي خوفتيني انتي مجنونه ومدري ايش.. ومن وصلت البيت وانا صياح وكل الليل وانا صياح.. والحين صاحيه بدري ماجاني نوم...مدريوش فيني.. كابوس الفحص والولاده ذبحني... اللي بغيت اعرفه انتم مثلي؟؟ او ان المشكله في الدكتورة؟؟ او المشكله فيني؟..لان بزواجي عانيت..وخايفه يتكرر بالولاده.. تكفون ريحوني لان خلاص قررت قيصري(لي موضوع بخصوص هالشي) وبالنسبه للعلاج هل اجرب التحاميل والحبوب او استمر ع غسول ديو سبيت والما والملح؟ ودعوااااااااااتكم.... |
رد: الفحص المهبلي....آه بسس
أختي الفحص المهبلي كذااا<<انتي ليش رحتي مو عشااان تشوفي هالافرازات؟؟
ومدام داخله التاسع ماشاء الله استخدمي العلاج افضل عشااان ماتزيد عليك بعدين ..ولو حرضت الرحم وجاتك ولاده عاااادي طبيعي عشان تولدي وترتاحي..والالتهابات اهمالها مو كويس يتعبك ويضر الجنين بعيونه حراااام..ونصيحتي لا تكثري روحات للدكاتره هالاسبوعين بيطفشوك بهالكشف وتزيد عليك الالتهابات <<مدام كل شي بالسونار بيين سليم |
رد: الفحص المهبلي....آه بسس
اختي لموني يعطيك العافيه ومشكوره
اي والله هالكشف عذاب وزادت الافرازات عقب مارجعت غير وجع البطن التووووبه ان رحت ثانيه |
رد: الفحص المهبلي....آه بسس
أنا بنهاية الثامن نزلت علي إفرازات و فكرتها ماء الجنين خخخخ و رحت الطوارئ يحليلي أفكرها ولادة و فحصتني دكتورة شينه شكلها كانت معصبة خخخخ و والله مثل طريقة اللي سوت لك بدون رحمه و ظل حوضي و المنطقة الحساسة و ظهري يألموني ساعتين كاملين حسبي يالله عليها و ظليت أسبوعين تقريبا مو ناسية هالفحص وخايفة منه قسم حتى تعبت زوجي ما أبغاه يقرب مني لأني أتذكر الفحص و أحس بخوف مو طبيعي
بس الحمدلله عدت ع خير .. و الله يعيني اليوم عندي موعد و أنا خالصة التاسع من يومين وقالت الدكتورة بنسوي فحص وتخطيط إن شاء الله يد دكتورتي خفيفة مو مثل هذيك الشريرة والله خايفة |
رد: الفحص المهبلي....آه بسس
الله يقومك بسلاااامه وعلاجك يا عسووله لاززم تاخذينه دام فيه فررصه وغيررر كذا حرررام تولدين عمليه دام فيه فرررصه طبيعي اسال مجرررب ترااااا العمليه اشد من الطبيعي ومشاكلها كثيررره وتوكلى على الله وتقومين بسسسلامه يارب
|
رد: الفحص المهبلي....آه بسس
عادي اختي لا تخافي انا عملتو وانا خلصت اسبوعين في التاسع وكان الرحم مفتوح واحد سم وتأكدت من رأس الطفل وكلها اربع ايام وولدت اهم شي رخي اعصابك وخلي كل شي على الله ولا تفكري بالعملية مدام مافي داعي والطبيعي اهون الف مره من القيصري الطبيعي كلها الالم يوم اما القيصري لما يخف موضع العملية توكلي على الله
|
رد: الفحص المهبلي....آه بسس
يعطيكم العافيه اخواتي
المصيبه ان الدكتوره ماقدرت تشوف اذا مفتوح..لاني صرخت وبكيت على طول.. وجع ع الفاضي يعني.. اعتقد القيصريه اخر حل..بكلم دكتورتي واشوف... |
رد: الفحص المهبلي....آه بسس
توكلي على ربنا وبسسسسس وان شالله بتولدي طبيعي وبتقومي بالسلامة
|
رد: الفحص المهبلي....آه بسس
نفس حالتك الله يعين ويسهلها :(
|
رد: الفحص المهبلي....آه بسس
اي يالم
لاننا نشد طبعا لا ارادي تشدين دمر نفسيتي صراحة .. وعصبت علي الدكتوره .. |
| الساعة الآن 04:00 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .