ما ادري شنو هذا بالضبط
 

السلام عليكم ورحمة الله وبركاته


مساء الخير خواتي انا حامل واخر دوره كانت لي تاريخ 2/10/2011 حللت في البيت 2/11 وبان على طول خط غامق ورحت حللت دم وطلع الهرمون ما شاء الله 190 وبعدها ب3 ايام 3700 وبعدها بيوم 4100وبعدها باسبوع صار 10000 وبعدها بيومين 14000 واخر فحص دم سويته كان 16470المهم بان كيس الحمل بس الجنين بعده مابان الدكتوره تقول اشوف شدو توأم والله اعلم قالت يمكن يبان بعدين المهم نزل مني شوي لون بني فاتح وبعدها دم فاتح يومين ووقف لاني اخذ ابر تثبيت وتحاميل 400 بعدها رحت عشان اشوف نبض الجنين عند دكتوره ثانيه اول ما شافت الحمل قالت قرييب من عنق الرحم مافيه فايده انك تاخذين فيتامينات وتثبيت وقفي كل شيء وبينزل بروحه وحجمه اصغر من عمره قالت المفروض تكوني في الاسبوع الثامن وانتي الحين باين عندي بالسونار في الاسبوع 5 و5 ايام بعدها بيومين حللت طلع 14700 يعني الهرمون بدا ينزل دكتورتي الثانيه قالت انها عندها امل وقالت احتمال احد الاجنه بينزل او بيضمر عشان كذا الهرمون نزل بس بعد ايام بيرجع يرتفع من الجنين الثاني خصوصا اني ما عندي اي مشاكل الان لا افرازات ولا دم ولا اللالام اجهاض



سوالي

منو حملت بتوام ونزل الهرمون وضمر 1وبقى الثاني ؟
وهل ممكن للهرمون بعد الانخفاض انه يرتفع؟
هل ممكن انه يكون حمل متاخر عشان كذا حجمه صغير ؟بس ليش بان بسرعه في تحليل البيت



اتمنى تردون علي وتدعولي بثبات الحمل السليم والمعافى

رد: ما ادري شنو هذا بالضبط
 

هلا غلاتي بان بسرعه في تحليل البيت لأنهم تؤام..والهرمون في الدم..والبول مركز..

أنا حملت بتؤامين بس سقطت بداية الرابع..مات أول واحد..وبعدها الثاني..

شفت نبض قلبه يوم وقف.....

الحمدالله...

خويتي..لاتحزنين على شي فديتج..الخيره فيماااا أختاااااااره الله.....

ماتدرين يمكن مشوه أو معاق..وربي أراد أنهم ينزلون عشان ماتشقيييين طول عمرج.....

أحمدي الله وأشكريه ع كل شي......

والله بيعوضج .....

وكليها على الله.......

رد: ما ادري شنو هذا بالضبط
 

بس ما نزلي اي شيء للحين

رد: ما ادري شنو هذا بالضبط
 

لأنج تاخذين تثبيت مابينزل عليج شي.....

اذا انتي من بوظبي سيري عند دكتوره بشيره.....

رد: ما ادري شنو هذا بالضبط
 

بشيره موجوده في بناية نكست صح
هل تاخذ بطاقة ثقه والالا

رد: ما ادري شنو هذا بالضبط
 

لا ماتاخذ

بتاخذ عليج 300 هذا اللي اعرفه

بس دقي واستفسري

ويمكن حولت ع ثقه......مادري اتصلي

الله يريح قلبج يارب..

انا ماكان ينزل علي دم لاني ماخذه تثبيت ..ماريد اروعج..بس انا رحت عند 4 دكتورات وتموا شهر في بطني ميتين قلت يمكن حد يحيا فيهم..

وعقب عطوني حبوب طلق تنومت وشفت الموت والحمدالله

رد: ما ادري شنو هذا بالضبط
 

ان شاء الله راح اروح لها

انا اللي عاطني امل لاني قريت عن شيء اسمه متلازمة تلاشيء التوأم قريت انه لو كان في الشهور الاولى ممكن انه جنين يضمر ويتلاشى يمتصه الجسم ويبقى الثاني خصوصا انه الدكتوره قالت لي واحد كان باين والثاني مثل الظل

يالله ربج رحيم قادر على كل شيء
واذا نزلوا تراه اكيد مو نصيبي
لك الحمد مهما طال البلاء

رد: ما ادري شنو هذا بالضبط
 

انا ما اعتقد ممكن يعطوني حبوب طلق لاني مسوية قبل 3 قيصريات
ممكن يسون لي تنظيف لو ما نزلوا واحتجت

رد: ما ادري شنو هذا بالضبط
 

الله معاكى يا اختى